SERMO LI.

ITEM DE EODEM.

Paraclitus Spiritus sanctus, quem mittet Pater in nomine meo, ille vos docebit omnia, et suggeret vobis omnia, quoecumque dixero vobis. Joan. XIV, 26.

I. De ingressu angustae portae. II. De constructione domus super petram.

Diximus supra in alio sermone, quod Dominus monet nos, ut per arctam viam incedamus, ut per angustam portam intrare contendamus, ut domum nostram supra petram construamus. Et haec tria docet nos exsequi Spiritus sanctus. Dictum est supra de arcta via, per quam ire debeamus.

Nunc, 1. De ingressu angustae portae. 2. De constructione domus prosequamur.

I.

Monet igitur nos Dominus, ut per angustam portam intrare contendamus. Unde Luc. XIII, 24 : Contendite intrare per angustam portam : quia multi, dicovobis, quaerent intrare, et non poterunt. Glossa : " Modo tempore misericordiae contendite, quia tempore judicii repro" bis tolletur locus poeniteritiae, qui nunc " aperitur cunctis pie pulsantibus. "

Et nota, quod angusta dicitur porta coeli propter quinque. Nullus enim intrabit, 1. Sine omnis rei ablatas plena restitutione. 2. Sine rancoris et odii renuntiatione. 3. Sine vestimentorum decenti emundatione. 4. Sine capitis inclinatione. 5. Sine signi Dei vivi reprae sentatione.

1. Nullus itaque intrabit portam coelestem, nisi rem injustam plene restituerit. Unde dicitur in Psal. cxvii, 20 : Haec porta Domini, justi intrabunt in eam. Justus autem est, qui restituit unicuique quod suum est. Hinc etiam Dominus in Luc. xviii, 23 : Facilius est camelum per foramen acus transire, quam divitemintrare in regnum Dei. Haec verba intellige de tali divite, qui dives factus est per res injuste conquisitas : vel etiam de illo qui res bene acquisitas nimis avare detinet, nec pauperibus miseretur. Item, Augustinus ad Macedonium : " Si res " aliena cum reddi possit, non redditur, " non agitur poenitentia, sed fingitur. Si " autem veraciter agitur, non remittetur " peccatum, quin restituatur ablatum. "

2. Item, nullus intrabit, nisi rancori et odio renuntiaverit. Unde I Joan. III, 14 et 15: Nos scimus quoniam translati sumus de morte ad vitam, quoniam diligimus fratres. Qui non diligit, manet in morte : Omnis, qui odit fratrem suum, homicida est. Et scitis quoniam omnis homicida non habet vitam aeternam in semetipso manentem. Igitur qui odit et invidet proximo suo non potest intrare illuc, ubi regnat vita alterna, et ubi charitas passidet principatum. Unde Boetius in secundo libro de Consolatione : " 0 felix " hominum genus, si vestros animos " amor, quo coelum regitur, regat. "

3. Item,nullus intrabit, nisi vestimenta sua emundaverit. Unde Apocal. VII, 14, cum vidisset Joannes turbam magnam amictam stolis albis, stantem ante thronum Dei, dictum est ei: Hi sunt, qui venerunt de tribulatione magna, et laverunt stolas suas, et dealbaverunt eas in sanguine Agni. Item, Apoc. XXII, 14 : Beati, qui lavant stolas suas in sanguine Agni : ut sit potestas eorum in ligno vites, et per portam intrent civitatem. Debet igitur in lavacro verse poenitentiae stolam animae suae emundare, qui vult in regnum Christi intrare.

4. Item,nullus intrabit, nisi caput suum inclinaverit. Unde super illud Joan. x, 1: Amen, Amen, dico vobis : qui non intrat per ostium in ovile ovium, sed ascendit aliunde : ille fur est, et latro, dicit Glossa : " Hae janua est humilis : qui per " hanc vult intrare, oportet ut se humi-" liet, ne si erectus est, offendat in hu-" milem januam. " Debes igitur te per humilitatem et obedientiam inclinare, si vis portam Dei intrare.

5. Postremo, nullus intrabit, nisi sig-

num Dei vivi in fronte deportaverit, unde Apoc. VII, 2 et 3 : Vidi Angelum ascendentem ab ortu solis,habentem signum Dei vivi : et clamavi voce magna quatuor Angelis, quibus datum est nocere terras, et mari, dicens : Nolite nocere terras, et mari, neque arboribus, quoad usque signemus servos Dei in frontibus eorum. 1. Angelus ascendens ab ortu solis, et habens signum Dei vivi, est ipse Jesus Filius Dei, qui signum crucis suas omnibus repraesentat. 2. Iste vero praecepit voce magna quatuor Angelis, id est, daemonibus qui punient peccata contra admonitionem quadriformis Evangelii perpetrata ; qui etiam vindicabunt excessus corporis, quod ex quatuor elementis consistit, videlicet ex aere et terra, ex igne et aqua. Praecipit, inquam, eis, ne per finalem vindictam noceant terras, id est, avaris : et mari, id est, luxuriosis : neque arboribus, id est, superbis, nisi prius servi Dei qui salvandi sunt, signo crucis signentur in frontibus eorum.

Si igitur intrare vis portam aulae Dei, oportet ut signum sanctas crucis tripliciter repraesentes, ut videlicet per firmam fidem sit in corde, ut per constantem confessionem appareat in fronte, ut per exsecutionem boni operis deferatur in manu.

II.

Videndum est nunc quomodo domum nostram supra firmam petram debeamus construere. De hoc dicit Matth. vii, 24 et 23 : Omnis qui audit verba mea haec, et facit ea, assimilabitur viro sapienti, qui aedificavit domum suam supra firmam petram, et descendit pluvia, et venerunt flumina, et flaveruntventi, et irruerunt in domum illam, et non cecidit : fundata enim erat super petram-

1. Nota, quod firma petra ipse est Filius Dei, Christus Jesus, supra quem piis eleemosynis et devotis orationibus ac bonis operibus, necnon et mundis laboribus domum nobis sedilicare debemus. Qui enim fide integra, et spe firma, et charitate perfecta fundamenta animas suae jecerit super ipsum, etiamsi descenderit pluvia, id est, per voluptates carnis spiritus inquietetur : et etiamsi venerint flumina, id est, per concupiscentiam rerum cor impugnetur: nihilominus etiamsi flent venti, id est, per suggestiones diabolicas anima molestetur : non tamen cadit domus sua. Per firmae enim petras bonitatem conservabitur.

2. Nota, quod monet nos Dominus, ne domum nostram super terram, id est, super rerum terrenarum confidentiam construamus. Unde dicit Luc. VI, 49: Qui audit verba mea et non facit ; similis est homini aedificanti domum suam super terram sine fundamento: in quam illisus est fluvius, et continuo cecidit: et facta est ruina domus illius magna. Qui super terram, id est super hujus mundi confidentiam domum sui laboris construxerit, cum venerit fluvius aeternaae deso- lationis, destruetur. Quidquid enim super terram aedificatur, cum terra destructa fuerit, destruetur.

Quod autem terra destruenda sit, testatur Isa. XXIV, 19 et 20: Confractione confringetur terra, contritione conteretur terra, commotione commovebitur terra, agitatione ag itabitu rterra. 1. Per petram enim intelliguntur omnes terreni et peccatores, qui confractione confringentur in mundi consummatione. 2. Tunc opera enim omnia peccatorum confringentur contritione, et conterentur in sententias prolatione. Sententia enim Domini, quam Dominus profert in judicio tanquam lapis molaris conteret omnes peccatores. 3. Commotione etiam commovebuntur in flebili ad inferos detractione. 4. Cum enim prolata fuerit sententia, peccatores a daemonibus ad inferos detrahentur. 5. Agitatione etiam agitabuntur interminabili cruciatuum passione. Cum enim detracti fuerint ad inferos, de una poena in aliam, et de diversis tormentis in diversa interminabiliter agitabuntur.

Rogate ergo Dominum, ut secundum doctrinam Spiritus sancti sic domum nostram super Dei Filium construamus, ut semper cum ipso in coelesti gloria maneamus. Quod nobis, etc.