SERMO XXXVIII.

IN OCTAVA PASCHAE.

Quia vidisti me Thoma, credidisti : beati, qui non viderunt, et crediderunt. Joan. xx, 29.

Nota, quod sicut dicit Glossa, Dominus fidem hic mirabiliter commendat. aeternam enim beatitudinem credentibus repromittit. Cum etiam dicat Apostolus ad Hebr. XI, 6, quod sine fide impossibile est placere. Duo in praesenti loco principaliter sunt notanda:

I. Quid summopere credere debeamus ? II. Quas sit beatitudo, quam si crediderimus, reportamus ?

I.

De primo nota, quod licet in Apostolico symbolo duodecim articuli fidei distinguantur, et licet in libris et scriptis Sanctorum et orthodoxorum Patrum multa inveniantur, quae credi oporteat ; sed tamen ad minus credenda sunt a quolibet vjhristiano, quae breviter prosequamur. Primo enim credere debes Unigenitum Dei Filium secundum carnem, quam assumpsit ex Virgine, in cruce mortuum

esse, et die tertia resurrexisse. Secundo credi oportet, ipsum Dei Filium claves Ecclesiae Petro, suisque successoribus concessisse. Tertio credere debes, te certissime moriturum. Quarto credere debes te rationem de omnibus actibus tuis redditurum. Quinto credere debes impios cum daemonibus aeterna tormenta passuros. Sexto credere debes, electos cum Deo perpetuo regnaturos. Si autem ista sex credideris, fidemque bonis operibus confirmaveris, sine dubio repromissam a Deo beatitudinem consequeris.

I. Credere debes Deum vere mortuum fuisse, et vere resurrexisse. Unde et Do- minus ad ostensionem suas passionis et mortis, quae praecesserat, et resurrectionis quas subsecuta fuerat, dixit Thomae, Joan. xx, 27 : ''Infer digitum tuam huc, et vide manus meas, et affer manum tuam, et mitte in latus meum :'et noli esse incredulus, sed fidelis.''

1. Nota igitur, quod Christus pro peccatis nostris mortuus est, ut et nos peccata tota mente fugiamus, et ea mortificemus in nobis : cum oportuerit pro ipsis Filium Dei mori. Unde I Pet. iii, 18 : Christus semel pro peccatis nostris mortuus est, justus pro injustis, ut nos offerret Deo, mortificatos quidem carne.vivificatus autem Spiritu. Unde etiam dicit Apostolus ad Coloss. iii, 5, 8 et 9 : Mortificate membra vestra, quas sunt super terram:fornicationem, immunditiam, libidinem, concupiscentiam malam, et avaritiam,quae est idolorum servitus... Deponite et vos omnia : iram, indignationem, malitiam, blasphemiam, turpem sermonem de ore vestro. Nolite mentiri invicem. Glossa : " Describit delicta, quae membra " appellat. " Fornicatio est omnis concubitus praeter legitimum connubium. 7m-munditia est contra naturam libido, scilicet ardor per quaslibet turpitudines discurrens. Concupiscentia mala. id est, de aliena uxore, vel de aliena re : et avaritia, quas est idolorum servitus, id est, tam fugienda sicut idololatria, cui simile et par vitium est : quia rebus pro Deo servit. Deponite et iram, quas est subitus animi motus : indignationem de alio sublimata. Malitia est, quando quis molitur damnum alicui. Blasphemia in fratrem vel Deum. Reliqua duo.patent.

2. Nota etiam, quod ideo Christus resurrexit, ut et nos cum ipso spiritualiter resurgamus, et ea quas sursum sunt, appetamus. Unde Apostolus ad Coloss. III, 1 et 2 : Si consurrexistis cum Christo,quae sursum sunt quaerite, ubi Christus est in dextera Dei sedens : quae sursum sunt sapite, non quas super terram. Cum ergo Christus resurrexerit, et ad coelos ascenderit, spretis bonis transitoriis, id est, immundis delectationibus hujus mundi: quaerere debemus eum in dextera Dei Patris, quasi summum bonum, et ipso vero gustu jugiter delectari.

II. Credere debes Filium Dei Petro, aliisque Apostolis et eorum successoribus claves hujus Ecclesiae concessisse. Unde Joan. xx,22 et 23, dicitur, quod cum Jesus post resurrectionem suam staret in medio Discipulorum suorum,insufflavit: et dixit eis : Accipite Spiritum sanctum : quorum remiseritis peccata, remittuntur eis : et quorum retinueritis, retenta sunt. Super locum istum : Quorum remiseritis, Glossa, " vel per vos, vel per successo-" res. " Item alia Glossa : " Quorum re miseritis, scilicet, quos dignos remis-; " sione judicaveritis, duabus videlicet " clavibus, scilicet potestatis, et discre-" tionis. " Cavere igitur debet quilibet Christianus, ne propter opera immunditias et injustitias ligetur sententia excommunicationis : sed potius per veram contritionem et sinceram confessionem mereatur absolvi ab omni peccato ministerio Sacerdotis.

III. Credere debes te certissime moriturum. Unde dicitur in collationibus sanctorum Patrum, quod " hoc est omnium " vitiorum peremptorium, ut credas te " quotidie de hoc saeculo migraturum. " Dicit etiam Augustinus in libro de Spiritu et anima : " Velimus, nolimus, omnes " moriemur. Nihil enim morte certius, et " nihil hora mortis incertius. " Nam nescimus, quando, et quomodo, aut ubi moriemur : quoniam mors ubique exspectat nos. Idcirco semper debemus esse parati, ut cum corpus revertetur ad terram de qua sumptum est, spiritus redeat ad Deum qui dedit illum. Ut autem recordemur mortis nostras, admonent nos mortui, quorum ossa videmus in coemiteriis. Quilibet enim mortuus sic vivum alloquitur, Eccli. XXXVIII,23: Memor esto judicii mei: sic enim erit et tuum : mihi heri, et tibi hodie. Abstinebit igitur a pec-

catis si sapiens fuerit, qui credit se quotidie moriturum.

IV. Debes credere te rationem redditurum de omnibus tuis actibus. Unde II ad Corinth. v, 10 : Omnes nos manifestari oportet ante tribunal Christi,ut referat unusquisque propria corporis, prout gessit, sive bonum, sive malum. Et nota, quod fortissimus, sapientissimus, et justissimus judicio praesidet. Fortissimus est, ut per nullius potentiam opprimatur. Sapientissimus, ut nullius allegationibus circumveniatur. Justissimus, ut nullius pecuniis corrumpatur. Necesse ergo est cuilibet justo, ut sermones suos, quos profert in judicio, mature disponat, et quotidie per veram poenitentiam culpas suas diluat, ne judex eum pollutum peccatis inveniat.

V. Credere debes impios aeterna tormenta passuros. De hoc dicitur Eccli. XXXIX, 33 et seq. : Sunt spiritus, qui ad vindictam creati sunt, et in furore suo confirmaverunt tormenta sua : in tempore consummationis effundent virtutem : et furorem ejus, qui fecit illos, placabunt. Haec dicuntur de daemonibus, qui tota vi fortitudinis suae, totaque malignitate furoris sui impios cruciabunt. Sequitur de tormentis : Ignis, grando, fames, et mors, omnia haec ad vindictam creatasunt : bestiarum dentes, et scorpii, et serpentes, et romphaea vindicans in exterminium impios. Item, Matth. XXV, 41 : Tunc dicet Rex his, qui a sinistris erunt: Discedite a me maledicti in ignem aeternum, qui paratus est diabolo, et angelis ejus.

VI. Credere debes electos cum Deo perpetuo regnaturos. Unde Matth. XXV, 34 : Tunc dicet Rex his, qui a dextris ejus erunt: Venite benedicti Patris mei, possidete paratum vobis regnum a constitutione mundi. Item Apocal. XX, 6 : Erunt Sacerdotes Dei et Christi, et regnabunt cum eo mille annis, id est, aeternaliter. Per mille enim notatur aeternitas. Si igitur credis gloriosum esse regnum Dei, necesse est ut bonis operibus illuc pervenire labores.

II.

De secundo membro in divisione thematis supra posito nota, quod sicut dicit Boetius : " Beatitudo est status omnium " bonorum congregatione perfectus. " Quam beatitudinem nobis praestare dignetur, etc.