SERMO XXXIX.

IN DOMINICA II

POST PASCHA.

Ego sum pastor bonus: ei cognosco oves meas, et cognoscunt me meoe. Joan. x, 14.

Quatuor principaliter sunt hic notanda :

I. Quas sit causa quod Dominus se bonum pastorem protestatur ? II. Quid per oves ejus intelligatur ?III. Adquae pascua grex suarum ovium deducatur ?

IV. Quid sit lupus, qui Domini ovibus insidiatur ?

I.

De primo nota, quod ad hoc, quod pastor irrationalium ovium utilis sit patrifamilias, quatuor requiruntur, videlicet :

1. Ut sit fortis, ut lupo et latrunculis obsistere possit.

2. Quod sit sapiens, ut videlicet in- ter pascua salubria et nociva discernere sciat.

3. Quod sit vigil, ne videlicet eo dormiente grex sibi commissus diripiatur.

4. Quod sit benignus, ne videlicet oves extravagantes baculo suo projiciat, sed eas ad viam cum modestia revocet et lenitate, earumque debilitatem pie supportet.

Et certe propter has quatuor causas Dominus se bonum, id est, utilem pastorem appellat.

1. De primo, hoc est, de fortitudine

pastoris hujus dicit Job, IX, 4 : Sapiens corde est, et fortis robore : quis resistit ei, et pacem habuit ? Si fortitudo quaeritur, robustissimus est. Iste est ille David manu fortis, qui contra Goliath, hoc est, diabolum, cum baculo sanctas crucis procedens, pro castris Israel singulare certamen iniit, eumque triplici lapide, hoc est, innocentia cordis, oris, et operis in cruce moriens prostravit et occidit. Iste est pastor bonus, qui quotidie contra daemones assistit pro ovibus suis, pugnatque pro eis. Unde dicit Isa. lxiii, 1: Ego, qui loquor justitiam, et propugnator sum ad salvandum.

2. De secundo, hoc est, de sapientia pastoris hujus dicit Eccli. i, 1 et 5 : Omnis sapientia a Domino Deo est, et cum illo fuit semper, et est ante aevum... Fons sapientiae verbum Dei in excelsis. Verbum Dei, id est, Filius Dei. 1. Iste ergo pastor, cujus sapientias non est numerus, ostendit quas pascua salubria sint ovibus suis, et que nociva. 2. Docet enim verbo et exemplo, perniciosa esse Christianis pascua divitiarum, deliciarum, et bonorum, et quod salubria sint pascua paupertatis, asperitatis, ac humilitatis. 3. Unde et ipse apud Bethlehem in diversorio natas elegit paupertatem, asperitatem ac vilitatem. 4. Eadem etiam pati voluit in loco Calvariae apud stratam publicam. 5. Haec autem fecit propterea, ut secus vias praedictas pascua quaererent oves Domini. Unde Augustinus in libro de Catechizandis rudibus : Omnia bona " terrena contempsit homo factus Chri-" stus Dominus, ut contemnenda mon-" straret: et omnia terrena mala sustinuit " quae sustinenda praecipiebat, ut neque " in illis quaeretur felicitas, neque in " istis infelicitas timeretur. "

3. De tertio, videlicet quod vigil sit Dominus. 1. Dicitur in Psal. cxx, 4: Non dormitabit neque dormiet, qui custodit israel. 2. Unde et ipse de se dicit, Isa. XXI, 8: Super speculam Domini ego sum, stans jugiter per diem; et super custodiam meam ego sum, stans totis noctibus.

3. Licet ergo ipse vigilet, salutem nostram custodiens ; docet tamen et nos vigilare pro salute nostras. Unde dicit Matth. XXVI, 41: Vigilate, et orate ut non intretis in tentationem. Item, Marci, xiii, 33 et 37: Videte, vigilate et orate... Quod autem vobis dico, omnibus dico: Vigilate. 4. De quarto, videlicet quod sit patiens et benignus, dicitur in Psal. cxliv, 9 : Suavis Dominus universis : et miserationes ejus super omnia opera ejus. Item, Isa. lx, 11 : Sicut pastor gregem suum pascet: in brachio suo congregabit agnos, et in sinu suo levabit, foetas ipse portabit. Patiens igitur est in peccatorum nostrorum diurna dissimulatione. Benignus est in multimoda beneficiorum collatione. Ipse enim quod perierat, requisivit, carnem induendo et in mundum veniendo, quod abjectum fuit, reduxit, pro nobis ascendendo, et in brachia crucis oviculas suas colligendo, et postea in ascensione animas quas de limbo eripuerat, in coelum revehendo : quod fractum fuerat, alligat per veram satisfactionem : ipse enim quasi verus Samaritanus purgat vulnera peccatorum, infundens vinum acerrimoe contritionis, et superfundens oleum internas consolationis, et sic alligat vulnera panniculis praeceptorum: quod infirmum est, consolidat per adjutricis gratias transmissionem : quod forte et pingue est, custodit per Angelicam protectionem. De predictis dicit Ezechiel, xxxiv, 16 : Quod perierat requiram, et quod abjectum erat reducam, et quod confractum fuerat alligabo, et quod infirmum fuerat consolidabo, et quod pingue et forte custodiam.

II

De secundo nota, quod per oves Domini intelligitur genus humanum, et precipue Christiani. Unde dicitur in Psal. lxxviii, 13: Nos populus tuus, et ovespascuas tuas. Dicit etiam I Pet. II, 25 : Eratis sicut oves errantes, sed conversi estis nunc ad pastorem et episcopum animarum vestrarum. Debet igitur quilibet ovem imitari in ungulae fissio ne, et in ruminatione, in munditia et in obedientia, simplicitate et lenitate, et multiplici utilitate, et in compassionis conjunctione.

Primum igitur est, quod sicut ovis ungulam findere debemus per discretionem boni et mali, ut videlicet, sicut dicitur in Psal. XXXVI, 27 : Declina a malo, et fac bonum.

Secundum est, quod et nos sicut oves ruminare debemus per jugem recordationem omnium beneficiorum Dei. Omnia enim beneficia, quae contulit nobis Dominus, sive sint corporalia, sive spiritualia, jugiter in fauces memoriae revo- care debemus, et de singulis Domino gratias agere. Inhonestum enim et inurbanum est, quod sicut porci beneficia Domini devoremus, et de eis Domino gratias non agamus. Unde quotidie canitur : " Benedicamus Domino. "

Tertium est, quod a sordibus luxuria ovium imitatione nobis cavere debemus. Oves enim invitissime inquinant pedes suos. Unde II ad Cor. viI, 1: Mundemus nos ab omni inquinamento carnis et spiritus, perficientes sanctificationem in timore Dei.

Quartum est, quod sicut oves obediunt suo pastori; ita et quilibet Christianus debet obedire Deo, et etiam Sacerdoti suo in omnibus, qua sunt secundum Deum. Unde ad Philip.II, 12 : Charissimi mei sicut semper obedistis)... cum metu et tremo vestram salutem operamini.

Quintum est, quod sicut oves simplices esse debemus, omnem dolum nequitia contemnentes. Unde I Pet. ii, 21 et 22 : Christus passus est pro nobis, vobis relinquens exemplum, ut sequamini vestigia ejus. Qui peccatum non fecit, nec inventus est dolus in ore ejus. Item, ad Philip II, et 15 : Omnia facite fine murmurationibus...et sitis simplices filii Dei.

Sextum, quod debemus esse lenes et mansueti sicut oves. Unde Isa. liii, 7 : dicit de Domino : Sicut ovis ad occisionem ducetur, et quasi agnus coram tondente se obmutescet, et non aperiet os suum. Item, Jerem XI, 19 : Ego quasi agnus mansuetus, qui portatur ad victimam.

Septimum est, quod sicut ovis utile est animal, ita quilibet utilis debet esse proximo suo. Ovis enim lanam exhihet ad indumentum, et carnem et lac ad nutrimentum. Sic igitur bonus Christianus pauperibus se debet utilem exhibere: ut videlicet modos cooperiat, esurientes' cibet, ac potet sitientes : ut etiam si necesse foret, paratus esset corpus suam in mortem tradere pro salute proximi sui.

Octavum est, quod oves in fervore meridiei conjunguntur : ita et boni Christiani tribulationibus suis concordes esse debent et compatientes, ut quilibet portet onus alterius.

III.

De tertio nota, quae sint pascua ovium Christi, ipse Dominus ostendit in EzechXXXIV, 13 : Inducam, inquit, oves meas in terram suam : et pascam eas in montibus Israel, in rivis, et in cunctis sedibus terras.

1. Terra ovium Christi est terra viventium : ibi invenient pascua, id est, gaudia uberrima in monte Patris, in monte Filii, in monte Spiritus sancti.

2. Pascentur etiam in rivis potentias, qui fluunt a monte Patris : in rivo sapientiae, qui fluit a monte Filii.

3. Pascentur etiam a rivo charitatis suae benevolentia qui fluit a monte Spiritus sancti.

4. Pascentur etiam in cunctis sedibus illius terras, hoc est, in sede cujuslibet Angeli, et Archangeli, et in cunctis sedibus Virtutum, Potestatum, Principatuum, Dominationum, Thronorum, Cherubin, et Seraphin. Specialia gaudia in sede cujuslibet Patriarchae et Prophetes,

Apostoli, Martyris, Confessoris, Virginis, Viduas ac Conjugati spiritualia gaudia reperient. Quae gaudia nobis praestare dignetur, qui cum Deo Patre et Spiritu sancto vivit et regnat Deus, per omnia saecula saeculoruBi. Amen .