SERMO XX.

IN DOMINICA V

POST EPIPHANIAM.

Simile factum est regnum coetorum homini, qui seminavit oonum semen in agro suo. Matth. xiii, 25.

In praesenti Evangelio quatuor principaliter sunt notanda :

I. Quid per hominem seminatorem, et ejus inimicum figuretur? II. Quid per bonum semen, et quid per zizaniam designetur?III. Quando utriusque seminis messis exspectetur ?

IV. Quis locus zizaniis, et quis locus tritico deputetur?

I.

De primo nota, quod per hominem illum, qui bonum semen seminavit, Dei Filius intelligitur. Per inimicum autem ejus, diabolus exprimitur. Unde et ipse Dominus, rogatu Discipulorum suorum, praesentis Evangelii parabolam exponens, ita dicit, Matth. xiii, 37 et seq. : Qui seminat bonum semen, est Filius hominis. Ager autem est mundus... Inimicus autem, qui seminavit zizaniam, est diabolus. Igitur homo iste, qui seminat bonum semen, est Filius hom nis, id est, Filius Virginis Jesus Christus, quem Maria Virgo concepit, Virgo peperit, Virgo quem genuit, adoravit. Inimicus ejus est diabolus, qui statim post creationem suam adversus Creato-: rem suum inimicitias erexit. Propterea

dicitur de diabolo, Isa. XIV, 12 et seq. : Quomodo cecidisti de coelo lucifer, qui mane oriebaris ? qui dicebas in corde tuo : In caium ascendam, super astra exaltabo solium meum, similis ero Altissimo ?

Quod autem diabolus esset inimicus Filii Dei, satis patenter declaravit : videlicet, quod persuasit Judas, quod Dominum ac magistratum suum Judaedis tradere non vereretur : et quia hoc promovit, ut Jesus caperetur, colaphizaretur, alapis feriretur, velaretur, conspueretur, flagellaretur, spinis coronaretur, illuderetur, in cruce suspenderetur, aceto et felle potaretur, lancea transfigeretur. Haec autem omnia Jesus innocenter, patienter, et sapienter sustinens : per innocentiam, sapientiam, ac patientiam, suum ac totius humani generis inimicum vicit ac prostravit, ac de potestate ejus multorum sanctorum animas diu injuste detentas eripuit.

II.

De secundo nota, quod per bonum semen boni Christiani, et per zizaniam nequam et mali homines figurantur. Unde et in expositione hujus Evangelii Dominus ait,Matth. xiii, 38 : Bonum semen, hi sunt filii regni : zizania autem, sunt filii nequam. Igitur semen bonum, quod seminat Filius Dei, sunt homines boni, quos seminat in agro hujus mundi. Tunc vero primo coepit seminare semen suum, cum creavit Adam et Evam, ut ex eis magna populorum messis oriretur. Quod videns diabolus, Dei et hominum inimicus, semen Domini pessima persuasione corrupit. Dominus etiam quotidie bonas seminat animas in humana corpora, quas diabolus per peccata corrumpit, et in naturam zizaniorum convertit. Sunt itaque boni homines bonum triticum. Unde dicitur in hodierno Evangelio, quod venitinimicus ejus, et seminavit zizania in medio tritici.

Et nota, quod tria considerari possunt in grano tritici. Est enim exterius rubicundum, et interius candidum, et est in una parte divisum : sic etiam boni Christiani debent esse rubicundi per Dominicas passionis recordationem. Debent etiam esse candidi per castitatis ac munditias conservationem. Debent nihilominus esse divisi per piam compassionem. Propter haec tria dicit Joan. in Apoc. vii, 9 : Vidi turbam magnam, quam dinumerare nemo poterat, ex omnibus gentibus et tribubus, et populis,et linguis : stantes ante thronum, et in conspectu Agni, amicti stolis albis, et palmas in manibus eorum. Per illam turbam magnam omnes electi figurantur, qui propter tria triplex praemium acceperunt. Quia enim olim Jesum in doloribus crucis intuebantur, propterea stant ante thronum, ut eum in divinitatis suas gloria dulciter intueantur. Et quia olim se candidos et mundos per castitatem conservarunt, propter hoc stolis albis et candidis sunt amicti. Quia etiam olim ad miserias pauperum per piam compassionem cor et manus aperiebant, propterea modo palmas in manibus eorum portant ; fructus enim quidam dulcissimus crescit in palma, qui fructus dactyli nuncupatur. Quia igitur misericordes olim pauperes per dulces eleemosynas refecerunt, ob hoc et ipsi dactylos coelestium palmarum habentes in manibus, stantes coram Agno suaviter reficiuntur.

Nota etiam, quod per zizaniam sive lolium, mali et nequam homines figurantur. Sicut enim per zizaniam triticum premitur et suffocatur, ita et mali bonis hominibus per suam nequitiam sunt infesti in hoc mundo. Sunt enIm eos corde odientes, ore laedentes, et operibus persequentes. Unde potest dicere quilibet bonus homo hoc, quod dicitur in Ps. cxviii, 157 : Militi persequuntur me, et tribulant me. Hic etiam dicit Apostolus II ad Tim. iii, 12 : Omnes, qui pie uo-lunt vivere in Christo Jesu, persecutionem patientur.

III.

De tertio nota, quod messis zizaniorum et tritici est finis aesculi. Unde etiam ipse Dominus exponens istud Evangelium ait : Messis, consummatio sasculi est : Messores autem, Angeli sunt . Dominus igitur, quia patiens et misericors, et quia peccatorum poenitentiam desiderat : propterea peccatores non statim cum peccant, exterminat, sed sinit eos crescere usque ad messem in malitia, id est, quousque falx mortis naturalis eos abscindat. Dominus itaque propter hoc peccatorem exspectat, ut a malis suis poeniteat. Peccator vero, quia patienter exspectatur a Domino, propter hoc de die in diem magis ac magis delinquit, et peccat. Unde dicit Eccle. VIII, 11 : Quia non profertur cito contra malos sententia, absque ullo timore filii hominum perpetrant mala.''

IV.

De quarto nota, quod locus ille, in quem zizania, id est, mali et nequam homines mittentur, est caminus ignis ardentis. Unde Dominus in expositione presentis Evangelii sic ait : Sicut ergo colliguntur zizania, et igni combu-runtur : sic erit in consummatione saeculi. Mittet Filius hominis Angelos suos, et colligent de regno ejus omnia scandala, et eos qui faciunt iniquitatem : et mittent eos in caminum ignis. Ibi erit fletus, et stridor dentium . Ecce quis est locus impiorum. Per caminum signatur gehenna, in qua sunt tria mala,' videlicet ignis, et fletus, et stridor dentium. Ignis exprimit poenae atrocitatem, qua semper desaeviet in miseros peccatores. Fletus demonstrat damni irrecuperabilitatem. Haec est enim quasi causa prae cipua fletus eorum, quod numquam recuperare poterunt gaudia illa, a quibus exciderunt. Stridor dentium notat odii immanitatem : quilibet enim alterum graviter odiet in inferno, et propter hoc dentibus stridebit in ipsum. Et qualiter reprobi mittentur in gehennam, certe ipse Dominus dicit, Matth. xiii, 30 : Colligite] primum zizania, et alligate ea in fasciculos ad comburendum. Propter hoc reprobi simul alligati mittuntur in infernum, ut qui similes et pares fuerunt in malitia, similes etiam et pares fiant in poena.Unde Glossa: " In fasciculos dicit, " non in unum fascem : quia pro modo " perversitatis suae unusquisquepunietur." Quem etiam locum debeat habere triticum Domini, Dominus ipse declarans in Evangelio, ait : Triticum congregate in horreum meum . Per horreum intelligitur gloriosum regnum ; unde ipse Jesus ait,Matth. XIII, 43, in fine expositionis presentis Evangelii : Tunc justi fulgebunt sicut sol in regno Patris eorum. In his verbis Dominus promittit tria bona tritico suo, videlicet incomparabilem claritatem, regiam dignitatem, et suavissimam charitatem. Primum notatur ibi, ubi dicit : Tunc justi fulgebunt. ''Soli quippe nullum terrenum lumen compari potest. Secundum notatur ib',

ubi additur : In regno. Quilibet enim electus erit rex magnas dignitatis. Tertium notatur ibi, ubi subjungitur : In regno Patris eorum. Sicut enim pueri in conspectu charissimi patris collocati : ita etiam electi in sinu Dei congregati, suaviter se ad invicem diligent et amabunt. Rogate ergo Dominum,ut sic bonum semen inveniamus, ut in aeternam gloriam transferamur. Quod nobis praestare, etc.