SERMO L.

IN DIE PENTECOSTES.

Paraclitus Spiritus sanctus, quem mittet

Pater in nomine meo, ille vos docebit omnia, et suggeretvobis omnia,

quoecumque dixero vobis. Joan. XIV, 26.

Duo principaliter sunt hic notanda:

I. Quomodo Spiritus paraclitus docere et suggerere intelligatur? II. Quid sit, quod a Spiritu sancto doceatur et suggeratur ?

I.

De primo nota, quod Spiritus sanctus docet per internam inspirationem, et suggerit per aeternii praemii promissionem.

Quod doceat inspirando, dicit Dominus Joan. m, 8 : Spiritus ubi vult spirat: et vocem ejus audis, sed nescis unde veniat,aut quo vadat? Quod etiam Spiritus sanctus suggerat Esterna praemia pollicendo, testatur Apostolus ad Rom. VIII,

5, 16 et 17 : Qui enim secundum spiritum sunt : quae sunt spiritus, sentiunt... Ipse enim Spiritus reddit testimonium spiritui nostro, quod sumus, id est, erimus filii Dei. Si autem filii Dei, et haeredes : haeredes quidem Dei, cohaeredes autem Christi. Docet igitur Spiritus sanctus ea, quae prius dixerat Jesus. Docet, inquam, ea intrinsecus inspirando, et non solum docet, imo et suggerit aeterna praemia promittendo. Omnibus enim qui doctrinam suam opere fuerint prosecuti, sempiterna gaudia pollicetur. Unde et sic legitur Act. II, 3 : Spiritus sanctus in linguis igneis venit super Apostolos. 1 In linguis ideo venit, ut fideles per eum doceantur. Ipse quippe est magistrorum optimus. 2. In igne propter hoc venit, ut per eum docti ad spem supernorum moneantur. " Ignis etenim, ut di-" cit Dionysius, est sursum ferens, acute " means, et excelsus. "

II.

Et nota, quod Dominus monet ad tria. Primum est, ut per arctam viam viriliter incedamus. Secundum est, ut per angustam portam intrare contendamus. Tertium, ut domum nostram super firmam petram construamus. Et haec tria docet nos Spiritus sanctus adimplere, et nihilominus his qui ea exsecuti fuerint, praemium pollicetur.

I. Docet nos igitur Dominus, ut per arctam viam viriliter incedamus. Unde Math. VII, 13 et 14 : Lataporta, et spatiosa via est, quae ducit ad perditionem, et multi sunt qui intrant per eam. Quam augusta porta, et arcta via est, ause ducit ad vitam: et pauci sunt, qui inveniunt eam ! Nota, quod Dominus facit hic mentionem de duplici via, quarum una est via coeli, altera via inferni. Viam coeli demonstrat Spiritus sanctus, unde et ipse dexter digitus appellatur Dei. Ipse enim est index, indicat et demonstrat nobis viam salutis. Haec autem via arcta est.

Qui enim ambulant in ea, 1. Debent immundis et blasphemis cogitationibus repugnare. 2. Debent os et linguam non solum a malo, sed etiam ab otioso verbo refraenare. 3. Debent, inquam, contra incentiva carnis quotidie litigare. 4. Debent omnia mala mundi aequanimiter tolerare. 5. Debent contra omnem delectationis faciem trepidare.

1. De primo Sapient. I, 5 et 9 : Spiritus sanctus disciplinis effugiet fictum, etauferet se a cogitationibus, quas sunt sine intellectu... In cogitationibus enim impii interrogatio erit.

2. De secundo Dominus, Matth.XII, 36 : Dico vobis, quoniam omne verbum otiosum,quod locuti fuerint homines, reddent rationem de eo in die judicii. Glossa, " de omni verbo otioso, quod si-" ne utilitate loquentis dicitur aut au-" dientis : " ut de frivolis et de fabulis. Scurrilia non sunt otiosa, sed criminosa. Jacob. III, 6 et seq.: Lingua constituitur in membris nostris, quae maculat totum corpus, et inflammat rotam nativitatis nostrae, inflammata a gehenna. Omnis enim natura bestiarum, et volucrum, et serpentium, et caeterorum domantur, et domita sunt a natura humana: linguam autem nullus hominum domare potest : inquietum malum, plena veneno mortifero . Nota, quod rota nativitatis nostrae est humana natura, quam mala lingua a gehenna, id est, a diabolo, qui gehennas inhabitator est, inflammata, inflammat, id est, inquinat; et hanc nullus hominum domare potest, nisi viveret a Spiritu sancto.

3. De tertio dicit Apostolus ad Rom. VI, 12 : Non regnet peceatum in vestro mortali corpore ut obediatis concupiscentiis ejus. Item, ad Rom. VII, 23 et seq. : Video aliam legem in membris meis, repugnantem legi mentis meae... In felix ego homo, quis me liberabit de corpore mortis hujus ? Gratia Dei per Jesum Christum Dominum nostrum. Glossa, " Fomes " peccati, qui est ex carne, et repugnat " menti, recte dicitur lex, quia legitime " factum est, ut qui non obediunt suo " superiori, eis non serviat suum infe-" rius, id est, caro. "

4. De quarto dicit Jacob. i, 2 : Omne gaudium existimate fratres mei, cum in tentationes varias incideritis. Glossa, " Ne indignemini, si mali in mundo flo-" rent, si vos patimini; quia non est " Christianae dignitatis in temporalibus " exaltari, sedpotius deprimi. " Mali nihi habent in coelo, vos nihil in mundo : sed spe illius boni, ad quod tenditis, quidquid in via contingit, gaudere debetis.

5. De quinto dicitur arcta via coeli. Qui in ea ambulant, ad omnem delectationis faciem debent formidare. Timere etiam debent, ne vel in edendo, vel bibendo, vel dormiendo, vel opus conjugale exercendo, vel quodcumque opus aliud agendo, plus in eo quam debeant, delectentur. Unde Job, IX, 28 : Verebar omnia opera mea, sciens quod non parceres delinquenti.

II. Et nota, quod licet via quas ducit ad coelum sit arcta, est tamen directa. Unde Isa. xxxv, 38 : Erit vobis directa via, ita ut stulti non erunt per eam. Vere directa est, quia est signata quadriformiter : Primo lapidum conmportatione : Tulerunt lapides Judaei, ut jacerent in Jesum . Secundo per plectam : Et plectentes coronam de spinis, posuerunt super caput ejus . Tertio per fixuras clavorum : Foderunt enim manus et pedes Jesu . ''Quarto per crucem : in cruce quippe Dominus suspensus fuit.

III. Item nota, quod arcta via ducit hominem ad coelum. 1. Ubi erit innumerabilium amicorum dulcis societas. 2. Ubi divinae erit voluptatis plena satietas.

3. Ubi erit summi boni vera proprietas.

4. Ubi erit incolumitatis ac vitae felix aeternitas.

1. De primo dicit Augustinus : " In illa " perfecta charitate innumerabilium bea-" torum Angelorum et hominum, ubi " nullus minus diligit alium quam seip-" sum : non aliter gaudebit quisque pro " singulis aliis, quam pro seipso. "

2. De secundo dicitur in Psal. xxxv, 9: Inebriabuntur ab ubertate domus tuae: et torrente voluptatis tuas potabis eos.

De tertio super locum Luc. xv, 31 : Fili, tu semper mecum es, et omnia mea tua sunt, dicit Glossa : " In aeterna bea-" titudine et omnium singula, et singu-" lorum sunt omnia : nostra erunt supe-" riora ad videndum, nostra erunt aequa-"lia ad convivendum, nostra erunt " inferiora ad dominandum. "

3. De quarto dicit Dominus in Joan. VI, 51 et 52 : Ego sum panis vivus, qui de coelo descendi. Si quis manducaverit ex hoc pane, vivet in aeternum.

IV. Modo videndum est, quod via quae ducit ad interitum, lata a Domino esse dicitur et spatiosa. Qui enim in ea ambulant, in immundis cogitationibus delectantur, in turpibus locutionibus jucundantur, carnis titillationibus collaetantur, dura tolerare pro Domino fugiunt et aspernantur, omnia commoda et delectationis facies amplexantur.

Nota etiam, quod spatiosa via ducit in infernum hominem, 1. Ubi nullus omnino amicus invenietur. 2. Ubi egestas gravissima sustinebitur. 3. Ubi interminabilis amaritudo bibetur. 4. Ubi miser homo morte perpetua morietur.

1. De primo dicitur Eccli. xli, 10 : De patre impio queruntur filii, quoniam propter illum sunt in opprobrio. Ibi nec pater diliget filium, nec e converso. Ibi nec amasius amabit amasiam, nec e converso. Sed quilibet alterum, si posset, laceraret libenter, et voraret.

2. De secundo dicitur Luc. XVI, 24, quod ille dives epulo in inferno petiit guttam aquae frigidae, et non accepit.

3. De tertio dicit Isa. XXI, 8 et 9 : Conticuit dulcedo cithara!. Cum cantico non bibent vinum : Amara erit potio bibentibus illam. Jerem. xxiii, 15 : Ecce cibabo eos absinthio, et potabo eos felle.

4. De quarto dicit Augustinus : " Ibi " non erunt ante mortem, vel post mor-" tem, sed semper in morte. "

Rogate ergo Dominum, ut sic secun- dum doctrinam sancti Spiritus per arctam viam incedamus, ut Deum nostrum cum omni exsultatione in patria videamus. Amen.