SERMO XXXVII.

ITEM IN DIE PASCHAE.

Jesum quaeritis Nazarenum, crucifixum: surrexit, non est hic... Sed ite, dicite Discipulis ejus, et Petro quia proecedet vos in Galilaeam, ibi eum videbitis, sicut dixit vobis. Marc. XVI, 6 et 7.

In istis verbis quatuor sunt notanda

I. Quis sit ille, qui quaeritur? II. Quae sint personae, a quibus quaeritur?III. Cum quibus aromatibus quaeritur ?

IV. Ubi inveniendus per Angelum ostendatur ?

De primo nota, quod secundum Angeli testimonium quaeritur Jesus Nazarenus crucifixus. Nota igitur, quod quaerens niti debet, ut sit similis ei quem quaerit. Omnis enim Christianus, qui dictus est a Christo, spiritualiter debet esse Jesus, Nazarenus, et crucifixus.

1. Itaque bonus Christianus debet esse Jesus, quod interpretatur Salvator. Quilibet enim Christianus salvare debet proximum suum tripliciter, videlicet eleemosynarum largitione, mutui collatione, consilii et auxilii communicatione.

2. Christianus debet esse verus Nazarenus. Et nota, quod sicut testatur Liber Numerorum , quintuplex erat lex Nazarenorum.

Prima erat, quod novacula non ascen-

debat super capita eorum: per novaculam accipitur dolus et malitia. Cavere ergo debet Christianus, ne sicut novacula acuta faciat dolum , et ne per malitiam et nequitiam gratiam Spiritus septiformis praecidat a capite mentis suis. Qui enim amiserit gratiam Spiritus sancti, amisit capillos, id est, ornatum animae suae.

Secunda erat, quod quidquid inebriare poterat, non bibebant. In quo innuitur quod ab ebrietate cavere debet quilibet Christianus : Contra ebrietatem dicit Eccl. XXXI, 30 et 31 : Multos exterminavit vinum... Vinum corda superborum arguet in ebrietate potatum. Ibi dicit Glossa : " Ebrietas multos subvertit, quae " sensum minuit, iram excitat, libidinem " inflammat, animi secreta revelat. "

Tertia fuit, quod quicquid de vinea erat, non comedebant: in quo significatur, quod quilibet Christianus fugere debet fornicationem et luxuriam. Luxuria enim uva est, quae crescit in vinea Sodomorum : et certe uva eorum uva erit fellis, et botri amarissimi . Malitia quippe unius h orae, in inferno videlicet, oblivionem facit luxuriae maximae : ''sicut ait Eccli, , 29 .

Quarta fuit, quod ad omnem mortuum non ingrediebantur: per quod edocemur, quod verus Christianus debet vitare eos, et eorum societatem fugere, qui vacant operibus mortuis. Non enim debet se consociare talibus, qui libenter sedent, et student calicibus epotandis . Qui etiam solent ludere cum globis et taxillis, et qui lascive saltant in choreis. Dicitur enim in Psalm xvii, 26 et 27 : Cum sancto sanctus eris..., et cum perverso perverteris. ''Dicit etiam Philosophus, quod " savpe candido innocenti socio mali-" gnus comes rubiginem suam affricuit ". Debet etiam bonus Christianus societa- tem eorum declinare, qui libenter vadunt impie agere' et furari. Unde Proverb. , 10 et seq.: Fili mi, si te lactaverint peccatores, ne acquiescas eis. Si dixerint : Veni nobiscum, insidiemur sanguini... Omnem pretiosam substantiam reperiemus, implebimus domos nostras spoliis. Sortem mitte nobiscum, marsupium sit unum omnium nostrum. Fili mi, ne ambules cum eis... Pedes enim illorum ad malum currunt, subaudi, aeternum.

Quinta fuit, quod si aliquis coram eis moriebatur, et maxime si occidebatur, polluebantur : per quod datur intelligi, quod bonus Christianus cavere debet, ne aliquis coram eo per detractionem feriatur, ut videlicet nec ipse detrahat, nec consentiat detrahenti. Contra detractionem, Proverb. xxiii, 20 : Noli esse in conviviis potatorum, nec in comessationibus eorum, qui carnes ad vescendum conferunt. Hic prohibetur detractio, qua detractores Deo odibiles carnes humanas conferunt ad vescendum.

3. Christianus debet esse quasi crucifixus. Debet enim affigi cruci poenitentiae quadruplici clavo. Primus clavus est timor mortis, secundus timor judicis, tertius timor carceris, quartus timor tortoris. Debet etiam esse quasi transfixus lancea charitatis.

II.

De secundo nota, quod personae, quae Dominum quaesierunt, erant Maria Magdalena, et Maria Jacobi, et Maria mater Jacobi minoris, et Maria Salome, id est, filia Salomone,quae fuit uxor Zebedaei. Et signant has tres Maris tres vires animas,

per quas anima Deum quaerit. Maria Magdalena, quas interpretatur Domina in turri, significat vim rationabilem. Anima enim in ratione sedens, quasi in turri eminenti ex ipsa prospicit omnes insidias inimici. Maria Jacobi, quas interpretatur Domina luctatrix, exprimit vim irascibilem, per quam anima vanis et immundis peccati illecebris sive delectationibus irascitur, easque abjicit et conculcat. Maria Salome, quas interpretatur Domina pacifica, figura vim 'concupiscibilem, per quam anima pacem veram, ''quae exsuperat omnem sensum , hoc est, summum bonum vehementer concupiscit, et quaerit.

III.

De tertio nota, quod licet Marcus XVI , 1, dicat, quod emerunt aromata, ut venientes ungerent Jesum, non tamen exprimit, quae fuerunt aromata, quocirca sana fide dici potest, quod ad minus emerunt myrrham et aloe, nardum et balsamum, et ex istis confecerunt unguentum, quo ungerent Jesum. Per myrrham et aloen, quae vermes arcent, et corpora conservant, ne corrumpantur, intelligitur virtus castitatis, quam vermis luxurias non audet contingere. Per nardum, quas herba humilis est, sed multum odorifera, notatur odor humilitatis.

Cum enim Rex esset in accubitu* divinitatis suae, nardus humilitatis Beatae Virginis spargens odorem suum, traxit eum in terram ad consortium nostrae humanitatis. Per balsamum, quod mirabiliter est calidum, significatur fervor charitatis. Aquas enim multas cupiditatis non possunt exstinguere fervorem veras charitatis.

IV.

De quarto nota, quod Dominus per Angelum ostenditur inveniendus in Galilaea in monte, ubi consistit cum discipulis suis Jesus, sicut dicitur Matth. xxviii,-7. Galilaea interpretatur rota vel revelatio : mons autem stabilis est et firmus. Igitur Dominus invenietur,et videbitur in Galilaea, hoc est, in patria supercoelesti; ubi est aeternitatis indeficentia, quod notatur per rotam : ubi etiam est omnis scientia, quod notatur per revelationem: ubi nihilominus erit omnipotentia, quas notatur per montem. Mons enim est multarum partium sola aggregatio.

Rogate ergo Dominum, ut sic Jesu Nazareni crucifixi veri imitatores esse mereamur, eumque ut sic omnibus animae nostras viribus conferat beatas aeternitatis indeficientiam, omnem scientiam, et plenam super omnia bona sua potentiam. Quod nobis praestare dignetur, etc.