SERMO XV.

IN OCTAVA EPIPHANIAE.

Hic est filius meus dilectus, in quo mihi complacui. Matth. iii, 17.

Nota, quod cum Christus Jesus esset a Joanne in Jordane baptizatus, facta est vox Patris de cato dicens: Hic est filius meus dilectus, etc. Nota etiam, quod baptismus Christi non solum fuit initium et forma baptismi nostri, in quo ex aqua et Spiritu sancto regeneramur, et a peccatis originalibus emundamur; verum etiam significat secundum baptismum Ecclesiae, videlicet poenitentiam, per quam ab actualibus criminibus purificamur. Qui enim vestem innocentis, in primo baptismo sibi traditam, per mortalia peccata sordidam effecerunt, necesse habent ut in lavacro poenitentiae rursus eam purificent: ut sic per gratiam efficiantur filii Dei, qui prius per peccatum fuerunt filii diaboli.

Et nota, quod septem concurrerunt in baptismo Christi, quae si quis spiritualiter fuerit exsecutus, de tali dicit Deus Pater : Hic est filius meus dilectus, in quo mihi complacui.

Nota autem, quod septem sunt necessaria, ut a peccatis nostris emundentur, et a Deo patre dilecti filii appellemur.

I. Ut Galilaeam relinquamus.II. Ut ad Joannem veniemus.

III. Ut in Jordanem descendamus.IV. Ut baptizati ascendamus. V. Ut orationes effundamus.

VI. Ut coeti apertionem nobis obtineamus. VII. Ut columbae sedes existamus.

Prima quatuor et duo ultima tanguntur in praesenti Evangelio : quintum vero tangitur Luc. III, 21.

I. Primo igitur ille, qui vult esse Dei fi- lius, debet Galilaeam relinquere, per peccati detestationem. Unde dicitur Matth. III, 13 : Tunc venit Jesus a Galiliaea. Galilaea interpretatur rota. Per Galilaeam itaque peccatum intelligitur. Peccata quippe sunt rota diaboli, quibus deducit homines ad infernum. Et certe contra

rotam peccati grave tonitruum divinas sententias in judicio personabit, unde dicitur in Psal. lxxvi, 17 et seq.: Viderunt te aquas Deus, viderunt te aquae : et timuerunt... : etenim sagittas lux transeunt : vox tonitrui tui in rota. Per aquas homines intelliguntur : homines enim sicut aqua dilabuntur in terram, sicut dicitur in II Reg. xiv, Ii . Dicitur etiam Apoc, xvii, 15 *, quod aquas sunt populi. Homines itaque videntes Deum in judicio, timebunt. Et quare timebunt? certe quia sagittas verborum suorum transibunt corda impiorum, et vox tonitrui ejus, id est, vox duras sententias suas terribiliter personabit in rota, id est, contra rotam scelerum et peccatorum, et non incongrue peccatum mortale rotas comparatur. Sicut enim per rotam confringuntur membra latronum, et postea rota circumflcclunlur, et in eminenti palo flectuntur : sic etiam vires et artus animarum, primo per rotam peccati circumflexa ponentur in palum damnationis asternas. Qui igitur filius Dei vocari desiderat, necesse est ut a Galilasa transeat, id est, ut peccata detestetur et fugiat.

Secundo, qui appetit esse filius Dei, oportet ut ad Joannem veniat per veram contritionem. Unde dicitur Matth. iii, 13, quod Jesus venit ad Joannem. Joannes interpretatur gratia : propter quod etiam divinam gratiam signat. Tunc autem homo venit ad gratiam Dei, quando de peccatis suis intime dolet et conteritur. Quod autem ille, qui de sceleribus suis veraciter conteritur, divinam gratiam assequatur, testatur Psal. l, 19 : Sacrificium Deo spiritus contribulatus : cor contritum, et humiliatum Deus non despicies. Imo libenter et gratanter adspicies.

III.

Tertio, qui vult Dei filius fieri, necesse habet, ut in Jordanem descendat per sinceram et humilem confessionem. Unde dicitur Matth. III, 13, quod Jesus venit in Jordanem. Quasi dicat : Baptizandus descendit in Jordanem. Jordanis interpretatur rivus judicii, et significat confessionem. In confessione quippe poenitens coram confessore suo, quasi coram judice quodam stans judicare debet semetipsum, omnia peccata sua in quantum ea reminiscitur exponendo. Confessor enim in foro poenitenti vicarius est judicis sempiterni. Si ergo peccator, quasi in judicio constitutus coram confessore suo reum se ostenderit, et peccata sua pure confessus fuerit, certum est quod tamquam in quodam rivo per confessionem ab omnibus peccatorum sordibus abluatur. Unde dicitur in Psal. xcv, 6 : Confessio et pulchritudo in conspectu ejus. Nota, quod ponitur ibi et pro est. Quasi diceret: Sincera confessio est pulchritudo in conspectu Domini.

IV.

Quarto, qui desiderat esse filius Dei oportet ut baptizatus ascendat per virtuosam satisfactionem. Unde dicitur Matth. III, 16 : Baptizatus autem Jesus, confestim ascendit de aqua. Per hoc, quod Jesus de aqua dicitur ascendisse, innuitur nobis, quod vere poenitentes celebrata confessione debent ad coelum ascendere per virtuosam satisfactionem. Sicut enim per praedicta descenderunt ad inferos, ita etiam per condignam satisfactionem de die in diem scandere debent ad superos ; sed quidam veloces et fortes sunt in descendendo, hoc est, in peccando, sed valde segnes et infirmi sunt in ascendendo, id est, in condignam satisfactionem pro peccatis exsolvendo. Multi igitur deficiunt in ascensu satisfactionis, sicut proficit veteranus ascendere volens cumulum arenosum. Unde dicit Eccli. xxv, 27 : Ascensus arenosus in pedibus veterani. Si enim aliquis veteramus debiles pedes habens, arenosum cumulum ascendere niteretur, constat quod priusquam niti possit sursum, per arenam fluidam et instabilem deorsum laberetur. Sic etiam multis contingit, qui brevissimo tempore permanent in satisfactione sibi injuncta, sed statim ad peccata sua sicut canis ad vomitum, et sicut sus ad luti volutabrum revertuntur, sicut dicitur II Petr. ii, 22 .

V.

Quinto, qui optat dici filius Dei, necesse est ut oret ad Dominum per precum effusionem. Unde dicitur Luc III, 21, quod Jesus baptizatus oravit. Quicumque igitur pro peccatis suis satisfactionem suscepit, debet orare et sedulis precibus a Domino postulare, ut remittat sibi peccata sua, caveatque ei, ne deinceps ea committat. Unde dicit Apostolus ad Philip. IV, 6 : Nihil solliciti sitis : sed in\ omni oratione, et obsecratione, cum gra-Harum actione petitiones vestras innote-\scant apud Deum. Quasi deceretur: Non sitis solliciti, id est, nolite timere quin Dominus petitiones vestras exaudiat, si eas offerre volueritis. Hae autem debent esse petitiones vestrae, ut videlicet oretis vobis debita vestra dimitti, ut obsecretis quatenus custodiat vos, ne rursus in tentationes inducamini. Debetis etiam gratias agere, quod tamdiu distulit vos, quod de peccatis commissis, si vultis poenitere, potestis.

VI.

Sexto, qui concupiscit esse filius Dei, oportet quod aperiatur ei coelum per eleemosynarum largitionem. Unde dicit Matth. III, 16, de Christo : Et ecce aperit sunt ei coeli. Tunc homini petenti aperiuntur coeli, cum insistit operibus misericordi, pascens videlicet esurientes, potans sitientes, nudos vestiens, peregrinos" in hospitium recipiens, infirmos visitans, et captivis redemptionem transmittens,

aliaque opera pietatis exercens. Misericordia quippe ostiaria est regni Dei, quae misericordes homines intromittens, usque ante faciem regis aeterni perducit. Unde dicitur Proverb. xviii, 16 : Donum hominis dilatat viam ejus, et ante principes spatium ei facit. Donum itaque hominis, id est, eleemosyna dilatat viam animae, ab utroque latere daemones longe ab ea reppellens, et facit ei honorabile spatium coram principibus supercoelestis curias.

VII.

Septimo, qui appetit esse filius Dei, necesse est ut sit sedes columbae per pacis et patientiae possessionem. Unde dicit Matth. III, 16, de Christo : Et vidit Spiritum Dei descendentem sicut columbam, et venientem super se. Quod Spiritus sanctus in specie columbae descendit super Dominum, et mansit super eum, hoc signat, quod si poenitens desiderat esse sedes columboe, id est Spiritus sancti, necesse est ut pacem habeat et patientiam, ut videlicet per pacem in se manentem nullum inquietet, nullum loedat aut offendat, et ut per patientiam eos modeste sustineat,qui eum inquietaverunt, aut molestiam ipsi vel damnum intulerunt, ut sic filius Dei dicatur, et regni coetorum possessor effici mereatur. Propter hoc dicit Dominus, Matth. v, 9 et 10: Beati pacifici: quoniam filii Dei vocabuntur : et statim immediate subdit : Beati, qui persecutionem patiuntur propter justitiam : quoniam ipsorum est regnum coetorum.

Rogate ergo Dominum, ut sic septem predicta fideliter exsequamur, ut filii Dei esse mereamur, et per consequens regni ipsius participes efficiamur. Quod nobis proestare, etc.