SERMO XXVII.

IN DOMINICA I

QUADRAGESIMAE.

Jesus ductus est in desertum a Spiritu. Matth. IV, 1. Quatuor occurrunt hic notanda :

I. Quis per Jesum intelligatur ? II. Quid per desertum exprimatur ?III. Quare Jesus in desertum a spiritu ducatur ?

IV. Quid per ministerium Angelorum accipiatur?

I.

De primo nota, quod per Jesum quilibet Christianus, qui membrum Christi est, intelligitur. Sicut enim Christus primo in Jordane baptizatus fuit, et super ipsum baptizatum Spiritus sanctus in specie columbae descendit, et tertio quadraginta diebus, et quadraginta noctibus jejunavit : sic etiam Christianus ministerio Sacerdotis in fonte baptismatis emundatur. Postquam autem emundatus fuerit, templum et habitaculum Sancti Spiritus efficitur. Unde et toto tempore vitae a vitiis et concupiscentiis hujus mundi, quibus in baptismo renuntiavit, jejunare debet. Et bene per quadragenarium numerum omne tempus vitae nostra accipitur. Per totam enim vitam nostram decalogum legis divinae quadriformiter amplecti debemus, et adimplere, videlicet dilectionem, locutionem, operationem. Quem enim aliquis sincere diligit, libenter de eo cogitat, et loquitur, et servit aut obsequitur ei.

II.

De secundo nota, quod per desertum mundus iste exprimitur. Sicut enim in deserto materiali pauca sunt mansueta animalia, id est, mansueta : sic etiam in mundo isto pauci sunt, qui sequuntur Dominum : cum tamen ipse manum suam aperiat, et impleat omne animal benedictione. Plures enim sunt in mundo quos Dominus de rore cli, et de pinguedine terres ' divites fecit : qui tamen eum sicut mansueta animalia non sequuntur, imo potius sicut fer bestiae persequuntur. Induerunt enim naturam leonum per superbiam, ursorum per luxuriam, luporum per avaritiam, et vulpium per nequitiam.

III.

De tertio nota, quod sicut Jesus ductus est, etc., sic etiam nos qui sumus membra Jesu Christi, propter hoc expulsi sumus in hanc vallem miserias : ut tentemur a daemonibus, quibus cum adjutorio septiformis spiritus resistere debemus, ut resistentes vincamus, et vincentes gloriose coronemur in coelis. Unde legitur Marc. I, 12 et 13 : Quod Spiritus expulit Jesum in desertum. Et erat in deserto quadraginta diebus, et quadraginta noctibus : et tentabatur a satana : eratque cum bestiis. Ibi dicit Glossa, quod " quadragenarius numerus totum tempus " signat, quo membra ejus diabolus tentat. "

Nota igitur quod hostes nostri et ten- tatores sunt doemones, quorum officium est Christianos per tentationes exercere. Unde ad Ephes. VI, 12 : Non est nobis colluctatio adversus carnem et sanguinem : sed adversus principes, et potestates, adversus mundi rectores tenebrarum harum,contra spiritualia nequitiae, in coelestibus. Ductor autem noster et defensor est Spiritus sanctus, cui commissi sumus in bapstimo. Unde ad Rom. VIII, 14 : Quicumque Spiritu Dei aguntur, ii sunt filii Dei.

Item nota, quod diabolus primum Adam per tria vitia superavit, videlicet per gulam, avaritiam, et superbiam. Per eadem etiam secundum Adam, id est, Jesum Christum tentans superatus est : unde dicit Glossa : " Nota diabolum in " his vinci, in quibus Adam vicit, quem de " gula tentavit, dum de ligno verito gus-"tare rogavit. De vana gloria, cum dicit, " Gen. III,5 : Eritis sicut dii. De avaritia, " cum ait : Scientes bonum et malum. " Item dicit alia Glossa : " In his tribus, gu-" la, avaritia, superbia, omnia vitia sibi a foederata sunt perempta. "In his tribus omnia genera tentationum comprehenduntur.

Nota igitur, quod diabolus tentavit Dominum per tria, quas sunt radices et origo omnium peccatorum.

1. Tentavit eum per gulam, dum dixit : ''Si Filius Dei es, dic ut lapides isti panes fiant . Fugiamus et nos itaque gulam, ne prosternemur per luxuriam, quas nascitur de gula. Unde Glossa Origenis : " In pugna Christi prius agitur con-" tra gulam jejunando, per quam victus " est primus homo. Gula libidines inflam-" mat, concupiscentiam nutrit, quas repu-" gnat legi mentis. Haec nisi prius refrae-" netur, frustra contra alia laboratur. "

Et nota, quod tria mala oriuntur ex gula. Primum est abominabilis fornicatio. Secundum est tumultuosa altercatio.

Tertium secretorum revelatio. De primo nota, quod illi homines Sodomitae, qui nimium erant gulosi, effecti fuerunt abominabiliter luxuriosi. Unde Ezech. XVI, 49 : Ecce haec fuit iniquitas Sodomm sororis tuas, superbia, saturitas panis et abundantia, et otium ipsius, et filiarum ejus. Item de primo et secando, Proverb. xx, 1 : Luxuriosa res, vinum, et tumultuosa ebrietas : quicujnque his delectatur, non erit sapiens. De secundo, Proverb. xxiii, 29 et 30 : Cui rixas? cui sine causa vulnera ? Nonne his, qui commorantur in vino, et student calicibus epotandis ? De tertio, Proverb. XXXI, 4: Nullum secretum est ubi regnat ebrietas.

2. Diabolus tentavit Dominum per avaritiam, cum ostenderet ei omnia regna mundi, et gloriam eorum, et dixit ei: Haec omnia tibi dabo, si cadens adoraveris me . Et nota, quod propter tria fugienda est avaritia. Per avaritiam enim Deus, qui est summum bonum, amittitur, anima pretiosa venditur, homo proprius diaboli efficitur. De primo, Dominus in Matth. VI, 24 : Non potestis Deo servire, et mammonae. Item, ad Ephes. v, 5 : Hoc scitote intelligentes : quod avarus, quod est idolorum servitus, non habet haereditatem in regno Christi, et Dei. De secundo, Eccli. x, 10: Nihil est iniquius, quam amare pecuniam. Hic enim animam suam habet venalem. De tertio. Dominus ipse loquitur ad Adamum, Gen. iii, 17 : In laboribus comedes ex terra cunctis diebus vitae tuas. Per terram intelligitur avarus, qui terram coelo praeponit, et propterea diaboli proprius efficitur, ut ab eo semper comedatur.

3. Diabolus Dominum tentavit per su- perbiam, cum Domino ducto super tempii pinnaculum dixit : Si filius Dei es, mitte te deorsum . Unde etiam superbia propter tres causas est fugienda. Per hanc enim superbi Deo odibiles efficiuntur, per hanc omnia bona opera disperguntur, per hanc omnes elati in inferni praecipitium demerguntur. De primo, Eccli. x, 7 et 9 : Odibilis coram Deo est et hominibus superbia. Quid superbit terra et cinis ? De secundo, dicit Origenes : " Qui caeteras virtutes sine humidi litate congregat, quasi qui pulverem in " vento portat. " De tertio, Dominus in Luc. XIV, 11: Omnis qui se exaltat, humiliabitur. Item, Luc. x, 18 : Videbam salim nam sicut fulgur de coelo cadentem. Item, ibidem : Tu Capharnum usque ad caium] exaltata usque ad infernum demergeris.

IV.

De quarto nota, quod per ministerium Angelorum accipitur gloriosa remuneratio victorum, in qua Angeli ministri existent. Unde dicitur Matth. IV, 11 : Tunc reliquit eum diabolus : et ecce Angeli accesserunt, et ministrabant ei. Item dicit Glossa : " Sicut in hoc agone; " militia nostra praeinstruitur : ita in obse-" quio Angelorum gloriosa remuneratio " edocetur. "

Rogate ergo Dominum, ut sic imitatione sui det nobis omnem tentationem evincere, ut coronam gloriae, Angelis ministrantibus, assequamur. Quod nobis, etc.