SERMO XXII.

IN DOMINICA SEXAGESIMAE.

Exiit qui seminat, seminare semen suum. Luc. viii, 5. Matth. xiii, 3 et Marc. IV, 3.

Quatuor hic occurrunt notanda:

I. Quis sit sator, a quo semen seminatur? II. Quod sit semen, quod sic seminatur?

III. Quas fit terra, in quam seminatur?IV. Quis fructus ex hoc semine oriatur ?''

Nota ergo, quod multiplex est sator. Primus est Deus Pater. Secundus, Dei Filius. Tertius, bonus homo. Quartus, malus homo. Quintus, diabolus. Sextus, est ipsa mors. Et quilibet horum habet suum semen quod seminat, et terram in quam seminat, et quilibet eorum fructum sui seminis exspectat.

1. Primus sator fuit Deus Pater, qui quando tempus miserendi advenit, Filium suum unigenitum seminavit in Vir- ginis uterum : haec enim fuit illa benedicta terra, de qua Psalmista : Benedixisti Domine terram tuam*. Unde et Gabriel Archangelus dixit ad illam : Benedicta tu in mulieribus. Hoc semen, id est, Dei Filius, seminatum in Annuntiatione, et mortuum in Passione, multum fructum attulit in Resurrectione et Ascensione, Joan. xii, 24 et 25 : Nisi granum frumenti cadens in terram, id est, in Virginem, mortuum fuerit, scilicet in cruce, ipsum solum manet : si

autem mortuum fuerit, multum fructum affert. Hoc granum, quod e sinu Patris ceciderat in uterum Virginus, in Ascensione reversum est ad dexteram Patris, multum fructum referens secum. Fructus autem illi erant fideles animae, quas de limbo inferni eripuerat, et secum revehens, in regalibus sedibus collocavit. Unde Isa. IV, 2 : In die illa erit germen Domini in magnificentia, et gloria, et fructus terrae, id est, Beatae Virginis, sublimis, et exsultatio his, qui salvati fuerint de Israel.

2. Secundus seminator est Dei Filius Christus Jesus. Unde exiit? Glossa, " de " sinu Patris in mundum. " Semen autem suum, sicut ipsemet testatur, est verbum Dei. Hoc autem perit tripliciter, videlicet juxta viam, supra petram, et inter spinas. Per viam intelliguntur chorizatores, saltatores, et lusores ad metam cum globis. Hi enim frequentant vias, et in his perit verbum Dei. Per petram, quae humore caret, intelliguntur potatores in tabernis, quorum fauces semper siccae sunt, igne infernali inflammatae : et in his perit verbum Dei. Per spinas accipiuntur luxuriosi foeminarum frequentatores, qui punctiones patiuntur luxuriosas : per spinas etiam notantur avari homines, qui quotidie cupiditatum punctionibus stimulantur, et in his utrisque verbum Domini suffocatur. Per terram bonam signantur boni Christiani, in quibus verbum Dei vitae fructum affert, et ut dicit Matth. XIII, 8 : Dabunt aliud centesimum, aliud sexagesimum, aliud trigesimum. Unde etiam Marc. IV, 8 : Et aliud cecidit in terram bonam, Glossa, " fide-" lem mentem :" et dabat fructum ascendentem, et crescentem, et afferebat unum trigesimum, Glossa, " in conjugatis, " et unum sexagesimum, Glossa, " in vi" duis," et unum centesimum,Glossa," in " virginibus." Conjugati igitur gaudebunt de fructu trigesimo, viduae de sexagesimo, virgines de centesimo.

3. Tertius seminator est quilibet bonus homo, qui triplex seminat semen. Primum est opus munditiae. Secundum opus justitias. Tertium opus misericordia. Et certe trium horum laborum gloriosus erit fructus.

De semine munditiae, ad Galat. VI, 8 : Quas seminaverit homo, haec et metet. Quoniam qui seminat in carne sua, subaudi, voluptatem, de carne et metet corruptionem : qui autem seminat, in\spiritu castitatem, de spiritu metet vitam-. sternam.

De semine justitia, II ad Corinth. IX, 10 : Qui administrat semen seminanti-: augebit incrementa frugum Justitias no-\strae. Semen autem justitia seminari debet et opere, et ore : ut sit veritas in ore, et aequitas in opere.

De semine misericordia, II ad Corinth,; IX, 6 : Qui parce seminat, parce et metet : et qui seminat in benedictionibus, de benedictionibus et metet. Item, ad Gal. VI, 10 : Bonum facientes, non deficiamus i Tempore enim suo metemus non deficientes. Ergo dum tempus habemus, operemur bonum ad omnes, maxime autem ad domesticos fidei. Domestici fidei sunt veri Praedicatores, qui et ore praedicant, et opere, et qui jugiter fidem inviolatam circumferunt in hospitio cordis sui. Circa eos opera misericordia debent a fidelibus spiritualibus exerceri.

i. Quartus sator est peccator quilibet. Et nota, quod est semen vanitatis, etiniquitatis. Semen vanitatis seminant humana laudis avidi, et luxuriosi. Semen autem iniquitatis projiciunt superbi et avari. De primo, Osee,VIII, 7 : Ventum seminabunt, et turbinem metent. De secundo, Eccli. VII, 3 : Non semines mala in sulcis injustitias, et non metes ea in septuplum. Glossa, " in gehenna.'" Item Glossa signat perfectam ultionem : septenarius enim perfectionem signat.

Nota ergo, quod fures, et raptores, usurarii, et falsarii, iniqui judices, et justa causa oppressores, et omnes alio- rum in quocumque negotio deceptores seminant iniquitatis semen : et hi metent vindictam septuplicem. Prima est ignis inclementia. Secunda, frigoris vehementia. Tertia, fames inenarrabilis. Quarta, sitis intolerabilis.Quinta, morborum seu infirmitatum diversitas. Sexta, fatigationum seu laborum sempiternitas. Septima, mortis aeternilas.

5. Quintus sator est diabolus, de quo dicit Dominus, Matth. XIII, 25 et 39 : Cum dormirent homines, venit inimicus, et superseminavit zizania in medio tritici. Et infra : Inimicus autem,qui seminavit ea, est diabolus. Igitur libero arbitrio dormiente, et defensione rationis non obstante, diabolus in corda hominum, ubi Deus seminaverit triticum virtutum, superseminat zizania vitiorum, scilicet, superbiae, irae, invidias, avaritia;,

acedia, gula, luxuria, et pravitatis haerelicae ; et ex istis seminibus reportabitur aeterna poena gehenna.

6. Officium etiam satoris habet ipsa mors, per quam corpora istorum hominum revertuntur in pulverem : sed ex pulveribus iterum suscitabuntur in gloriam. Unde I ad Corinth. XV, 42 et seq. : Seminatur corpus in corruptione multiplicis infirmitatis : surget in corruptione aet ernae et deliciosa sanitatis. Seminatur in ignobilitate abjecta vilitatis : surget in gloria regia dignitatis. Seminatur in infirmitate paupertatis : surget in virtute opulenta felicitatis. Seminatur corpus animale per conditionem bestialis necessitatis : surget corpus spirituale per dignitatem angelica pietatis.

Quod corpus in die judicii nobis praestare dignetur, etc.