SERMO XLVI.

DE ASCENSIONE DOMINI.

Dominus quidem Jesus postquam locutus est eis, assumptus est in coelum, et sedet a dextris Dei. Marc. XVI, 19.

Duo occurrunt hic notanda :

I. Quare Deus in caium assumptus esse dicatur? II. Quare etiam a dextris Dei sedere referatur?

I.

De primo nota, quod Dominus propter septem causas assumptus est in coelum. Prima est ut nobis ad coetum iter panderet et monstraret. Secunda, ut animas quas de limbo eripuerat, in regalibus se. dibus collocaret. Tertia? ut ad interpellaudum pro nobis Deo Patri signum suas victoriae repraesentaret. Quarta, ut naturam nostram super omnes Angelorum ordines exaltaret. Quinta, ut mansiones et loca delectabilia nobis praepararet. Sex- ta, ut corda nostra post se eo vehementius excitaret. Septima, ut septem sigilla et reserata et reseranda fore omnibus publicaret.

1. Prima igitur causa assumptionis in coelum haec est, ut videlicet nobis iter ad coelum panderet ac monstraret. Unde Micheae, II, 13 : Ascendet pandens iter ante eos...: et transibit Rex earum coram eis. Nota, quod plusquam quinque millia annorum transierant,quod nullus ascenderat in coelum; unde quasi ignota erat via : et propter hoc oportuit quod Dei Filius primus eam panderet, et notam faceret anir mabus electorum.

2. Secunda causa est, ut animas quas de limbo eripuerat, in regalibus sedibus

collocaret. Unde legitur in Isa. lxiii, 1, quod cum Dominus cum glorioso comitatu Angelorum et sanctarum animarum, Incarnationis, Passionis, et Resurrectionis, occurrerit, Domino dixerunt : Quis est iste, qui venit de Edom, tinctis vestibus de Bosra? iste formosus in stola sua, gradiens in multitudine fortitudinis suae? De Edom, Glossa : " de mundo : " tinctis vestibus de Bosra, Glossa, " sanguine, " scilicet in cruce. Iste formosus in stola sua, habitu humanitatis.

3. Tertia causa est, ut ad interpellandum pro nobis Deo Patri signa suae victoria? repraesentaret, videlicet cicatrices suas. Unde dicit Glossa super Luc. xxiv, 40, quod " Dominus cicatrices reserva-" vit, ut Patri pro nobis supplicans,quale " genus mortis pro homine pertulerit, " semper ostendat. " Hinc etiam dicit Paulus ad Hebr. VII, 24 et 25 : Jesus eo quod maneat in aetemum, sempiternum habet sacerdotium. Unde et salvare in perpetuum potest accedentes per semetipsum ad Deum : semper vivens ad interpellandum pro nobis. Ibi dicit Glossa, quod " Christus in humana natura quam coelis " intulit, interpellat pro nobis. "

4. Quarta causa est, ut naturam nostram super omnes Angelorum ordines exaltaret. Unde super illum locum Apostoli ad Hebr. ii, 16 : Nusquam Angelos apprehendit, dicit Glossa : " Revera " magnum et mirabile et stupore plenum " est, carnem nostram sursum sedere, et " adorari ab Angelis et Archangelis. " Hoc ergo saepius in mente versans excessum patior, magna de genere humano imaginans. Cum ergo Dominus sorori nostrae, hoc est, humanae naturae tantum honorem contulerit, dignum et justum est, ut et nos ea, per qua? soror nostra inhonorificetur, non agamus, id est, ut munde et juste non habeamus, et peccatis corpus nostrum et animam non polluamus.

5. Quinta causa est, ut mansiones nobis et loca delectabilia praepararet. Unde Dominus dicit in Joan. XIV, 2 et 3: Vadopraeparare vobis locum. Et si abiero, et praeparavero vobis locum : iterum venio, et accipiam vos ad meipsum, ut ubi sum ego, et vos sitis. Et nota, quod mansiones electorum erunt pulchra?, secura?, et opulenta?. De his tribus dicitur in Isa. xxxii, 18 : Sedebit populus meus in pulchritudine pacis, et in tabernaculis fiducias, et in requie opulenta. E contrario in mansionibus damnatorum erit foetor, et immunditia : erit etiam in eis perturbatio sempiterna, et omnis boni irrecuperabilis inopia.

6. Sexta causa est, ut corda nostra post se eo vehementius excitaret. Unde Matth. VI, 21 : Ubi est thesaurus tuus, ibi est et cor tuum. Item, Matth. XXIV, 28 : Ubicumque fuerit corpus, illic congregabuntur et aquilas. Cum ergo Filius Dei sit et corpus, et thesaurus, id est, refectio animarum nostrarum ; dignum est ut ipsum quotidie omni desiderio nostrorum cordium prosequamur, sine ipso enim inops est, et deficit omnis homo. Et nota, quod Dominus sicut aquila sursum elevatus est, et in arduis posuit nidum suum. Unde et nos post ipsum sicut filii aquila? per desideria volare debemus. Unde Job, xxxix, 27,28, et 30 :Numquid ad praeceptum tuum elevabitur aquila, et in arduis ponet nidum suum? In petris manet, et in praeruptis silicibus commoratur, atque inaccessis rupibus... Pulli ejus lambent sanguinem. Attende, 1. Quod per aquilam, de qua hic agitur, Dei Filius figuratur, qui ad praeceptum Patris elevatus est in Ascensione, et in arduis coelorum posuit nidum suum : ubi manet in petris, id est, in animabus electorum, quae tentationibus da?monum fortiter restiterunt. 2. Commoratur etiam in silicibus, hoc est, in sanctis Angelis, a quibus apostatae Angeli per superbiam abrupti deciderunt. 3. Nihilominus et inacceseis rupibus commoratur, hoc est, in eminentia sanctae et individuae Trinitatis. 4. Nos igitur, qui quasi filii hujus aquilae sanguinem lam-

bimus Jesu, post hanc aquilam elevari debemus.

Sed, heu! hodie multi imitantur corvum illum, qui illectus cadavere noluit redire ad Noe, Gen. VIII, 7. Ita enim corda multorum irretiuntur desideriis voluptatum carnalium et concupiscentiis bonorum temporalium, et ambitionibus honorum, quod nec volunt nec possunt migrare post Dominum.

7. Septimam causam altera die prosequemur, quia ipsa per se sola sufficit ad sermonem.

II.

De secundo videndum est, videlicet, quare Dominus a dextris Dei sedere referatur. Et nota, quod per hoc, quod dicitur a dextris Dei, innuuntur tria, videlicet, 1. Quod collata est Christo homini a Deo Patre potestatis aequalitas. 2. Honoris paritas. 3. Et omnis boni identitas.

1. De primo, dicit Matth. XXVIII, 18 : Data est mihi omnis potestas in coelo, et in terra.

2. De secundo dicit Dominus, Joan. VIII, 54 : Si ego glorifico me ipsum, gloria mea nihil est: est Pater meus, qui glorificat me. Item, Joan. XVII,24 : Pater, quos dedisti mihi, volo ut ubi sum ego, et illi sint mecum : ut videant claritatem meam, quam dedisti mihi. Matth. XVI, 27 : Filius hominis venturus est in gloria Patris sui cum Angelis suis.

2. De tertio dicit Dominus, Joan. XVII, 10 : Pater..., mea omnia tua sunt, et tua mea sunt.

Et nota, quod Christus Jesus elevari meruit ad dexteram Patris, videlicet in potestatis aequalitatem, honoris paritatem, et omnis boni identitatem, pro eo quod se humiliaverit usque ad carnis nostrae infirmitatem et abjectissimam vilitatem, nec non ad altissimam paupertatem. Nos igitur, charissimi, si volumus aggregari Filio Dei, oportet quod et nos carnem nostram per labores poenitentiae puniamus, et quod contemptum, et aequanimiter opprobria hominum sustineamus. Praeterea quod res nostras in usus pauperum misericorditer expendamus.

Rogate ergo Filium Dei, ut sic in hac vita in ipsum suspiremus, ut post hanc vitam cum Christo regnare mereamur. Quod nobis praestare dignetur, etc.