Sermo II .

Dominica undecima post Pentecosten. Sermo fratris Bonaventurae in Capitulo Parisius, de mane.

Apertae sunt aures eius, et solutum est vinculum linguae eius, et loquebatur recte, Marci septimo .

Circa genus humanum, quod designatur per istum surdum et mutum, notantur duo sibi impensa per misericordiam Redemptoris, scilicet legitima dispositio ad habitum deiformitatis, et perfecta restitutio ad usum veritatis. Primum, ibi: Apertae sunt aures eius, quae primo erant clausae ad omnem spiritualem auditum; secundum, ibi: et solutum est vinculum linguae eius, et loquebatur recte; nam primo erat ligata lingua quantum ad laudem Dei.

I. Quantum ad primum nota, quod per Christi reparationem aures mentium humanarum, quae prius erant surdae et obturatae per incircumcisam irreverentiam , per obtusam intelligentiam, per variam concupiscentiam , per obstinatam inobedientiam, apertae sunt, quia factae sunt: reverentiales ad reverendum omnipotentialia numina ; primi Regum tertio : Loquere, Domine, quia audit servus tuus.

Intelligenliaks ad speculandum sapientialia lumina ; Proverbiorum secundo: Audiat sapientiam auris tua: inclina cor tuum ad cognoscendum prudentiam.

Affectuales ad percipiendum supercaelestia charismata: Proverbiorum octavo: Beatus homo, qui audit

me et qui vigilat ad fores meas quotidie et observat ad postes ostii mei.

Obedientiales ad perficiendam divina decreta: Baruch tertio : Audi, Israel, mandata vitae, auribus percipe, ut scias prudentiam. II. Circa secundum nota, quod ad hoc, quod lingua hominis loquatur recte, oportet, eam loqui: veraciter secundam leges inditas: ad Ephesios quarto : Deponentes mendacium , loquimini veritatem unusquisque cum proximo suo.

Rationabiliter secundam leges aeternas; Isaiae trigesimo secando: Stultus fatua loquetur, princeps vero ea quae digna sunt prineipe, cogitabit.

Spiritualiter secundum leges evangelicas; ad Ephesios quinto: Loquentes vobismetipsis in psalmis et hymnis et canticis spirilualibus, cantantes et psallentes in cordibus vestris Domino.

Realiter, id est utiliter, secundum leges supernas; Sapientiae septimo : Mihi autem dedit Deus dicere ex sententia et praesumere digna horum quae mihi dantur; Ecclesiastae ultimo: Verba sapientium quasi stimuli et quasi clavi in alium defixi, quae per magistrorum consilium data sunt a pastore uno.