Sermo IX .

Sermo Fratris Bonaventurae editus in Lugduno (sic!) ad populum prima Dominica de Adventu.

Erunt signa in s ole et l una et stellis , et i n terris pressura gentium prae confusione sonitus maris et fluctuum, Lucae vigesimo primo .

In isto Evangelio describitur adventus Domini ad iudicium ut de caelo multiplicibus indiciis praesignificandus et ut ab omnibus elementis multiformiter insigniendus. Circa omnia nota, quod, sicut ex hoc Evangelio et aliis Evangeliis et locis Scripturae colligere possumus, multa signa praecedent iudicium, ut unusquisque se paret ad ipsum; quae sunt haec:

Primum est solis et lunae et omnium luminarium caelestium obscurati o, secundum quod habetur in Evangelio hodierno.

Secundum est ignis conflagrati o de elemento, de inferno et de terra ascendens plus quam aquae diluvii ad purgationem electorum et paenam, ad consumtionem mortalium reproborum , secundum quod dicitur in Psalmo : Ignisante ips um praecedet et inflammabit in circuitu inimicos eius.

Tertium est pestilentia sive universalis corruptio et aegritudo, secundum quod habetur Lucae vigesimo primo : Terraemotus magni erunt per loca et pestilentiae etc.

Quartum est hominum et terrarum, regnorum et familiarum universalis perturbatio et ad invicem proeliatio, secundum quod habetur Lucae vigesimo primo : Surget gens contra gentem et regnum adversus regnum.

Quintum est coniunctorum et sociorum universalis proditio et insidiatio, secundum quod habetur Lucae vigesimo primo : Trademini autem a parentibus et fratribus et cognatis et amicis, et morte afficient ex vobis etc.

Sextum est fumis universalis inundati o secundum quod habetur Lucae vigesimo primo : Et fames.

Septimum est tempestatum universalium de caelo ablu vio secundum quod habetur Lucae vigesimo primo : Pressura gentium prae confusione sonitus maris et fluctu um .

Octavum est maxima, longa et universalis terraemotuum com motio, secundum quod habetur Lucae vigesimo primo : Terraemotus magni erunt per loca, ita quod nullus homo stare poterit seu animal, sed solo prosternentur omnia.

Nonum est terrorum de cael o variorum lapsus continu ati o secundum quod habetur Lucae vigesimo primo : Terroresque de caelo et signa magna erunt, ita quod omnia sidera errantia et stationata comas spargent ex se igneas signum orbi et habitatoribus eius.

Decimum est omnium hominum universalis angustiati o prae timore et quasi arefactio, secundum quod habetur Lucae vigesimo primo: Ares centibus hominibus prae timore et exspectatione etc.

Undecimum est falsorum praedicatorum et nuntiorum antichristi et simulatio mir acul orum et fictio, secundum quod habetur Matthaei vigesimo quarto: Surgent pseudochristi et pseudoprophetae et dabunt signa magna et prodigia etc.

Duodecimum est antichristi valida persecuti o et in fide perseverantium tormentatio et occisio secundum quod habetur Matthaei vigesimo quarto: Tradent vos in tribulationem et occident vos.

Decimum tertium est multorum, qui stare videntur, a fide discessio et contra fidem proditio, secundum quod habetur Matthaei vigesimo quarto : Et tunc scandalizabuntur multi et invicem tradent.

Quartumdecimum est antichristi et suorum de caelo percussio et damnatio, sicut dicit Glossa secundae ad Thessalonicenses secundo .

Quintumdecimum est Eliae et Henoch praedicatio et praeconizatio et tandem per antichristum interfectio .

Sextumdecimum signum praecedens iudicium est, secundum quod dicit Hieronymus , in Annalibus Hebraeorum se invenisse, quia mariaexaltabu ntur super omnes montes, non tamen effluent terrae, secundum illud Psalmi : Mirabiles elationes maris.

Decimum septimum est, quia aequora prosternentur in imum profundi, ut vix oculis humanis videantur, secundum quod dicit Hieronymus, in Annalibus Hebraeorum se invenisse.

Decimum octavum est, quia omnia maria redigentur in antiquum statum, qualia creata sunt, sicut magistri sentiunt.

Decimum nonum est, quia belluae et omnia volatilia, et quae moventur in aquis, congregabuntur et dabunt rugitum ad caelum more contentionis, secundum quod narrat Hieronymus.

Vigesimum est, quia omnia volatilia congregabuntur in campis, unumquodque in ordine suo, plorantes, ululantes, et non gustabunt, secundum quod narrat Hieronymus.

Vigesimum primum est, quia fulmina ignea surgent ab occasu solis contra faciem firmamenti usque ad orientem concurrente, secundum magistros.

Vigesimum secundum est, quia ardebit aqua, secundum narrationem Hieronymi.

Vigesimum tertium est, quia herbae et arbores dabunt rorem sanguineum, secundum narrationem Hieronymi.

Vigesimum quartum est, quia omnia aedificia humana arte constructa simpliciter et universaliter ruent, secundum Evangelium Matthaei .

Vigesimum quintum est quia omnes lapides magni et parvi scindentur in multas partes et collidentur ad invicem, secundum narrationem Hieronymi.

Vigesimum sextum est, quia omnes montes et colles et lapides in pulverem redigentur, secundum narrationem Hieronymi.

Vigesimum septimum est, quia omnia animalia terrae venient ad campos de silvis mugientia et non gustantia, secundum narrationem Hieronymi

Vigesimum octavum est, quia fiet adaequatio terrae, secundam narrationem Hieronymi

Vigesimum nonum est, quia exibunt homines de cavernis et. ibunt velut amentes et non poterunt sibi mutuo loqui, secundum narrationem Hieronymi

Trigesimum est, quia omnia sepulcra patebunt, resurgentibus (sic) unoquoque hora sua, secundum Hieronymum

Trigesimum primum est, quia morientur homines vivi tunc, ut cum mortuis resurgant.

Trigesimum secundum est, quia apparebit signum Filii hominis in caelo, secundum Matthaei vigesimum quartum , cum omnibus passionis suae instrumentis et cicatricibus Hieronymus: "Tunc veniet Filius hominis in maiestate sua et omnes Angeli eius cum eo, et fiet discussio et sententia pro universis ".

Quibus peractis, cessabit motus caeli et influentia luminarium, facta remuneratione corporum caelestium , et non erit nox prima nisi in inferno, omnibus corporibus caeli stantibus in ordine, quo creata sunt, igne remanente mundificato ad modum vernantis scharlati in substantia sine potentia agendi vel multiplicandi se, aere vero renovata, serenato, clarificato ad modum auri amoenissimi. Terra vero orbicularis et plana et lucida effecta, clarissima ad instar crystalli et virentissima ad instar smaragdi, aqua etiam gelata et pervia, ut vitrum perlucidum, faece tandem omnium sic purgatorum descendente in barbam damnatorum ad infernum.