Sermo VI.

Item, sermo fratris Bonaventurae Lugduni ad Fratres.

N os sumus circumcisio, qui spiritu servimus Deo et gloriamur in Christo Iesu, ad Philippenses tertio .

Circa verorum Christianorum statum tria in his verbis nominantur quantum ad solemnitatem presentem sive in solemnitate praesenti ab eis debita Deo; quorum primum est hierarchicae vitae consummata iustitia, cum Apostolus dicit: Nos sum us cir cumci sio , quasi non solum spiritualiter circumcisi, sed ipsa circumcisio per iustitiam consummatam. Secundum est charismaticae regulae beata fragrantia, cum subdit: qui spiritu servimus Deo, id est, vitam Deo acceptam et hominibus odoriferam ducimus Tertium est deificae pascuae deliciosa experientia, cum addit: et gloriamur in Christo Iesu, id est, delectamur in ipso solo.

I Debemus antem esse ipsa circumcisio: per inordinatarum affectionum defalcationem perfectam; ad Colossenses secundo : Circumcisi estis circumcisione non manu facta in exspoliatione corporis carnis, sed in circumcisione Christi, consepulti ei in baptismo. Per indisciplinatarum collationum evitationem sollicitam; Iosue quinto: Circumcisi sunt filii Israel a Iosue, quia, sicut nati fuerant, in praeputio erant, nec eos in via aliquis circumciderat.

Per incompositarum conversationum resecationem studiosam; Ieremiae quarto : Circumcidimini Domino et auferte praeputia cordium vestrorum, viri Iuda et habitatores Ierusalem, ne forte egrediatur ut ignis indignatio mea.

Per superfluarum occupationum abnegationem condignam; ad Galatas quinto: Nam in Christo Iesu neque circumcisio aliquid valet neque praeputium, sed fides, quae per caritatem operatur.

II Debemus Deo vero spiritu servire: in deiformitate puritatis mentalis; primi Regum septimo : Praeparate corda vestra Deo et servile ei soli. Auferte deos alienos de medio vestro.

In luciformitate veritatis sapientias; Isaiae quinquagesimo secundo: Ecce, intelliget serv us meus, exaltabitur et elevabitur et sublimis erit valde.

In pulcriformitate venustatis moralis; Aggaei ultimo : Assumam te, Zorobabel, fili Salathiel, serve meus, et ponam te quasi signaculum, quia te elegi.

In suavitate tranquillitatis conscientialis; secundae ad Timotheum secundo: Servum autem Dei non oportet litigare, sed ma nsuetum esse ad omnes.

III Debemus tandem gloriari in Christo Iesu omni tempore: sentiendo ipsum summe harmonicum per universalis creaturae praeconium; Ieremiae nono : In hoc glorietur qui gloriatur, scire et nosse me, quia ego sum Dominus, qui facio mis eric ordiam et iudicium et iustitiam in terra.

Odorando ipsum summe aromaticum per aviditatis internae suspendium; Psalmus: Gloriabuntur in te omnes, qui diligunt nomen tuum.

Degustando ipsum summe mellifluum per suavit atis intimae participium; ad Galatas ultimo : Mihi absit gloriari nisi in cruce Domini nostri Jesu Christi.

Admirando ipsum summe pulcherrimum per sedulit atis contemplationis fastigium; Ecclesiastici vigesimo quarto: In conspectu virtutis illius gloriabitur A in medio populi sui exaltabitur et in plenitudine sancta admirabitur.