Sermo XV .

Item, sermo fratris Bonaventurae editas Lugduni coram Fratribus, de sero in Nativitate Domini.

Emissiones tuae paradisus, Canticorum quarto .

Verba haec possunt esse cuiuslibet devotae et fidelis animae ad gloriosam Virginem, hodie fructum salutis perpetuae parientem; in quibus describitur gratiosa et nova nativitas ut supernis influentiis ex parte Matris, et ut aeternis fragrantiis referta ex parte Prolis. Primum, ibi: Emissiones tuae; secundum, ibi: paradis us .

Circa totum notandum, quod persona Verbi incarnati de Virgine Maria, hodie per novam nativitatem mundo apparens, vocatur et est paradisus quidam, et faciei eius lumine paradiso caelesti, hominibus in claritate, (assimilatur) propter quatuordecim nobiles conditiones, in eo repertas ab ortu et per totam vitam, quatuordecim proprietatibus paradisi caelestis correspondentes.

Apparuit namque in eo et fuit sicut aeterna maiestas ad venerationem; Ecclesiastici quadragesimo : Timor Domini sicut paradisus benedictionis.

Aeterna veritas ad eruditionem; Ecclesiastici vigesimo quarto: Et sicut aquaeductus exivi de paradiso.

Aeterna bonitas ad imitationem; Genesis secundo : Plantaverat autem Dominus Deus paradisum voluptatis a principio; in quo posuit hominem, quem formaverat.

Aeterna suavitas ad recreationem; Lucae vigesimo tertio: ''Hodie mecum eris in paradiso. .

Aeterna tranquillitas ad pacificationem; secundae ad Corinthios duodecimo : Raptus est in paradisum et audivit arcana verba, quae non licet homini loqui. ''

Aeterna formositas ad speculationem; Ecclesiastici quadragesimo quarto: Henoch placuit Deo et translatus est in paradisum, ut det gentibus paenitentiam.

Aeterna serenitas ad contemplationem ; Genesis tertio : Dum deambularet Dominus in paradiso ad auram post meridiem.

Aeterna immortalitas ad roborationem; Genesis secundo : Li gnum etiam vitae in medio paradisi.

Aeterna libertus ad evolationem; Apocalypsis secundo: Vince nti dabo edere de ligno vitae, quod est in paradiso Dei mei.

Aeterna securitas ad certificationem ; Ezechielis trigesimo primo : Cedri non fue runt altiores illo in paradiso Dei.

Aeterna carit as ad dilatationem; Genesis secundo: Fluvius egrediebatur de loco voluptatis ad irrigandum pa radisum.

Aeterna iucu nditas ad consolationem; quarti Esdrae octavo : Vobis apertus est paradisus, plantata est arbor vitae.

Aeterna pietas ad condescensionem ; Genesis decimo tertio: Universa terra irr igabat ur sicut paradisus Domini.

Aeterna sanctitas ad iustificationem; Ezechielis trigesimo primo: Omne lignum paradisi Dei non est assimilatum illi et pulcritudini eius.