Sermo XIII .

Item, sermo fratris Bonaventurae editus prima Dominica de Adventu, cum esset cardinalis, praesente Papa Gregorio X. et multis cardinalibus et tota curia ad Missam.

Dominus dabit benignitatem, et terra nostra dabit fructum suum, Psalmus .

Sanctus et sacer David, spiritu magno videns ultima dominicae incarnationis sive adventum incarnandi, quem modo colere coepimus, tria eleganter in verbis his facit sive designat, quorum primum est Dei potentis influentis mirifica liberalitas, ibi: Domi nus dabit benignitatem; secundum est Virginis supernaturaliter concipientis gloriosa fecunditas, ibi: et terra nostra; tertium est superbenedictae prolis gloriosa nativitas, ibi: dabit fructum suum.

I. Circa primum notandum, quod Dominus dedit Virgini Mariae concipienti triformem benignitatem, scilicet gratiae praevenientis per primam sanctificationem in utero; ad Titum tertio : Apparuit benignitas et humanitas Salvatoris nostri Dei, non ex operibus iustitiae, quae fecimus nos, sed secundum suam misericordiam salvos nos fecit per lavacrum regenerationis et renovationis Spiritus sancti.

Gratiae dirigentis per sanctam conversationem in mundo; Psalmus : Benigne fac, Domine, in bona voluntate tua Sion, ut aedificentur muri Ierusalem; Sion, beata Maria.

Gratiae fecundantis per almam conceptionem de Spiritu sancto; Psalmus : Benedices coronae anni benignitatis tuae, et campi tui replebuntur ubertate; benedices coronae, id est integritati virginali; anni benignitatis tuae, scilicet conceptum et ortum Christi.

II. Circa secundum nota, quod beata Maria concipiens dicitur terra, quia instar bonae et electae terrae fuit ab omnibus malis radicitus segregata per exstinctionem omnium fomitum; Psalmus : Benedixisti, Domine, terram tuam, avertisti captivitatem Iacob.

Aquis pluvialibus irrigata per effusionem multiformium devotionum; Genesis : Fons as cendeb at e terra, irrigans universam superficiem terrae.

Radiis solaribus opposita per inflammationem caelestium desideriorum: Ecclesiastici quadragesimo tertio : Sol in meridiano exurit terram, et in conspectu ardoris eius quis poterit sustinere?

III. Circa tertium nota, quod Virgo benedicta dedit mundo fructum triplicem, scilicet spectabilem, munditiae scilicet fontalis deiformiter mundum pulcrificantis; Proverbiorum tertio : Auri primi et purissimi fructus eius.

Desiderabilem, claritatis scilicet sapientialis, mundo intellectualiter supersplendentis; Psalmus : Erit t anquam l ignum , quod plantatum est s ecus decursus aq uarum , quod fructum suum dabit in tempore suo .

Oblectabilem, familiaritatis scilicet spiritualis, affectualiter devotum suavificantis; Canticorum secundo : Sub umbra illius quem desideraveram, sedi, et fructus eius dulcis gutturi meo .