Sermo II .

Ass umsit Iesus Petrum et Iacobum et Ioannem, fratrem eius, et duxit illos in montem excelsum seorsum et transfiguratus est ante eos, Matthaei decimo septimo .

In his verbis spiritualiter intellectis patenter et pulcre describitur, quomodo Iesus, Dei Filius, tres status sive gradus, qui sunt in Ecclesia, designat per istos tres secretarios Christi, praelatos scilicet, activos et contemplativos; ass umit sibi per gratiam coniungendo; deducit sanctis inspirationibus erigendo; se ipsum eis in sua forma ostendit promissam gloriam exhibendo.

Iste autem mons excelsus, seorsum vere constitutus, in quo Christus ducit assumtos et electos, in quo se ipsum ostendit; Ierusalem beatam, quae sursum est , significat, in qua videtur claritas Dei et facies Jesu Christi Est enim instar: montis pinguis ad pastum propter refectionem summae saturitatis; Psalmus : Mons Dei, mons pinguis, mons coagulatus, mons pinguis.

Sublimis ad aspectum propter altitudinem summae maiestatis; Psalmus: Fundamentaeius in montibus sanctis etc.

Insuspicabilis ad metum propter possessionem summae securitatis; Genesis decimo nono: In m onte salvum te fac, ne et tu simul pereas. -Immobilis ad situm propter fixionem summae aeternitatis; Exodi decimo quinto : Plantabis eos in monte hereditatis tuae, firmissimo habitaculo tuo, quod operatus es, Domine, - Solemnis ad gaudium propter recreationem sempiternae virentis amoenitatis; Ezechielis trigesimo quarto: Ibi requiescent in herbis virentibus et in pascuis pinguibus pascentur super montes Israel.

Capax ad consortium propter latitudinem sive mansuetudinem caritatis; Isaiae vigesimo quinto: Faciei Dominus exercituum omnibus populis in monte hoc convivium pinguium, convivium vindemiae, pinguium medullatorum etc.

Quia vero gloriailla erit universalis participationis, ideo assumuntur in illius gloriae repraesentatione Moyses, legislator, Elias, dux Prophetarum, et Apostoli tres, nomine omnium electorum.

Finalis quietatione, ideo Petrus dixit ad Iesum: Domine, bonum est, nos hic esse etc.

Inexterminabilis proportionis vel delectationis (?), ideo discip uli audientes ceciderunt in faciem suam.

Incomprehensibilis claritatis et luminis, ideo resplenduit facies Christi sicut sol, et vestimenta eius facta sunt alba sicut nix; et nubes lucida obumbravit discipulos eius.