Sermo III .

Item, sermo fratris Bonaventurae Parisius in Capitulo quando Vigilia Epiphaniae contigit in Dominica.

Consurgens Ioseph, accepit Puerum et Matrem eius et venit in terram Israel, matthaei se eundo.

In verbis istis evangelicis traditur utilis et compendiosa forma salutis humanae, quae est, ut qui cumque vult salvari, transumat in se per dev oti onem et accipiat Christum natum, et Matrem eius ad imitationem et venerationem, et sic perveniet ad terram Israel, id est praeclaram et aeternam Dei visionem.

I Est autem Christus puer natus transumendus ab omnibus per devotionem et accipiendus a singulis ad venerationem exemplo beati Ioseph, qui ipsum taliter transumebat et accipiebat: propter deiformitatem venerabilis apparentiae; relucebat enim in facie eius divina maiestas; primi Paralipomenon duodecimo : Sadoc ''etiam, puer egregiae indolis.

Propter luciformitatem fontalis sapientiae; relucebat enim in facie eius aeterna veritas; Lucae secundo : Puer autem crescebat et confortabatur, plenus sapientia. ''

Propter pulcriformitatem triformis gloriae; relucebat enim in facie eius summa bonitas; Isaiae quadragesimo secundo : Ecce, puer meus, electus, quem elegi, ponam super eum etc

Propter gratiositatem universalis innocentiae; relucebat enim in facie eius suprema sanctitas; Genesis trigesimo septimo: Ioseph pascebat gregem cum fratribus suis adhuc puer etc

II. Mater etiam Christi pueri transumenda et in veneratione et in imitatione habenda est exemplo beati Ioseph: tanquam exemplar totius humilitatis evangelicae; Lucae primo : Et unde hoc mihi, ut veniat Mater Domini mei ad me?

Totius pietatis ecclesiasticae; matthaei primo: Cum esset desponsata Mater eius Maria Ioseph, antequam convenirent, inventa est in utero habens de Spiritu sancto.

Totius religiositatis christianae; Ioannis decimo nono : Stabant iuxta crucem Iesu Mater eius etc

Totius caritatis geminae; Actuum primo: Erant perseverantes unanimiter in oratione cum mulieribus et Maria, Matre Iesu, et fratribus eius.