Sermo III.

Item, sermo fratris... Parisius in domo Praedicatorum, coram Universitate.

Post triduum invenerunt illum in templo sedentem in medio doctorum, Lucae secundo .

Spiritualiter in verbis his ponuntur tres circumstantiae , per quas homo devenit in notitiam alterius hominis boni vel mali, et tres viae, per quas homo venit in notitiam Salvatoris sive in inventionem ipsius. Prima est comm odit as temporis ad inveniendum, quia, Post triduum invenerunt; secunda est condit io seu sanctitas loci ad ipsum habendum, quia, intemplo; tertia est honestas contubernii ad conveniendum , quia, inmedio doctorum. Temporis commoditas arguit diuidentes, negligentes, lucem odientes; loci sanctitas arguit curias et tabernas appetentes; contubernii honestas arguit infames personas imitantes et sociantes.

Sciendum ergo, quod qui vult invenire Christum Iesum oportet, quod quaerat eum per triduum contritionis sim plici s, confessionis humilis et satisfactionis virilis, et inveniet eum in quarto, dilecti onis dulcis .

Non enim invenitur nisi a viventib us simpliciter; simplices enim et innocentes invenerant eum cum pastorib us in praesepio; Lucae secundo :

Et venerunt festinantes et invenerunt Mariam et Ioseph et Infantem positum in praesepio; Sapientiae primo: In simplicitate cordis quaerite illum, qu oniam invenitur ab his qui non tentant illum.

A Poenitentibus humiliter; paenitentes et dolentes invenerunt eum cum parentibus in templo Lucae secundo ; Ecclesiastici decimo octavo: Ante languorem adhibe medicinam et ante iudicium interroga te ipsum, et in conspectu Dei invenies propitiationem.

A sustinentibus viriliter; sustinentes et viriles inveniunt eum cum regibus in gremio Matris, Matthaei secundo ; Iob vigesimo tertio: Quis mihi tribuat, ut cognoscam et inveniam illum et veniam usque ad solium eius?

A diligentibus dulciter; amantes sive diligentes inveniunt eum cum sponsa ei sodalibus secreto colloquio, Canticorum tertio ; Proverbiorum octavo: Ego diligentes me diligo, et qui mane vigilant ad me invenient me.

Invenitur vero Christus ab innocentibus sive simpliciter viventibus post triduum intentionis puritatis, affectionis sanctitatis, devotionis teneritudinis, quod triduum significatum est in illo triduo reaedificationis templi, id est restitutionis innocentiae; Ioannis secundo : Solvite templum hoc, et in tribus diebus excitabo illud.

Invenitur etiam Christus ab humiliter poenitentibus post triduum generalis contritionis, integralis confessionis, celeris satisfactionis, quod triduum significatum est per illud Ionae tertio , secundum Septuaginta: Adhuc tres dies, et Ninive subvertetur.

Invenitur etiam Christus a sustinentibus sive virilibus post triduum quod quidem est aggredi confidenter in principio, sustinere patienter in medio, perseverare finaliter in termino, quod triduum significatum est per illud Marci octavo : Misereor super turbam, quia, ecce, iam triduo sustinent me nec habent quod manducent.

Invenitur tandem post praefatum triduum triplex in statu spiritualiter seu dulciter amantium, qui etiam tunc sciunt, quid sit invenisse Christum post triduum, quando habent meditationes sursum activas ad amorem Patriae, affectiones transformati vas ad compassionem Christi poenae, speculationes refrigerativas ad conciliationem status innocentiae; quod quidem triduum est, in quo homo post aliud praemissum tripliciter triduum excipitur. Significatum est per illud triduum, Actuum vigesimo octavo , ubi dicitur, quod princeps Publius Paulum et socios in insula sua post multam navigationem recepit et benigne triduo exhibuit.

Invenitur Iesus quantum ad societatem quadrupliciter: in medio iumentorum iacens ut reconciliator ad pacificandum; Habacuc tertio , secundum Septuaginta: In medio duorum animalium innotescens.

In medio doctorum sedens ut lampas ad irradiandum; Lucae secundo, sicut habebatur hic: Invenerunt illum in templo etc.

In medio latronum pendens ut pugil ad expugnandum; Ioannis decimo nono : Crucifixerunt eum et cum eo alios duos hinc et hinc, medium autem Iesum.

In medio discipulorum stans ut turris ad corroborandum; Ioannis vigesimo: Venit Iesus et stetit in medio etc.