146. Super Ave Maria.

1. Ave, virgo virginum,
Ave, mater Dei,
Ave, mater luminum,
Ave, salus rei,

Ave, culmen culminum,
Memor esto mei,

Mihi placa Dominum
Me reformans ei.

2. Maria, clementiae

Vera lux divina,
Imperatrix regiae

Lucis et regina,
De lacu miseriae,

Faecis de ruina
Me duc et ad gratiae

Callem pie mina.

3. Gratia, quae floribus

Fulcit te virtutum,
A peccati sordibus

Reddat me solutum,
Ut cum sanctis omnibus

Iter nactus tutum,
Quo resistam hostibus,

Spei feram scutum.

4. Plena pigmentario

Cella tu liquore,
Portus in naufragio,

Quies in labore,
Medicinam saucio

Mihi tuo more
Confer, tuo filio

Iungar in favore.

5. Dominus, que conditur

Omnis creatura,
Christus ex te nascitur,

Virgo, mater pura,
Per quem mundo tollitur

Moles mortis dura,
Quae peccato laeditur,

Mentem meam cura.

6. Tecum tota trinitas,

Tecum sanctitudo,
Tecum morum claritas,

Tecum mansuetudo,
Fides, spes et caritas,

Mundi fortitudo,
Absit mihi foeditas,

Assit pulchritudo.

7. Benedicta domina,
Decus mulierum,
Caeli super agmina,
Super culmen rerum,

Promptum ad peccamina,
Ad virtutes serum,

Me tecum illumina
Lumen donans verum.

8. Tu in mulieribus

Summa nominans,
Immo prae virginibus

Virgo nuncupans,
Quae pro nobis omnibus

Sola proeliaris,
Me de mundi fluctibus

Tolle, stella maris.

9. Et benedictus dominus,

Qui te benedixit,
Dum Gabriel caelitus

Ave tibi dixit,
Abstersisti gemitus,

Eva quos inflixit,
luva, ne sim perditus,

Satan quem afflixit.

10. Fructus tuus, domina,

Sinu de paterno
In hanc vallem saliens

Mundi de superno
Cunctos est reficiens,

Illum saepe cerno,
Virgo, fac ut moriens

Solvar ab inferno.

11. Ventris in sacrarium

Tui rex ingressus,
Fraudes vicit hostium

Caelitus egressus,
Famem, sitim, taedium,

Mortemque perpessus,
Mihi da subsidium,

Meos rege gressus.

12. Tui nati sanguine
Peccator lavetur
A parentum crimine
Lotusque salvetur
Et in caeli culmine
Salvus iucundetur,
Tibi laus cum carmine,
Mihi salus detur.