41. De Compassione BMV.

Ad Matutinum.
1. Ave, virgo, stella maris,
Orta mundo consecrans,
Sancto verbo fecundans,

Laudans Iesum, o Maria;
Ave, nocte solem paris,
Votis, donis veneraris,
Circumcisum offers aris,
Celans Iesum, o Maria.

A d Laudes.

2. Ave, laudes confers Christi,
Quaerens prolem invenisti,
Post baptismum supplevisti

vinum Iesu, o Maria ;
Ave, mira congruisti,
Cena facta captum scisti,
Ter negatum deflevisti,
Cacsum Iesum, o Maria.

Ad Primam.
3. Ave, natum exprobratum,
Mane latum ad Pilatum,
Hinc delatum, scis relatum,
Spretum Iesum, o Maria;
Ave, gratum reprobatum,
Accusatum, flagellatum,
Purpuratum et velatum
Plangis Iesum, o Maria.

Ad Tertiam.
4. Ave, caput spinis satum,
Cuius orbis sentit nutum,
Hora tertia consputum

Cernis Iesum, o Maria;
Ave, sanctum, impollutam
Deflens luto delibutum,
Crucifige vulgus brutum
Clamat Iesum, o Maria.

Ad Sextam.

5. Ave, crucem sequebaris,
Mortem trucem specularis,
Hora ducem contemplaris

Sexta pungi, o Maria;
Ave, noto commendans,
Toto corde confossaris
Fellis potu, sic orbaris
Iesum flendo, o Maria.

Ad Nonam.

6. Ave, vox, sol, nox obscura,
Velum, tellus, petra dura
Sunt in nona signa plura

Necis Iesu, o Maria;
Ave, de te trux natura
Tempus nacta partus iura
Iam extorquet cum usura,

Poenas Iesu, o Maria.

Ad Vesperas.

7. Ave, Ioseph dum precatur,
Hora vespertina datur
Corpus sacrum, lanceatur

Latus Iesu, o Maria ;
Ave, corpus sublevatur,
Non frustratur, sed murratur.
At infernus spoliatur

Iesu duce, O Maria.

Ad Completorium.

8. Ave sero tres Mariae

Murram parant tumbae diae,
Surgens scandit donans pie

Pneuma Iesus, O Maria ;
Ave, iuncta nunc Messiae
Trinae fulgens hierarchiae,
Nos inscribas in hac die

Libro Iesu, O Maria.