54. De Assumptione B. M. V.

Ad 1. Vesperas.

1. Maria, candens lilium,
Rosa sine spina,
Vocat suum filium
Hora vespertina.

Ad Completorium.

2. Quae completo tempore
Languens prae amore
Obdormivit dulciter
Mortis in sopore.

Ad Matutinum.

3. Adest matri Dominus
Luce cum divina,
Sic ad astra tollitur
Stella matutina.

Ad Primam.

4. Cum cymbalis ac citharis
Post a ierarchia
In magna suscipitur
Gloria Maria.

Ad Tertiam.

5. Altius conducitur,
Medii caelorum
Occurrunt exercitus
Patris angelorum.

Ad Sextam.

6. Qui trans sextum dominam
chorum conduxerunt,
Cherubim et Seraphim
huic obviaverunt.

Ad Nonam.

7. Hinc iucunde geritur
Chorum ultra nonum
Et in summum ponitur
Ierarchiae thronum.

Ad 2. Vesperas.

8. Ibi cum laetitia
Maria coronata
Regnabit in saecula
Mire sublimata.