57. Ilorae beatae Mariae V.
Ad Matutinum.

1. Collaudemus universi
Gratiarum fonte tersi

Mariam christiferam,
Quae nos eius ventris fructu
De perditionis luctu

Refecit per gratiam.

2. Mater miserationis,
Spes humanae contionis,

Consolare populum,
Quem de lacu mortis tristi,
De contemptu transtulisti

In vivorum numerum.
3. Fac nos tibi nunc vacare
Et ad Christum convolare

Mentis desiderio,
Hostis vepre ne pungamur,
Per te large perfundamur

Gratiarum oleo.

4. Virgo felix et iucunda,
Contemplari mente munda

Fac nos tuam faciem,
Christum pure nunc amare
Deitatisque potare

Supernam dulcedinem.

5. Claritatis vestimento
Doce, virgo, vultu laeto

Christum nos induere,
Inter caeli legiones
Gratiarum actiones

Condecenter canere.

6. Sit cum Christo laus parenti
Ab utroque procedenti

Plena iubilatio,
Genetrici illibatae
Sit cum sancta trinitate
Summa benedictio.

Ad Primam.

1. Superni sponsa principis,
Propitiatrix hominis,
Maria, virgo regia,
Plena laudis et gratia,

2. Compesce carnis fomitem
Hostisque saevi rabiem,
Terrena da despicere,
Superna concupiscere.

3. Illustra facem sensuum,
Da robur, fer auxilium,
De caelis rora gratiam
Tuam super familiam.

4. Perfectos et gratissimos
Nos Christi fac discipulos,
Da utriusque providam
Testamenti custodiam.

5. Fac nos gustare caelitus
Charisma sancti spiritus
Et contemplari filium
Cum sanctis in perpetuum.

6. Fides, spes, amor, latria
Patri, nato, paraclito,
Mariae, sanctis omnibus
Hymnus, plausus et iubilus.

Ad Tertiam.

1. Maria, stirps egregia,
Lux mundi, spes et gloria,
Dilectum placa filium
Salute pro fidelium.

2. Festina, ne tardaveris
Auxiliari miseris
Quos emit Christus proprio
Cruoris sui pretio.

3. Da pietatis gratiam,
Devotionis copiam,
Thesaurum sapientiae,
Salutis, pacis, veniae.

4. Nos pio vultu respice,
Reforma, rege, refice
Ac impertire filiis
Caelestis haustum luminis.

5. Peccati sana vulnera,
Da gratiarum munera,
Hostis doma malitiam
Et transfer nos ad gloriam.

6. Fides, spes, amor, latria
Patri, nato, paraclito,
Mariae, sanctis omnibus
Hymnus, plausus et iubilus.

Ad Sextam.

1. [O] consolatrix omnium,
Flos florum, virgo virginum,
Audi preces lugentium
Devote te quaerentium.

2. Dilecta, veni propere
Te diligentes visere,
Tuam catervam satia
Superna Dei gratia.

3. Servorum vota filio
Fer interventu sobrio,
Ut culpas nostras deleat
Et caritate repleat.

4. Compunctionis calice
Deserta corda refice,
Da duplicis continuum
Sanctitatis irriguum.

5. In nobis, mater inclita,
Fervoris flammam suscita,
Sensus nostros irradia
Divina sapientia.

6. Fides, spes, amor, latria
Patri, nato, paraclito,
Mariae, sanctis omnibus
Hymnus, plausus et iubilus.

Ad Nonam.

1. Tu castitatis lilium,
Virtutum domicilium,
Vas vitae, fons clementiae,
Ros caeli, thronus gloriae.

2. Amica, sponsa, socia
Dei patris et filia,
Tu nobis sis auxilium
Apud patrem et filium.

3. Occultis a reatibus
Devotis lava fletibus
Et gratiarum sicera
Nos incrassare propera.

4. Constringe nos suavibus
Tuis, mater, amplexibus
Et recommenda filio
Plenoque reple gaudio.

5. Donorum auge praemia,
Pro parvis da magnalia,
Sanctorum quoque mystica
Bona nobis communica.

6. Fides, spes, amor, latria
Patri, nato, paraclito,
Mariae, sanctis omnibus
Hymnus, plausus et iubilus.

Ad Vesperas.

1. Summi sponsa creatoris,
Soror, dos et filia,
Parens patris, nata prolis,

Virginum primaria,
Florens hortus, fons dulcoris,
Mundi spes eximia.
2. Audi planctum filiorum,
Fons misericordiae,
Consolatrix orphanorum,
Dona praesta gratiae
Ac ascribe nos ad chorum
Caelestis militiae.

3. Arma plebem militantem

Hac in solitudine,
Pande fontem nos lavantem

Imbre paenitentiae,
Confer palmam triumphantem

Et coronam gloriae.

4. Pietatis vas insigne,
Supplices refrigera,
Vivo caritatis igne

Confovere propera,

Quo libemus tibi digne

Gratiarum munera.

5. Ad te suspiramus, pia,
Pauperum refugium,

Angelorum melodia,
Misereris omnium

Nunc et semper, o Maria
Tibi supplicantium.

6. Laus perennis Deo patri
Sanctoque paraclito,

Laus inviolatae matri
Ac ipsius filio,

Quae nos sanctae trinitati
Iungat cum tripudio.

Ad Completorium.
1

1. Ave, rosa generosa,
Diva, potentissima,
Mater virgo, vitae pyrgo,
Stella serenissima.
2. Christum Deum, Nazareum
Nobis reconcilia
Et culparum tu nostrarum
Relaxa contagia.
3. Fons virtutum, numen tutum,
Vino nos inebria
Deitatis daque gratis
Paradisi gaudia.

4. O praelata, fecundata
Dei patris filio,
Nos dignare te laudare
Voto cordis sobrio.
5. Contemplari, osculari
Ac amplecti filium
Puro corde sine sorde
Da post hoc exsilium.

6. Sit Mariae, matri piae
Laudum modulatio
In aeternum sit supernum
Melos Dei filio.

II.

1. Maris stellae, Christi cellae
Melodias promere
Convenite, Israelitae,
Mentis cum dulcedine.

2. Cordis fletum atque metum,
Christe rex, discrimina
Per parentis te foventis
Mariae precamina.
3. Propagatrix lucis, matrix
Pacis et clementiae,
Salutare nos gustare
Tuum semper tribue.

4. Fac in caelis, spes fidens,
Ipsum nos agnoscere,
Qui mudavit nosque pavit
Pretioso sanguine.

5. Exsultantes, lamentantes,
Virgo mater, collige
Ac in castra super astra
Supernorum dirige.
6. Virgo parens labe carens,
Tibi laus et gloria
Sit cum nato tibi grato
Per aeterna saecula.