61. De sancta Barbara.

Ad Matutinum.

1. Matutino tempore

Barbara beata
In obscuro carcere

Fuit illustrata,
Et cum caeli lumine

Exstat visitata
Et a rege gloriae

Fuit desponsata.

A d Primam.

2. Hora prima praesidem

Saevus rex adfatur,
Ut ad primum lapidem

Barbara trahatur,
Si verbo et opere

Christus non negatur,
Natam vult occidere

Rex, quod praeparatur.

Ad Tertiam.

3. Virgo ad praetorium

Hora tertiarum
Ducta, testimonium

Praeses fert amarum
Contra Iesse lilium,

Sponso caeli carum,
Dicens esse omnium

Hanc dignam poenarum.

Ad Sextam.

4. Hora sexta corpore

Virgo est nudata,
Rubra suo sanguine

Nervis flagellata,
Cilicino tegmine

Dire confricata,
A Christo in carcere

Plagis est sanata.

Ad Nonam.

5. Hora nona latera

Furcis perforantur,
Membra sua tenera

Lampade cremantur,
Os et caput in ea

Male malleantur,
Cum obtusa framea

Mammae amputantur.

Ad Vesperas.

6. Haec flagellis caeditur

Vesperarum hora,
Per plateas trahitur

Nuda, sine mora
Stola Dei tegitur,

Sane fit dulcora,
A patre occiditur

Barbara decora.

Ad Completorium.

7. Hora completorii

A patre decollata
Filia Dioscori

Fuit famulata
Et per manus angeli

Deo praesentata,
Anima Dioscori

Igne devorata.

Conclusio.

8. Has horas canonicas,

Barbara regina,
Fero tibi debitas,

Ut a repentina
Plaga me custodias

Atque a rapina
Daemonis me protegas

Et caelum propina.

AdminBookmark