35. Cursus de ss. Angelis,

Ad Matutinum.

1. Assiste, lux angelica,
Perlustra noctem, carceres,
Solve vinctos et indica,
Quod nos ducendo liberes.

2. Qui educit de tenebris
Vinctos in fortitudine,
Nos ducat ab illecebris,
Rex angelorum lumine.

Ad Laudes.

1. Si[c] nocte lux angelica
Nos Iacobitas faciat,
Ut aurora transelica
Israelitas pariat.

2. Praesta, beata trinitas,
Nobis sic hostes vincere,
Ut nostra sit felicitas
Cum angelis te cernere.

Ad Primam.

1. Sic tibi, Deus, offerat
Cor sui primogenita,
Ut angelis mox inferat
Mactanda carnis vetita.

2. Sic tibi, Deus trinitas,
Se nostra dent praecordia,
Ut des te nobis deitas
Cum angelis in patria.

Ad Tertiam.

1. Pergentibus ad patriam
Caelestem nobis angeli
Castra veniant obviam
Nosque sumant archangeli.

2. Trino Deo et simplici
Sit laus et benedictio,
Qui nos regit multiplici
Angelorum obsequio.

Ad Sextam.

1. Ne uramur incendio
Fornacis Baby lonicae,
Urat nos Christus radio
Caritatis angelicae.

2. Trino Deo praeconium
Trina flet mundi fabrica,
Trinamque pellat hostium
Vim trina vis angelica.

Ad Nonam.

1. Sic pane continentiac
Nos angeli reficiant,
Ut aqua sapientiae
Mentes ad hanc perveniant.

2. Nos panis fortitudine
Angelorum induere
Et tuam altidudinem
Fac, trinitas, conscendere.

Ad Vesperas.

1. Vespertina oratio

Ascendat ad te, Domine,
Et Gabriele nuntio
Solvamur a ligamine.

2. Sit laus patri cum filio,
Sancto simul spiritui,
Qui ducant ab exsilio
Nos angelorum statui.

Ad Completorium.

1. Iam post solis occubitum,
Sol vere, da quiescere
Et ad tui contuitum
Cum angelis ascendere.

2. In te sit nostra requies,
Trinitas beatissima,
In nobis pauset facies
Angelis praegratissima.