126. Super Ave Maria.

1. Ave, rosa sine spinis,
Tu, quam pater in divinis
Maiestate sublimavit
Et ab omni vae purgavit.

2. Maria stella dicta maris,
Tu a nato illustraris
Luce clara deitatis
Qua praefulges cunctis natis.

3. Gratia plena te perfecit,
Spiritus sanctus dum te fecit
Vas divinae bonitatis
Et totius pietatis.

4. Dominus tecum miro pacto
Verbo in te carne facto
Opere trini conditoris;
O quam dulcis vis amoris!

5. Benedicta tu in muli-
eribus,
Hoc testatur omnis tribus,
Caeli fantur te beatam,
Super omnes exaltatam.

6. Et benedictus fructus

ventris tui,

Quo nos semper dona frui,

Nunc per gustum hic internum

Et post mortem in aeternum.

7. Amen, hunc salutis sensum,
Tuac laudis gratum pensum,
Conde tuo sinu, pia,
Clemens, dulcis o Maria.