112. Super Ave Maria.

1. Ave, mitis imperatrix,
Ave, vitae restauratrix,
Ave, gentis advocatrix,
Ave, legis novae latrix.

2. Maria, fons pietatis,
Maria, lux claritatis,
Maria, pons naufragatis,
Maria, dux deviatis.

3. Gratia tu es referta,
Gratia in te est certa,
Gratia in te reperta,
Gratia nobis miserta.

i. Plena per influentiam,
Plena per abundantiam,
Plena renovans veniam,
Plena revocans gratiam.

5. Dominus, qui cuncta regit,
Dominus, qui mortem fregit,
Dominus, qui caelos tegit,
Dominus hic te elegit.

6. Tecum est pater caelitus,
Tecum est unigenitus,
Tecum est sanctus spiritus,
Tecum Christus humanitus.

7. Benedicta credidisti,
Benedicta concepisti,
Benedicta peperisti,
Benedicta enutristi.

8. Tu angelorum regina,
Tu mortis es medicina,
Tu es rosa sine spina,
Tu nos voca de sentina.

9. In patre tu es filia,
In filio mater pia,
In spiritu es gratia,
In trinitate media.

10. Mulieribus praelata,
Mulieribus lux data,
Mulieribus spes grata,
Mulieribus pax rata.

11. Et quia tu es perfecta
Et Christi virgo electa,
Et es nobis via recta,
Et per te labes abiecta.

12. Benedictus incarnatus,
Benedictus ex te natus,
Benedictus cruci datus,
Benedictus elevatus.

13. Fructus est aeternae vitae,
Fructus ut botrus in vite,
Fructus pro te Sunamite,
Fructus, quo pax est in lite.

14. Ventris, quo pavent Iu-
daei,
Ventris, quo et Pharisaei,
Ventris sacri, virginei,
Ventris, qui est templum Dei.

15. Tui est beatus fructus,
Tui fructus flos eductus,
Tui fructus perdit luctus,
Tui fructus sedat fluctus.

16. Iesus fructus vitae dictus,
Iesus passus et adflictus,
Iesus morti est addictus,
Iesus vivit benedictus.

17. Christus noster est creator,
Christus noster reparator,
Christus noster est salvator,
Christus est remunerator.

18. Amen, ne velis obesse,
Amen, sed velis prodesse,
Amen, et nobis adesse,
Amen, pia virga Iesse.