6. Septem Horulae operum divinorum septemplices.
10. Officium Corporis Christi.
11. Heures du precieux sacrement.
12. Cursus de Misericordia Domini. Ad Matutinum.
14. Horae de Passione Domini. Ad Matutinum.
21. Horae de Passione Domini. Ad Matutinum.
22. Horae de Passione Domini. Ad Matutinum.
23. Horae de Passione Domini. Ad Matutinam.
24. Horae de Passione Domini. Ad Vesperas.
25. Horae de Passione Domini. Ad Matutinum.
26. Horae de Passione Domini. Ad Matutinum.
27. Horae de Passione Domini. Ad Matutinum.
28. Horae de Passione Domini. Ad Matutinum.
29. Horae de Passione Domini. Ad Matutinum.
30. Horae de Passione Domini. Ad Matutinum.
32. Horae de Resurrectione Domini. Ad Vesperas.
33. Horae de Resurrectione Domini.
34. Cursus de sanctis Angelis. Ad Matutinum.
36. Cursus de ss. Angelis. Ad Matut. et Vesp.
38. De Conceptione BMV. Invitatorium.
40. De Conceptione BMV. Ad Matutinum.
48. De Compassione BMV. Ad Matutinum.
50. Horae de gaudiis BMV. Ad Matutinum.
52. Cursus de VII Gaudiis B. M. V.
53. De VII Gaudiis BMV. Ad Matutinum.
56. Horae beatae Mariae V. Ad Matutinum.
57. Ilorae beatae Mariae V. Ad Matutinum.
58. Horae beatae Mariae V. Ad Matutinum.
60. De Omnibus Sanctis. Ad Matutinum.
65. De sancto Francisco. Ad Matutinum.
67. De s. Iohanne Baptista. Ad Matutinum.
68. De s. Iohanne Evangelista. Ad Matutinum.
70. De sancta Katharina. Ad Matutinum.
72. De sancta Katharina. Ad Matutinum.
74. Officium seraphicae s. Magdalenae.
77. De s. Perchtoldo Garstensi.
80. Officium Defunctorum. Ad Matutinum.
1. Heu misera condicio
Carnis humanae vitio
Compressa naturali,
Qui dormis, expergiscere,
Poenarum reminiscere,
Quibus pro te mortali
Salvator sic affligitur,
Dum pro te sponte traditur
Hora matutinali.
2. Quam durum o supplicium,
Mortis quod factor omnium
Expavit traditurus
Ad tempus momentaneum,
Sudorem dum sanguineum
Profudit oblaturus
Pro reis, quo post capitur,
Vinctus ut latro ducitur
Proinde damnaturus.
3. Iesu pie, qui patiens
Adversa tot suscipiens
Venisti nos salvare,
Veni, cor meum visita,
Me somnolentum excita,
Da mihi vigilare
In tuis semper laudibus
Et tuam totis viribus
Me mortem explorare.
Ad Primam.
1. Iam lucis orto sidere,
Quo cuncta, quibus vivere
Concedis, exsultare
Solent, tu solus, Domine
Iesu, pro mundi crimine
Doles, heu, cur et quare?
Iam tibi nunc condoleo,
Qui te dolentem video
Pro me ligatum stare.
2. Gens rea, gens te misera
Voce proclamans aspera
Convulsit et ligavit,
Te reum mortis arguit,
Te vinctum, caesum conspuit,
Te facie velavit,
Te sistens in iudicio
Falsoque testimonio
Pilato praesentavit.
3. Iesu benigne, respice
Me miserum, ne despice
Sic emptum pretiose,
Pro quo volebas respui,
Ligari, caedi, conspui,
Da mihi copiose
Hanc tuam poenam plangere
Sic mane, ne sub vespere
Damuer sic criminose.
A d Tertiam.
1. Cur diem inutiliter,
Cor, transis et inaniter,
Quem nunquam redditurum
Scis, hora cuius tertia
Iesum vides iudicia
Tot mortis subiturum,
Dum turba clamat, insonat
Et Crucifige personat,
Heume, quam verbum durum I
2. Innocens morti traditur
A reis et exuitur
Direque flagellatur,
Contunditur, illuditur,
Purpureis induitur
Spinisque coronatur,
Post sibi crux imponitur
Et sic ad montem ducitur,
Ubi crucifigatur.
3. Iesu, qui tot supplicia
Pro mea fers miseria,
Tu mei miserere,
Et qui pro me te victimas,
Da mihi veras lacrimas,
Ut digne possim fiere
Mala commissa nequiter
Et tuae morti pariter
Ad mortem condolere.
Ad Sextam.
1. O mira Dei bonitas,
O plus miranda caritas,
Crucem pro me subire
Dignatur Dei filius ;
Quid sum, quid sibi melius?
Me salvo quod perire
Vult potius, quam peream,
Felle potatus etiam
Non desinit sitire.
2. Sitivit, non ut biberet,
Sed ut me lucrifaceret,
Se totum hinc impendit,
Ad horam sextam Dominus,
Dum agonizans protinus
Patibulum ascendit
Crucis, perfusus sanguine
Diraeque mortis turbine
Convulsus hinc pependit.
3. O salus indeficiens,
Iesu salutem sitiens
Nostrae salvationis,
Fac O sitire supplicem
Me tuae mortis calicem
Tuaeque passionis,
Da locum paenitentiae,
Cor purae conscientiae
Fletumque compunctionis.
Ad Nonam.
1. O stupor incognitus,
En, patris unigenitus
In cruce victimatur,
Extensa cuius viscera
Sunt et aperta vulnera,
Latusque perforatur,
Sanguis et aqua profluunt
Mundique scelus abluunt,
Quo caelum reseratur.
2. In ligno vita moritur,
Reisque vita redditur,
Dum mortem mors prostravit,
Sol obscuratus latuit,
Terra commota tremuit,
Infernus et expavit,
Ad nonam Dei filius
Inter latrones medius
Dum pendens exspiravit.
3. O Iesu benignissime,
Qui mortis amarissimae
Poenam pro me subisti,
Tu fluxi carnis opera
Mortifices mortifera
Rigans, quo transivisti,
Me tuae mortis poculo,
Qui crucis in patibulo
Latronem suscepisti.
Ad Vesperas.
1. Quas ore laudes offeram,
Quod Dominus ad vesperam,
Dum Pascha manducavit
Dans corpus suum fratribus
Et sanguinem cenantibus
Eisque praemonstravit
Per paschale mysterium
Sacrae mortis martyrium,
Quo sponte declinavit.
2. Iam Iesus a supplicio
Crucis perpesso vario
Morteque consummata
De ligno crucis solvitur,
Cor matris hinc transfigitur,
Dum sic amaritata
Tot nati cernit vulnera,
Transitque cordis viscera
Dolore mens prostrata.
3. Iesu, paterna pietas,
Iam scelerum nimietas
Ad vesperam me duxit,
Ad hac me peste suscita,
Per mortis tuae merita,
Qua mundo lux illuxit,
Me tuae matris precibus
A mortis solve nexibus,
Quam tua mors destruxit.
Ad Completorium.
1. Iam dies, ecce, praeterit
Et horam hora conterit
Neutraque reditura.
Infelix. o sic transeo,
Non est hic firma mansio;
Mens haec et haec praecura
Creator mundi traditur
Ad mortem, qua reducitur
Ad vitam creatura.
2. Ad horam Iesus ultimam
Post patri datam animam
De crueeque solutus
Involvitur in sindone,
Murra simul et aloe
Mixtura praelibutus,
In monumentum ponitur,
Lapisque magnus additur
Ad ostium volutas.
3. lesu, nostra redemptio.
Pro tuae mortis pretio
Me solvas a peccatis,
Me lapsum pie corrige,
Manumque mihi porrige
Tuae benignitatis
Et ad superna dilige.
Me configurans gloriae
Tuae perennitatis.