49. De Compassione BMV.

Ad Matutinum.

1. Dulce Ulium vernale,
O te quantum vae poenale
Circumtexit et aspexit
Tota nocteque correxit,
O et Alpha dum captatur.

Ad Primam.

2. Favi madent fluviales
Vultum velut pluviales
Illa hora, qua Pilato
Natus tibi pro peccato
Adae vinctus praedicatur.

Ad Tertiam.

3. Numquid plangam, Tertiarum
Dum dat hora lacrimarum
Velut montes altos fontes,
Stultitia dum per sontes
Damnat cruci redemptorem.

Ad Sextam.

4. Ensis sexta Simeonis
Scindit vellus Gedeonis,
Tau dum Christus amplexatur,
Ex quo scelus relaxatur
Gulae per triumphatorem.

Ad Nonam.

5. Altus dolor te concingit,
Dumque vitam mors confringit,
Et tu morti adligans
Christi, nobis pro precaris,
Rosa vernans o serena.

Ad Vesperas.

6. Eia, mater, fons amoris,
Te exhausit vis maeroris,
Oculis dum aspexisti
Reelinari corpus Christi,
Virgo virginum amoena.

Ad Completorium.

7. Mordet ensis bipertitus
Mundam cor et tripertitus,
En, hora completorii
Fit cura dum clausorii
Et immensitas dolorum.

Conclusio.

8. Christifera castissima,
Iesu mater carissima,
Te laudo his harmoniis,
En, tu me a daemoniis
Tege clipeo caelorum.

Ad Angelos.
9. Virtutes omnes caelici
Trinarumque angelici
Spiritus sint signiferi
Venturique caeliferi

Pulsis pompis infernorum.

Ad omnes sanctos.
10. Reos salvent clarissime
Alteque ferventissime
Tantorum preces electorum,
Reductorum miserorum
A tortura damnatorum.

Ad omnes animas.

11. Dulciter, omnes animae,
In ignis ut examine
Dum bravium ceperitis
In bonoque fueritis,

Tunc nostri recordamini,
Et tunc nobis rependatis
Sinum, ad quem festinatis,
Christicolarurm precibus
Aptamus qui, ut faecibus

Mitius eruamini.