60. De Omnibus Sanctis.
Ad Matutinum.

1. Cives supernae curiae,
Amicti stolis gloriae,
Ab intra pleni lumine,
Ab extra pulchritudine,

2. Quam mentis in excessibus
Fruimini caelestibus,
Tenentes sceptra regia,
Securi nunc de gloria!

3. Certamus hic in pelago
Huius saecli luctifluo,
Ad portum nos reducite
Pacis aeternae patriae.

4. Ut vivi fontis gratiae
Inebriemur flumine
Et laudes permagnificas
Reddamus Deo debitas.

Ad Laudes.

1. O sponsa celeberrima,
Maria divinissima,
Verbigena dignissima
Et virginum tenerrima,

2. Maiestatis sceptrigera,
Caeli et terrae domina,
Te laudet vox prophetica
Et mansio ierarchiea.

3. Nunc, o puella florida,
Tua assint praesidia
Et mortis in articulo
Nos recommenda filio,

4. Ut sua nos ex gratia,
Quae est perpessus vulnera,
Coniungat in caelestibus
Regni polorum civibus.

Ad Primam.

1. Beata plebs angelica,
O phalanx liliatica,
Viventis Dei numina
Et gratiosa lumina,

2. Quam mira claritudine
Et statu innocentiae
Praelati estis caeteris
Post virginem in aetheris!

3. En, nos hostili acie
Vallati sumus undique,
Sed vos regales satrapae
Assistite iuvamine.

4. Arcete et disperdite.
Compellite recedere,
Ut mereamur gloriam
Nancisci post victoriam.

Ad Tertiam.

1. O viri apostolici,
Perfecti et catholici,
In fide illustrissimi
Et signis potentissimi,

2. O clari cancellarii
Simulque secretarii,
In regis aula principes
Et saecli iusti iudices.

3. Rogate nobis veniam
Et septiformem gratiam,
Per vias rectas ducite
Ad statum innocentiae.

4. Praesta, beata trinitas,
Essentialis unitas,
Et finem bonum consequi
Et tuis donis perfrui.

Ad Sextam.

1. O martyres sanctissimi,
Virtute invictissimi,
Amore ferventissimi,
Triumpho praeclarissimi.

2. Vos angelis spectabilcs,
Toti mundo mirabiles,
Ecclesiae proficui
Per luminare fidei.

3. En, sumus hic expositi
Periclis mille saeculi,
Sed vestrum est impendere
Munimen omni tempore,

4. Ne carnis, mundi, daemonis
Consentiamus vitiis,
Sed in amoris vinculo
Adhaereamus Domino.

Ad Nonam.

1, Regale sacerdotium,
Boni pastores ovium,
O praesules mitissimi
Doctores et egregii,

2. Ac vos sacrati monachi
Et confessores ceteri,
Virtutum exemplaria
Et mundi luminaria,

3. Pulsamus vos gemitibus
Et preces nostras fundimus,
Auferte cuncta schismata
Et haeresum velamina,

4. Ut vinea ecclesiae

Virescat pulchro germine,
Per quod creator omnium
Laudetur in perpetuum.

Ad Vesperas.

1. Omnes prudentes virgines
Atque sollerter vigiles,
O principissae caelicae,
Redimitae mirifice,

2. Gemmae micantes undique,
Coronae regis insitae,
Coruscae pulchritudine,
Praecelsae sanctitudine,

3. O rutilantes rosulae
Et Engadinae vineae,
Per florum vos spiramina
Sanate cordis intima,

4. Ut expiatis vitiis
Insertisque virtutibus
Una vobiscum Dominum
Laudemus in perpetuum.

Ad Completorium.

1. Sol, luna atque sidera,
Mundus, tellus et maria,
Quaeque creata omnia,
Deum laudant per saecula.

2. Qui sanctos de miseria
Transvexit ad aetherea,
Seipsum dans in praemiun
Et dulce refrigerium.

3. Per hos sit quies temporum,
Pacis redundet commodum,
Tollantur cuncta noxia,
Succedant vitae gaudia.

4. Deo, qui unus numine,
Et regnat trinas nomine,
Sit summa reverentia,
Laus, honor, excellentia.

AdminBookmark