64. De sancto Francisco.

Ad Matutinum.

1. O Francisce, contemplator
Iesu Christi, adamator

Crucis multiformiter,
Tu vidisti arma lucis,
Audivisti more ducis

Vocem deiformiter:
Tua erunt et tuorum,
Qui hic gerunt vitiorum

Bella rectiformiter;
Pater, armis his me signa,
Ut signatus mente digna

Vivam caeliformiter.

Ad Primam.

2. O Francisce, crucifixus
Tuo cordi sic infixus

Erat devotissime,
Sic quod mundum non curasti,
Temet ipsum abnegasti

Sequens hunc citissime,
Memor verbi, quod flevisti,
Quod de cruce recepisti

Oransque saepissime;
Pater, fletu mentem riga
Sicque tecum Christo liga,

Sequar hunc verissime.

Ad Tertiam.

8. O Francisce, stans in cruce
Te vocavit sua luce

Dilecti cum oraculo:
Vade, homo, et labora
In hac domo sine mora,

Meo habitaculo,
Ne ex toto destruatur,
En, ruinam hic minatur

Carens sustentaculo;
Pater, praesta hic [fervorem],
Ne privatus per torporem

Dei sim cenaculo.

Ad Sextam.

4. O Francisce, crux de ore
Tuo fulsit cum splendore

Mundo salutifera,
Quae protensa est in latum,
Quae et solvit mundi statum

Noxa a mortifera;
Crux draconem effugabat,
Ut Silvestri reserabat

Voce sub vocifera;
Pater, a me malum pelle,
In me promptum apta velle

Bona ad fructifera.

Ad Nonam.
5. O Francisce, crucis forma
Te signavit mira norma,

Frater ut pacificus
Videt enses per transversum,
Ob quod eius cor est versum,

Factusque deificus
Facta mala mox elidit,
Fronte suo Tati vidit
Totus vir mirificus ;
Pater, signa Tati frontem,
Ut ad Iesum, verum, fontem,
Curram sic magnificas.

Ad Vesperas.

6. O Francisce, crucem cerne,
Quae in monte te Alvernae

Signavit stigmatibus,
Christus signa haec, concessit,
Seraph quinque sed impressit
Absque sophismatibus,

Manu, pede fers vexillum,
Latus tuum est sigillum
Regis cum ornatibus ;
Pater, Seraph in cor meum
Mitte, ut sic amem Deum
Totis cum conatibus.

Ad Completorium.

7. O Francisce, crucem Christi
Moriturus dilexisti

Summa pro victoria,
Palmis tuis cancellatis
Vale dare caritatis

Natis pro memoria
Voluisti, Iacob more
Benedicens manu, ore

Voce sub notoria ;
Pater, fove me Minorem,
Ut per cruc[is] hic amorem

Habeam in gloria.