13. De Passione Domini.

A d Matutinum,

1. Patris sapientia,

veritas divina,
Deus homo captus est

hora matutina,
A notis, discipulis

cito derelictus
Iudaeis est venditus,

traditus, afflictus.

Ad Primam.

2. Hora prima ductus est

Iesus ad Pilatum,
Falsis testimoniis

multum accusatum
In collo percutiunt,

manibus ligatum,
Vultum Dei conspuunt,

lumen caeli gratum.

Ad Tertiam.

3. Crucifige clamitant

hora tertiarum,
Illusus induitur

veste purpurarum,
Caput eius pungitur

corona spinarum,
Crucem portat umeris

ad locum poenarum.

Ad Sextam.

4. Hora sexta Iesus est

cruci conclavatus
Et est cum latronibus

pendens deputatas,
Prae tormentis sitiens

felle saturatus,
Agnus crimen diluit

sic ludificatus.

Ad Nonam.

5. Hora nona Dominus

Iesus exspiravit,
Heli clamans animam

patri commendavit,
Latus eius lancea

miles perforavit,
Terra tunc contremuit,

et sol obscuravit.

Ad Vesperas.

6. De cruce deponitur

hora vespertina,
Fortitudo latuit

in mente divina,
Talem mortem subiit

vitae medicina,
Heu, corona gloriae,

iacuit supina.

Ad Completorium.

7. Hora completorii

datur sepulturae
Corpus Christi nobile,

spes vitae futurae,
Conditur aromate,

complentur scripturae,
Iugis sit memoriae

mors haec mihi curae.

Conclusio.

8. Has horas canonicas

cum devotione
Tibi, Christe, recolo

pia ratione,
Ut, qui pro me passus es

amoris ardore,
Sis mihi solacium

mortis in agone.

AdminBookmark