18. Horae de Passione Domini.

Ad Matutinum.

1. Flectit genu, contristatur,
Orat, suos consolatur,
Pallet, sanguine rigatur,
Patris subest placito;
Iudas praeit, osculatur,
Turba ruit, Iesus fatur,
Malchum sanat, captivatur
Solus sine socio.

Ad Primam.

2. Vinclis ligant, trahunt, trudunt,
Supra dorsum pugnis cudunt,
Lutum iactant et illudunt

Nec sic parcunt verbere)
Stat innocens, praesentatur,
Praesul quaerit, accusatur,
Tacet, gena verberatur,
Reum clamant funere.

Ad Tertiam.

3. Ab Herode ad Pilatum
Fessum, spretum, adligatum
Flagris caedunt, vulneratum
Verberum frequentia;

Flectunt genu coronato,
Spuunt, ludunt sceptro dato,
Colaphizant praesentato,
Nulla datur venia.

Ad Sextam.

4. Reum clamant, latro detur,
Rex non est hic, crucietur,
Crucem portat et defletur

Fessus in intinere;
Crucem parant, denudatum
Sternunt,tendunt, conclavatum,
Ab amicis separatum,

Flagitantem misere.

Ad Nonam.

5. Crucem levant blasphemantes,
Clamant vaeh improperantes,
Felle potant observantes,

Sors datur pro vestibus ;
Pendens orat, consolatur,
Clamans obit, lanceatur,
Miles videt et miratur
Creaturis testibus.

Ad Vesperas.

6. Stant amici deplorantes,
Tangunt corpus declavantes,
Deferunt id contemplantes
Rigidum cum sanguine ;
Quando matri corpus datur,
Pallet, gemit, osculatur,
Lacrimando syncopatur,
Condolent tunc feminae.

Ad Completorium.

7. Viri corpus contrectantes
Linunt, ungunt balsamantes,
Volvunt sindone parantes

Et dolentes aspere 5
Dum sepulcro corpus condunt,
Dolent, gemunt, pectus tundunt,
Suspirant et fletus fundunt

Claudentes sub lapide.