113. Super Ave Maria.

1. Ave, mundi imperatrix
Atque caelorum regina,
Peccatorum mediatrix
Et culparum medicina.

2. Maria, o virgo parens,
Electa prae ceteris,
Mater Dei labe carens
Miserere nunc miseris.

3. Gratia tu paracliti
Fuisti fecundata,
Dum Gabrielis incliti
Suscepisti affata.

4. Plena Deo, stella maris
Rutilans virtutibus,
Flore stante fructum paris
Ceteris imparibus.

5. Dominus te sublimavit
Super omnes in aethera,
In gloria coronavit
Secum super sidera.

6. Tecum Christum venerantes
Corde, voce laetitiae
Pertrahas nos iubilantes
Cum sonitu melodiae.

7. Benedicta virginitas
Integra, carens macula,
In qua regnat humilitas
Vernans ut rosa primula.

8. Tu es regina virginum,
Mater alma redemptoris,
Transcendens culmen ordinum,
Quid ultra dicam dulcoris?

9. In mulieribus pia,
Genetrix ineffabilis,
Cum honore in gloria
Datur incomparabilis.

10. Et benedictus uterus
Dia repletus gratia,
Quem elegit Deus verus
Pro nostrae salutis via.

11. Fructus, es te qui processit
Tamquam sponsus de tha-
lamo,
Vitam pacem mundo gessit
Redimens ab hostis hamo.

12. Ventris tui pretiosi

Psallentes nunc praeconia
Regno nati gloriosi
Fac frui cum laetitia.