100. Super Ave Maria.

1. Ave, Maria nobilis,
Dum verbum verbo concipis,
Iam habes patrem et filium,
Hunc fac nobis propitium.

2. Gratia plena generas,
Quem tu, virgo, conceperas,
Quem Iactasti sacro ubere,
Huius nos redde gratiae.

3. Dominus tecum exstitit,
Qui morte vitam contulit,
Quos surgens fecit liberos,
Ad te perduc, ad superos.

4. Benedicta tu in mulieri-
bus,
Cuius dulcis filius
Ascendit super sidera,
Huic nos reconcilia.

5. Et benedictus fructus ventris tui,
Qui suo te conspectui
Dignam fecit sublimiter,
Hunc nobis placa iugiter.