125. Super Ave Maria.

1. Ave, rosa sine spinis,
Quae ab omnibus ruinis

Pura et liberrima,
Maria, tu stella maris,
Excellenter illustraris,

Summae luci proxima.
2. Gratia superabundans
In nos fluens et redundans

Rivis sis assiduis,
Plena spiritus dulcore,
In nos stilla caeli rore

Ex venis niellifluis.

3. Dominus et auctor rerum
Statuit te specierum

Cellam pigmentariam,
Tecum Deus, vis virtutis,
Versans fecit te salutis
Largam thesaurariam.

4. Benedicta, per quam redit
Vitae salus et accedit
Evae culpis perdita,
Tu, quae sola meruisti
Mater esse Iesu Christi,
Virgo parens inclita.

5. In te fulgor meritorum
Lucet et honestas morum,

Omnis decor gratiae,
Mulieribus ablata
Mors per te sit et collata

Magna spes laetitiae.
6. Et, o lampas salutaris,
Procellosi lumen maris

Felix ac christifera,
Benedictus, qui creavit
Teque mire praeomavit

Intrans tua viscera.
7. Fructus tuus angelorum
Cibus est et beatorum,

Quo fruuntur caelici,
Ventris tui dulci fructu
Gaudent ac felici gustu

Spiritus angelici.
8. Tui fructus in sapore
Nos crescamus in amore

Iesu ferventissime.
Iesus, salus animarum
Suae matri devotarum,

Sanet has largissime.

9. Christus, forma speciosus,
Mortis victor gloriosus,

Ducat nos ad aetbera;
Amen dicant hic salvati
Tibi, Iesu qui sunt grati,

Virgo salutifera.