23. Horae de Passione Domini.
Ad Matutinam.

1. Iesu bone, fili Dei,
Rogo te, memento mei

In hoc pravo saeculo,
Propter tuum dulce nomen
Et per sanctam passionem

Miserere misero.
2. Tu passurus vigilasti,
Orans patrem tu sudasti

Sudorem sanguineum,
Currunt turbae cum fragore
Et cum Iuda traditore,

Cui praebes osculum.
3. Ab his tandem captivans,
Velut latro colligaris

Et ad Annam duceris,
Caiphae tunc praesentaris,
Coram quo colaphizaris

Et misere conspueris.

4. Exclamantes falsi testes,
Pontifex discindit vestes

Dans mortis sententiam,
Obvelantes te illudunt,
Pugnis caedunt atque trudunt,

Servas patientiam.

5. Haec es passus, Iesu bone,
Bonitate tua prone

Toto noctis tempore;
Te adoro cum tremore,
Quia dignus es amore
Ac paternae gloriae.
6. Pro quo tibi salvatori,
Simul tuo genitori

Et sancto spiritui
Promo carmen toto corde,
Ut purgatum me a sorde
Des te vita perfrui.

Ad Laudes.

1. Iesu bone, facto mane
Iudaeorum turbae vanae

Te praesentant praesidi
Et accusant mentientes,
Regem dicunt, nescientes,

Quia rex es saeculi.

2. Te appellant deceptorem,
Veritatis quem doctorem

Audire refugiunt,
Et signorum patratorem,
Mortuorum reductorem

Videre fastidiunt.

3. Vitam veram Saducaeos,
Pietatem Pharisaeos

Tu, Iesu, docueras,
Templum Dei revereri,
Peccatorum misereri,
Nullique nocueras.
4. Te perducunt ad Herodem
Alba veste, ab eodem
Pilato restituunt,

Tunc Pilatus te excusat,
Plebs perversa hoc recusat,
Et latronem expetunt.

5. Unde tibi, fili Dei,

Laudes, o redemptor rei,

Cano corde humili,
Gloria sit patri Deo
Atque redemptori meo
Et sancto spiritui.

Ad Primam.

1. Iesu bone, Dei nate,
Vestimenta tollunt a te,

Nudum corpus cae ditur,
Caput tuum coronatur
Spinis atque perforatur,
Cruore perfunditur.

2. Purpura te circumdantes,
Flexo genu adorantes

Salutant risorie,
Caput sacrum cruentatum
Et spinis dilaceratum

Adfligunt arundine.

3. Foras ducit te Pilatus,
A Iudaeis inclamatus
Crucifigi quaereris,

Sanguis tuus super illos,
Tam maiores quam pusillos

Sumitur a miseris.

4. Tunc Pilatus lavit manus

Et te tradit ut vesanus

Genti crudelissimae ;
Hora prima terminata
Facie tua velata

Trahunt immanissime.
5. Hora prima sic finita
Morti daris, qui es vita

Vere decedentium ;
Inde tibi salvatori
Sit laus, simul genitori

Et flamini in saeculum.

Ad Tertiam.

1. Iesu bone, foras urbe
Trahunt te crudeles turbae,

Mole crucis onerant,
Gemitus sed mulierum
Et matris tuae sincerum

Cor tuum plus aggravant.

2. Te deducunt pleni dolis
Tunc ad locum passionis

Hora diei tertia,
Vestes tuas auferentes,
Super has sortem mittentes
Non discissa tunica.

3. Sicque cruci te appendunt,
Membra trahunt et distendunt

Clavis ad foramina,
Inde aceto murrato
Felle potant vitiato,

Erigunt in aera.

4. Iesu, qui es sic adflictus
Sceleratisque addictus,
Te supplex glorifico,
Laudo patrem, qui te misit,
Culpam nostram sic dimisit,
Cum spiritu paraclito.

Ad Sextam.

1. Iesu bone, hora sexta
Virtus tua manifesta
Fit, et fiunt tenebrae,

Sol et dies obscuratur,
Velum templi laceratur,
Das terram contremere.

2. Petrae durae disscinduntur
Monumentaque panduntur,

Corda pavent omnium,
Sed Iudaei obdurescunt,
Blasphemantes insolescunt

Contra te mitissimum.
3. Iuxta crucem tunc Maria
Cum Iohanne mente pia

Stabat tecum unico,
Quos ut vidisti turbatos,
Gementes ac desolatos,

Commendasti mutuo.

4. Bone, Iesu, consolator,
Tuorum fidus amator

Sis mihi propitius
Deus pater, generator,
Spiritusque consolator

Me soletur citius.
5. Te Deum miseratorem
Collaudamus et honorem

Tibi damus inclito,
Simul tuum genitorem
Et spiritum consolatorem

Honoramus sedulo.

Ad Nonam.

1. Iesu bone, horae nonae
Vocans patrem in agone
Formam nobis tribuis,
Ut in Deo spem ponamus,
Preces illi profundamas
Stantes in periculis.

2. Post haec oras pro Iudaeis,
Tua passione reis,
Et crucifixoribus
Hoc exemplo nobis dicis,
Ut parcamus inimicis
Et malefactoribus.
3. Hinc latroni confitenti,
Tuam gratiam petenti
Paradisum aperis,

Ostendis, quod quamvis sero
Paenitentem corde mero

Tu clementer accipis.
4. Tuum sic, fons pietatis,
Spiritum in manus patris

Commendasti, Domine,
Voce magna exclamasti,
Animam dum exhalasti

Inclinato capite.
5. Laus sit tibi, fili Dei,
Qui hanc mortem causa mei

Sufferre volueras,
Qui in una deitate
Cum spiritu atque patre

Semper vivens imperas.

Ad Vesperas.

1. Iesu bone, qui attente

Passionem tuam mente

Recolens compatitur,

Non post vulnerum laborem

Vitaeque positionem

Poena superadditur.

2. Latus rigens perforatur,
Et cor mite vulneratur
Ferro dirae lanceae,
Ut ait scriptura sacra,
Sanguis profluxit et aqua
Vespertino tempore.
3. Caecus his illuminatur,
Et cor eius illustratur
Virtute miraculi,

Sed Iudaei excaecantur
Hisque visis indurantur
A gratia vacui.

4. Corpus hi de cruce tollunt,
Munda sindone involvunt

Nicodemus, Ioseph mere
Ac ponunt in monumentum,
Quod in horto est inventum,

Aromatum pondere.

5. Mulieres insistentes
Sepulturae valde flentes

Compellente vespera
Matrem tuam conducentes
Hospitio et ementes

Pararunt aromata.

6. Bone Iesu, qui sic mori
Dignatus es, genitori
Taliter oboediens,

Cum quo manes Deus unus,
Esto mihi iudex pius
In futuro rediens.

Ad Completorium

1. Iesu bone, formidantes
Te Iudaei observantes

Signaverunt tumulum
Et custodes adaptantes,
In hoc suae demonstrantes

Malitiaeque cumulum.
2. Sed quanto plus hoc fecerant,
Tanto magis ostenderunt

Resurgentis gloriam,
Et suam sic perdiderunt,
Quam decepti speraverunt,

De Iesu victoriam.

3. Dum iaceret sic in tumba
Corpus tuum, ad profunda

Limbi transit anima,
Et quae daemon. captivavit,
Sua luce perlustravit
Patrum tollens agmina.

4. Et duxit in paradisum,
Ubi cum latrone risum

Habent et solacium ;
Ad quos ipse nos perducat,
Qui promissa nunquam mutat,

Post hoc vitae spatium.