▾
AnHym Author, Analecta Hymnica – XXX. Pia Dictamina
⎗←→⎘
▾
6. Septem Horulae operum divinorum septemplices.
10. Officium Corporis Christi.
11. Heures du precieux sacrement.
12. Cursus de Misericordia Domini. Ad Matutinum.
14. Horae de Passione Domini. Ad Matutinum.
21. Horae de Passione Domini. Ad Matutinum.
22. Horae de Passione Domini. Ad Matutinum.
23. Horae de Passione Domini. Ad Matutinam.
24. Horae de Passione Domini. Ad Vesperas.
25. Horae de Passione Domini. Ad Matutinum.
26. Horae de Passione Domini. Ad Matutinum.
27. Horae de Passione Domini. Ad Matutinum.
28. Horae de Passione Domini. Ad Matutinum.
29. Horae de Passione Domini. Ad Matutinum.
30. Horae de Passione Domini. Ad Matutinum.
32. Horae de Resurrectione Domini. Ad Vesperas.
33. Horae de Resurrectione Domini.
34. Cursus de sanctis Angelis. Ad Matutinum.
36. Cursus de ss. Angelis. Ad Matut. et Vesp.
38. De Conceptione BMV. Invitatorium.
40. De Conceptione BMV. Ad Matutinum.
48. De Compassione BMV. Ad Matutinum.
50. Horae de gaudiis BMV. Ad Matutinum.
52. Cursus de VII Gaudiis B. M. V.
53. De VII Gaudiis BMV. Ad Matutinum.
56. Horae beatae Mariae V. Ad Matutinum.
57. Ilorae beatae Mariae V. Ad Matutinum.
58. Horae beatae Mariae V. Ad Matutinum.
60. De Omnibus Sanctis. Ad Matutinum.
65. De sancto Francisco. Ad Matutinum.
67. De s. Iohanne Baptista. Ad Matutinum.
68. De s. Iohanne Evangelista. Ad Matutinum.
70. De sancta Katharina. Ad Matutinum.
72. De sancta Katharina. Ad Matutinum.
74. Officium seraphicae s. Magdalenae.
77. De s. Perchtoldo Garstensi.
80. Officium Defunctorum. Ad Matutinum.
1. Ave, pudoris lilium,
Candor virginitatis,
Ave, salus humilium,
Lux lucens claritatis,
Ave, tibi vox filium
Univit deitatis,
Ave, et auxilium
Fers lapsis in peccatis.
2. Maria, tu es medium
Nostrae redemptionis,
Maria, per te taedium
Datur peccandi bonis,
Maria, tu remedium
Es damnationis,
Maria nos ad praedium
Duc veri Salomonis.
3. Gratia profundius
Te, virgo, pertransivit,
Gratia abundius
Te totam amicivit,
Gratia iucundius
Te consentire scivit,
Gratia fecundius
Tibi Deum univit.
4. Plena Dei divitiis
Es rivus gaudiorum,
Plena sacris deliciis,
Nam binus fons hortorum,
Plenaque pudicitiis
In claritate morum,
Plena lux amicitiis,
Nos duc ad caeli chorum.
5 Dominus condoluit,
Plasma suum damnari,
Dominusque sed noluit
Plus ira dominari,
Dominus sed voluit
In te humanari,
Dominus recoluit
Sic hominem beari.
6. Tecum manendo Dominus
Semper delectabatur,
Tecum delectando minus
A te separabatur,
Tecum est vere comminus,
Qui ex te incarnatur,
Tecum nihilominus
Corregnans gloriatur.
7. Benedicta prae ceteris
Te virginem commendo,
Benedicta es veteris
Legis vera docendo,
Benedicta lux aetheris
Et sidus relucendo,
Benedicta, dum peteris,
Ades exaudiendo.
8. Tu in mulieribus
Es virgo singularis,
Tu in mulieribus
Innupta fecundans,
Tu in mulieribus
Sola virgo praegnaris,
Tu in mulieribus
Virgo Deum paris.
9. Et benedictus caruit
Ovicula centena,
Et benedictus paruit
Ex te nascens, serena,
Et benedictus aruit
In cruce mortis poena,
Et benedictus claruit
Hanc ducens ad amoena.
10. Fructus prodit laudabilis
Ex te venusto flore,
Fructus quidem mirabilis
Absque naturae more,
Fructus hic delectabilis,
Mellifluus dulcore,
Fructus inaestimabilis,
Omni plenus sapore.
11. Ventris claustra subtilia
Replentur deitate,
Ventris cum cubilia
Tument intemeratae,
Ventris hic tumor, filia,
Fit sine gravitate,
Ventrisque domicilia
Manent virginitate.
12. Tui sinus sacrarium
Sacratum est per flamen,
Tui cordis aerarium
Petenti dat solamen,
Tui nos hic per varium
Defendimur levamen,
Tui nati denarium
Diurnum confer. Amen.