83. Super Veni Creator.

1. Veni creator spiritus,
Et in me robur insere,

Robur, quo possim penitus
Mala, quae gessi, luere
Et amodo sic vivere

Ne sim peccato perditus,

Peccavi quasi licitus
Et diu vixi temere,
Me servum tuum visere,

Veni, creator spiritus.

2. Qui paraclitus diceris,
Qui pietate solita

Confers salutem miseris
Et iustis reddis merita
Fac de me sibi placita,

Pereo, ni subveneris,

Me perdit luxus Veneris
Et cogit ad illicita,
Me protege, me visita,

Qui paraclitus diceris.

3. Tu septiformis munere,
Dextrae Dei tu digitus,

Tu, qui nunquam deserere
Servos tuos es solitus,

Intende mihi prospere,

Noli me derelinquere,
Sed refove me caelitus,
Dextrae Dei tu digitus,

Tu septiformis munere.

4. Accende lumen sensibus
Meis micericorditer,
A peccatorum sordibus
Immundum munda taliter,
Ut anima perrenniter

Servetur a nocentibus,
A malis imminentibus,
A morte specialiter,
Sic, ut vivam feliciter,
Accende lumen sensibus.

5. Hostem repellas longius,
Propagatorem sceleris,

Hostem, qui piis impius
Torquebit, quem tu deseris,
Hostem humani generis,

Quem stravit Dei filius,

Hostem, qui semper noxius,
Hostem, qui plus prae ceteris
Solet nocere miseris,

Hostem repellas longius.
6. Da gaudiorum praemia,
Merendo mi succurrere,

Ut post vivam in patria,
Haecpossim comprehen dere,
Da mihi culpas plangere,

Ut gaudeam in gloria

Apparens in iustitia

Fac nostrae matris liberae
Civem me tuo munere,

Da gaudiorum praemia.

7. Per te sciam ingenitum
Patrem cum nato colere,

Te utriusque spiritum,
Per te possim diligere,
Per te possim acquirere

Caelestis regni aditum,

Te spiritum paraclitum
Et natum volo colere,
Esse simul et vivere,

Per te sciam ingenitum.

8. Sit laus patri cum filio,
Sit honor sancto flamini,
Trinitatis confessio

Firmam spem firmet homini,
Uni trinoque nomini

Semper sit dominatio,

Salus et benedictio
Perenni datur agmini,
Sit honor sancto flamini

Sit laus patri cum filio.