230. Hymnus confundens Gregorium, alias Errorium, olim papam.

1. Alte cantando porrige nunc aures,
Fallax Errori, traditor tu noster,
Calles in omnes fama pro nunc fundit
Se tua turpis.

2. Qui temptas aedem pulsibus, quam Petrus
Doctus et Paulus manibus firmarunt,
Ruat ut cinis alma Dei fides,
Astu laborans.

3. Octies decem annis obumbratus,
Angelus lucis creditus per orbem,
Pestifer daemon esse qui probaris
Noctis opacae.

4. Usu maligno teneris ab annis
Sectas sinistro ordine captasti,
Quarum nunc semen senio digestum
Pro fide spargis.

5. Hinc fraticellos, comites errorum,
Varie comis roseis galeris,
Eis nocendi maribus et terrae
Posse donando.

6. Clare dum produnt, quale tuum genus,
Corii labor, artis banausiae,
Ausus es sanctum mango pbaleratus
Sumere nomen.

7. Claves, quas gestas, aetberis ad portas
Credis deceptus apte pertinere,
Mulciber Aetnae, faber infernorum,
Has tibi dedit.

8. Christum quae credit, natio fidelis
Omnis gaudebat vota tua videns,
Odio dignus Graeco et Latino
Cuncta fraudasti.

9. Voce promissa unica dum possis
Haec stipulata solvere cedendo,
Ortus tu foves simul et occasus
Schismata duo.

10. Si simplex aetas senii tam grandis
Infantum canat Actionum dolos
Eaque mundum visere non putas,
Pueri cernant.

11. Omine malo novimus quam tristis
Genitus orbi nuntius fuisti,
Nam Antichristum signas adfuturum,
Cui praecurris.

12. Non reus usquam legitur fuisse,

Quem sic damnandum clamitarent una
Caupo et cerdo, virgines et nuptae
Clerus et omnis.

13. O nimis miser, quamvis adhuc vivus
Jam destinatus mortibus gehennae,
Fractor votorum, perfidiae pater,
Pseudopropheta.

14. Nunc te magistro nemo coelos rapit,
Iter sed sursum undique rarescit,
Augent pressuras, nomine qui tuo
Tartara petunt.

15. Si vota ponis, languida non sanant,
Sed sonant Christo sibila Medeae,
Necis aut vitae nullae tibi partes,
O bone praesul.

16. Ne vita functos suscitare velis,
Pacto naturam bene securasti,
Tutus est Orcus, ne prece Trajanum
Addes electis.

17. A nobis procul sint tua nociva

Linguae, dum orat, murmura mendacis
Et quae donantur periturae cruces
Dextra perosa.

18. In celsa sede nullus honor patri,
Nec Gabrieli, primae geniturae,
Sed Ragusino spiritui sancto
Poena perennis.