2. De divinis Nominibus. (Margarita Exorcistarum.)
4. Oratio de Incarnatione Christi.
6. In laudem Dominicae nativitatis.
13. Oratio devota et compunctiva.
14. De Nativitate et Morte DN.
18. De passione Domini Oratio.
40. Oratio sub Elevatione dicenda.
42. In Elevatione Corporis Christi.
43. Ad Elevationem Corporis Christi.
46. Ad Elevationem Sanguinis. I.
47. In Elevatione s. Sanguinis.
49. De Nominibus et Titulis BMV.
74. De Gaudiis BMV In Nativitate BMV.
86. Missa Sanctae Mariae Virginis.
87. Alphabetum archangelicum in laudem BMV.
90. Jubilus de singulis membris BMV.
94. Acrostichon super Ave Maria.
104. Oratio de V. M. matre Jesu.
129. Litania Omnium Sanctorum.
130. Litania Omnium Sanctorum.
132. Litania Omnium Sanctorum.
133. Litania Omnium Sanctorum.
139. Oratio ad omnes Apostolos.
151. Ad Angelum Custodem oratiuncula.
188. De ss. Johanne Baptista et Johanne Evangelista.
189. De s. Johanne Evangelista.
205. De ss. Martino et Brictio.
209. Item alia oratio ad eundem martyrem sine nomine vel ad s. Victorem.
220. Visio sancti Morandi Allatis.
223. De Praelatis et Subditis.
228. De Conductu in itinere Hierosolymitano.
230. Hymnus confundens Gregorium, alias Errorium, olim papam.
1. Gaude, virgo mater Christi,
Quae de sancto concepisti
Spiritu mirifice,
Gabrieli credidisti,
Praemunita quae fuisti
Caritatis indice.
Verbo sancto mox repleta
Spe conceptus eras laeta,
Propter hanc laetitiam,
Virgo pia, sic impleta,
Veniente vitae meta
Me ducas ad gloriam.
2. Gaude, quia salvatorem
Naturalem contra morem
Peperisti, domina;
Tuae laudis ad honorem
Me praesenta peccatorem
Tua cum familia.
Tu de partu laeta tali
Mihi luce sis finali
Salus et solatium,
Ne sim flammae gehennali
Pro reatu criminali
Datus ad supplicium.
3. Gaude, postquam te turbavit
Et dolorem provocavit
Sequens nati passio,
Te laetam post restauravit,
Laetiorem reformavit
Christi resurrectio.
Virgo plena pietate,
Refulgentis novitate
Laeta me laetifica,
Nec oppressum gravitate
Ne repelli sinas a te
Loca ad lucifera.
4. Gaude, virgo, dum scandebat,
Quem scandentem subvehebat
Nubes super sidera,
Astra tenens eligebat
Sedem dignam, qua sedebat
Dei patris dextera.
Propter ejus elevamen
Atque tuum consolamen
Tua post gravamina
In extremis adjuvamen
Et ruinae relevamen
Confer mihi, domina.
5. Gaude, quae tunc laetabavis,
Dum in coelum levabaris,
Spes salutis hominum,
Quorum noxam recordaris
Et pro quibus deprecaris
Incessanter Dominum.
Tu medela noxae dirae,
Mihi velis subvenire
Mortis in itinere
Et cum dies erit irae,
Quam quis nequit praeterire,
Noli me relinquere.