2. De divinis Nominibus. (Margarita Exorcistarum.)
4. Oratio de Incarnatione Christi.
6. In laudem Dominicae nativitatis.
13. Oratio devota et compunctiva.
14. De Nativitate et Morte DN.
18. De passione Domini Oratio.
40. Oratio sub Elevatione dicenda.
42. In Elevatione Corporis Christi.
43. Ad Elevationem Corporis Christi.
46. Ad Elevationem Sanguinis. I.
47. In Elevatione s. Sanguinis.
49. De Nominibus et Titulis BMV.
74. De Gaudiis BMV In Nativitate BMV.
86. Missa Sanctae Mariae Virginis.
87. Alphabetum archangelicum in laudem BMV.
90. Jubilus de singulis membris BMV.
94. Acrostichon super Ave Maria.
104. Oratio de V. M. matre Jesu.
129. Litania Omnium Sanctorum.
130. Litania Omnium Sanctorum.
132. Litania Omnium Sanctorum.
133. Litania Omnium Sanctorum.
139. Oratio ad omnes Apostolos.
151. Ad Angelum Custodem oratiuncula.
188. De ss. Johanne Baptista et Johanne Evangelista.
189. De s. Johanne Evangelista.
205. De ss. Martino et Brictio.
209. Item alia oratio ad eundem martyrem sine nomine vel ad s. Victorem.
220. Visio sancti Morandi Allatis.
223. De Praelatis et Subditis.
228. De Conductu in itinere Hierosolymitano.
230. Hymnus confundens Gregorium, alias Errorium, olim papam.
1. Ave, coeleste Ulium,
Ave, rosa speciosa,
Ave, mundi praesidium,
Ave, mater gloriosa,
Superis imperiosa,
Trinitatis triclinium,
Hac in valle lacrimosa
Da robur, fer auxilium.
2. Virgo pia sine pare,
Gabriele nuntiante
Quae meruisti portare
Jesum, sacro flatu flante,
Virgo partu, post et ante,
Refugium singulare,
Hac in valle vacillante
Tuos servos consolare.
3. Ecce, stupet humanitas,
Quod sis virgo puerpera,
Scire nequit fragilitas
Tantae virtutis opera,
Fides transcendens opera
Confitetur et veritas,
Ex te, mater Christifera,
Carnem sumpsit divinitas,
4. Mater natum, patrem nata,
Stella solem genuisti,
Creatorem res creata,
Fontem rivus emisisti.
Vas figulum peperisti,
Virgo manens illibata,
Per te nobis, mater Christi,
Est perdita vita data.
5. Almissima sunt viscera,
Quae Domini sunt conclave.
Sanctissima sunt ubera,
Quae suxit, et lac suave,
Quo lactatur ;
mater, ave,
Quae regnas super sidera,
Perpetuas mortis a vae
Nos et a morte libera.
G. Rosa decens, rosa munda,
Rosa recens sine spina,
Rosa florens et fecunda,
Rosa, gratia divina
Facta coelorum regina,
Non est nec erit secunda
Tibi ; reis medicina,
Nostris coeptis obsecunda.
7. In scripturis figurata
Multis locis ostenderis,
Aenigmatibus monstrata,
Sacris ut patet literis
Testamentorum veteris
Et novi; jure praelata
Mulieribus ceteris,
Super omnes elevata.
8. Ante mundi originem
Te Dominus ordinavit,
Coeli dum latitudinem
Sapienter fabricavit ;
Ex tunc mente sancta cavit
Per te matrem et virginem
Protoplasti, quo peccavit,
Expiare voraginem.
9. CJaude, virgo mater, gaude,
Per te mundus restauratur,
Cum civibus coeli plaude,
Quibus honor tibi datur,
Decus decens exsolvatur
Tibi, majus omni laude,
Quia per te liberatur
Omnis homo victa fraude.
10. Rigans mundum novo rore,
Novae prolis novitate
Nova facis novo more
Cuncta, mira claritate
Ex divina bonitate,
Fons ascendens in honore,
Rigans terram caritate,
Dei crescens in amore.
11. Arbor et liguum vitale,
In paradisi medio
Plantaris spirituale,
Cujus fructus fruitio
Replet omnia gaudio,
Nunquam fuit nec est tale,
Nec erit sine dubio
Lignum ita commodale.
12. Casta virgo, te fluvius
Voluptatis irrigavit
Paradisi, dum filius
Dei corpus habitavit
Tuum ; terra tunc donavit
Nostra fructum uberius,
Et naturam reformavit
Nostram Deus in melius.
13. In paradisum posuit
Deus hominem filium,
Suum custodem tribuit,
Tuum corpus egregium.
Per Gabrielem nuntium
Dum visitare voluit,
Redemptorem eximium
Nobis eum exhibuit.
14. Arcam Noe fabricavit
Sed de lignis levigatis,
Fabricatam subintravit
Cum uxore et cum natis,
De parentibus beatis
Sibi matrem te formavit
Dominus et a peccatis
Te subintrans conservavit.
15. Pactum suum antiquitus
Deus promisit patribus,
Arcum suum divinitus
Ostendendum in nubibus,
Qui foederis est omnibus
Signum promissum coelitus,
A Deo pax hominibus
Datur in eo penitus.
16. Labor et timor fugiunt
Arcu monstrato foederis,
Spes et gaudium veniunt
Peccatoribus miseris,
Qui de reatu sceleris
Flentes arcum conspiciunt,
Per promissum de superis
Se consolatos sentiunt.
17. Est in arcu caeruleus
Color, qui virginitatis
Typum gerit et rubeus
Etiam, qui caritatis
Formam notat, puritatis
Tuae demonstrat aqueus
Notam et humanitatis,
Quam elegit in te Deus.
18. Nubibus coeli cerneris
Arcus, qui nos illuminas,
Refulgens morum miseris
Exempla cunctis seminas,
Haereses omnes terminas
Et haereticos conteris,
In Christo quando geminas
Naturas simul congeris.
19. Arcus insuperabilis,
Arcus potens, arcus fortis,
Arcus dulcis, amabilis,
Arcus patens coeli portis,
Post praesentis metam mortis
Nobis inevitabilis,
Fac consortes tuae sortis
Nos, virgo venerabilis.
20. Dormiens Jacob somnio
Scalam vidit contingentem
Coelum, cujus confinio
Deum vidit imminentem,
Angelorum descendentem
Coetum vidit, promissio
Terrac sanctae per potentem
Datur et benedictio.
21. O Maria, figurans
Scala, sed scalam superas,
Ab angelo salutaris,
Deum hominem generas,
Super virtutes superas
Per angelos collocans,
Genus hominum liberas,
Ergo longe plus bearis.
22. Mater, tua virginitas
Rubo montis ostenditur
Horeb, cujus viriditas
Per ardorem non uritur,
Sic nec tua corrumpitur
Virginalis integritas,
Dum ventre tuo jungitur
Humanitati deitas.
23. In vase manna positum,
Ut servaretur, legitur,
Israelitis traditum,
Neque vas manna frangitur 5
In te Christus concipitur
Virgo per sanctum spiritum
Neque tuae minuitur
Virginitatis praemium,
24. Nobis manna mirificum
Servasti mirabiliter,
Manna terminans typicum,
Figuratum veraciter,
In te misericorditer
Per illud manna coelicum,
Quod dabatur communiter
Israel in viaticum.
25. Vetustum manna novitas
Tuae gratiac terminat,
Figurarum antiquitas
Fugit et lux illuminat
Nova, quos lex discriminat
Nova, cessat obscuritas,
Purgat, mundat, illuminat
Antiqua nova claritas.
26. Summus artifex omnium
Te providet, vas nobile,
Vas dignum, vas egregium,
Vas gratum, vas laudabile,
Vas cunctis venerabile
Famulis, ut edulium
Ministros delectabile
Panemque coeli civium.
27. Tu ministras hominibus
Verum panem angelorum,
Tuis natum visceribus
Pro salute peccatorum,
Hic est panis viatorum
Solis datus fidelibus
Hic est panis filiorum,
Qui non est dandus canibus.
28. Ecce, panis dulcissimus,
Ecce, panis amplectendus,
Ecce, panis pinguissimus,
Ecce, panis diligendus,
Ecce, panis recolendus,
Ecce, panis peroptimus,
Cibus cunctis praeferendus
Et prae cunctis gratissimus.
29. Cibus iste nos reficit,
Recreat et regenerat
Sibique mentem allicit,
Dirigit et confoederat,
Omne bonum exagerat
Et omne malum abjicit,
Vincit, regnat et imperat,
Auget, alit et perficit.
30. Vivus panis et vitalis,
Via veritas et vita,
Est hic panis immortalis
Et bonitas infinita,
Quo refulget praemuuita
Nova sponsa spiritalis,
Synagoga definita
Perit et umbra legalis.
31. Manna cessat et coelicus
Nobis panis proponitur,
Panis verus vivificus
Nobis de coelo mittitur,
Christianis conceditur
Solis panis hic pisticus,
Quibus communis traditur
Verus panis angelicus.
32. Beatus tabernaculo
Moyses virgam posuit
Aaron, sed pro titulo
Sacerdotis quae fronduit,
Floruit, fractum habuit
Evidenti miraculo,
Sacerdotis obtinuit
Jus Aaron in populo.
33. Ecce, valde mirabilis
Res et miranda penitus,
Floret siccitas sterilis,
Gignit sicca sterilitas,
Parturit virgae siccitas,
Fructum portat et fertilis
Efficitur sterilitas,
Non fuit ante similis.
34. Notat virga florigera,
Quae naturae non opere
Efficitur fructifera,
Sed puro Dei munere,
Quod debebas concipere,
Virgo, nova puerpera,
Novum fructum et parere,
Post partum virgo libera,
35. Ecce, vere virgo parens
Germinasti campi florem,
Dei patris verbo parens
Mundi paris salvatorem
Puritatisque decorem
Non amittis, sorde carens,
Caritatis fundis rorem,
Quo rigatur mundus arens.
36. De Jacob nam oritura
Nova stella praedicitur,
Ex Israel nascitura
Virga nobis ostenditur,
Per quam Moab percutitur ;
Te praesignat haec figura,
De qua virga producitur
Christus mirante natura.
37. Ista stella clarissima,
Quam non violat radius,
Luce nitens purissima,
Crystallo fulgens clarius,
Te significat verius,
Virgo semper castissima,
Quam non violat filius
Nascens ex te, purissima.
38. Consurgens virga florida
Ex Israel, prophetice
Promissa, virgo nitida,
Diceris virga mystice,
Egrederis de radice
Jesse, potens et valida,
Florem profers mirifice
Virgo materque gaudia.
39. Tu es virgo, tu es stella,
Tu es gratiae fluvius,
Deitatis munda cella,
Genitrix, cujus filius
Flos dicitur et radius
Caritatis fundens mella,
Coelo lucens superius,
Mundum servans a procella.
40. Ave, virgo, fertilior
Universis arboribus,
Ave, stella, fulgidior
Universis sideribus,
Factis, dictis, operibus
Universis praestantior
Creaturis, hominibus
Custos et quies tutior.
41. Tu Gedeonis rorida
Concha coelestis diceris,
Rore manens et florida
Lana compressa velleris,
Divini dono muneris
Tu semper manens madida,
Solatium das miseris,
Sed terra manet arida.
42. Verus coelestis laminis
Tuam concham munditiae
Eos replevit, dum numinis
Sacri munere gratiae
Plena solis justitiae
Mater Dei et hominis
Fis, flore pudicitiae
Vernans matris et virginis.
43. Implevit domum Domini
Superni regis gloria
Suo sacrata nomini
Salomonis industria,
Dum te superna gratia
Gabrielis affamini
Paventem, virgo Maria,
Replet dicatam numini.
44. Notat hic Dei filium
Salomon, rex pacifixus,
Qui fecit thronum regium,
Ut hic artifex coelicus
Et nuntius angelicus
Praeparavit hospitium,
Nostrae salutis pisticus
Verna deferens gaudium.
45. Maria, mater gratiae,
Mater et fons bonitatis,
Mater misericordiae,
Fons et fomes pietatis,
Triclinium deitatis,
Mater solis justitiae,
Perpetuae claritatis
Confers lumen et gratiae.
46. Uxor Nabal cum Davide
Pacem datis muneribus,
Nabal reformat solide
Benignissimis precibus,
Licet Nabal sermonibus
Dictis factisque stolide
Meruisset doloribus
Vitam finire turbide.
47. Larga Nabal, convivia
Suo faciens tonsori,
Quaerendo temporalia,
Gulae vacans et honori,
Comparatur peccatori,
Dei danti convicio
Servis, unde morte moii
Debet propter haue vitia.
48. Iste desiderabilis
Yultu, David gratiosus,
Rex nulli comparabilis,
Manu fortis, bellicosus,
Clemens, purus, amorosus,
Christus est immutabilis,
Qui semper est gloriosus
In sanctis et mirabilis.
49. Es Abigail sapiens,
David deferens munera,
Nabal et David faciens
Precibus tuis foedera,
Dum pia lactis ubera
Christo dedisti nutriens,
Peccatoribus scelera
Tuis meritis leniens.
50. Regina, virgo regia,
De genere David regis,
Dei mater et filia,
Christi parensChristumregis,
Nostra mater, nostrae legis
Gaudium et laetitia,
Peccatorum fortis Aegis,
Decus, honor et gloria.
51. In te sola spes figitur
Omnis humani generis,
Per te solam destruitur
Adae peccatum veteris,
Vitae portus es miseris,
Per te salus acquiritur,
Nescit reatum sceleris,
Qui te devote sequitur.
52. Bonum est ergo subdere
Sese tuae servituti.
Secundum te se regere
Disponendo se virtuti,
Namque tui sera tuti
Per te possunt ascendere,
Coelum, vitam assecuti
Tecum semper et vivere.
53. Volens mundum saevitia
Principis Assyriorum
Subjicere nefaria
Manu collecta virorum,
Magnam plebem Juilacorum
Obsedit in Bethulia,
In mortem moestam eorum
Mente delirans impia.
54. Sancta Judith pro populo
Salvando se praeparavit,
Nocte surgens de lectulo
Vocans abram praeparavit,
Holoferni praesentavit
Se pro gentis periculo,
Necans eum liberavit
Cives a mortis iaculo.
55. Est civitas Bethulia,
Quam obsidet dissensio
Daemonisque perfidia
Et haeresis deceptio,
Conjuncta tuo filio
Nostra mater ecclesia,
Tuo tuta subsidio,
Munita tua gratia.
56. Tu es Judith pulcherrima,
Quae liberas ecclesiam
Holoferni acerrima
Vi per divinam gratiam,
Haeresisque perfidiam
Confutans spe certissima,
Fundens super familiam
Gaudia beatissima.
57. Benignus sapientiae
Spiritus et dulcedinis,
Consilii, scientiac,
Timoris, fortitudinis,
Lumen divini numinis,
Omnis generis gratiae,
Te replevit, ut hominis
Causa sis indulgentiae.
58. Edissa per connubium
Assuero conjungitur,
Thalamum subit regium,
Coronatur, praeficitur ;
Suspecta Vasthi tollitur,
Esther habet dominium
Cunctis, Vasthi deponitur,
Amittit regni solium.
59. Notat Esther cor humile,
Cor contritum humiliter,
Cor dulce, cor amabile,
Cor diligens veraciter,
Cor contemplans sublimiter ;
Vasthi notat, cor fragile,
Exaltans se perniciter,
Superbum et indocile,
60. Et te quid est humilius
Per cuncta mundi climata,
Dulcius, amabilius,
Destruens cuncta schismata ^
Te, sacra probant dogmata,
Nil esse generosius,
Sacra probant aenigmata,
Et te nil esse mundius.
61. Designat Esther igitur
Te, qua nunquam humilior
In creaturis legitur
Fuisse nec suavior,
Pulchrior, amabilior,
Dulcior nulla dicitur,
Et propter hoc sublimior
Esse te nulla noscitur.
62. In Judaeos invidia
Saevit Aman perversitas,
Damnat eos perfidia
Crudelisque dolositas,
Mardochaei benignitas
Esther scribit euprepia,
Mutetur ut crudelitas
Decreti regis impia.
63. Condolet Esther fratribus
Totius sui generis,
His auditis rumoribus
Regem adit, qui foederis
Signum dedit pestiferis
Morti datis complexibus,
Damnatur Aman sterilis
Ejus notis criminibus.
64. Tu es Esther, perfidiam
Aman reprimens gnaviter,
Famulorum miseriam
Exterminans benigniter,
Regi summo feliciter
Desponsata per gratiam,
Coronata perenniter,
Regni tenens potentiam.
65. Vere notat inimicum
Aman humani generis,
Dirum serpentem lubricum,
Jure pulsum de superis,
Condemnatum in inferis,
Accusatorem iniquum,
Quem tu calcas et conteris,
Deum reddens pacificum.
66. Sicut pupillam oculi
Salvos servas servos regis,
Tu solamen es saeculi,
Refugium tui gregis,
Summa sponsa summi regis,
Caput conteris zabuli,
Tu es verus liber legis
Et arcae tabernaculi.
67. Flos vernalis, flos lilii,
Flos florum, decus virginum
Diceris et auxilii
Fons plenus, custos hominum,
Cujus attraxit Dominum
Et angelum consilii
Dulcis odor, ut terminum
Nobis daret exsilii.
68. Ramum ferens viventibus
Ore columba proprio
Foliis fluctuantibus
Generali diluvio,
Quos turbarat undatio
Noe natis, conjugibus,
Refovit eos gaudio
Salutis intuitibus.
69. Una serpentem partica
Deserto tulit aeneum,
Ut si virus, vis toxica
Quemquam laeseratHebraeum.
Sanaretur videns eum,
Ope Dei mirifica
Propellente vipereum
Virus virtute deica.
70. Columba tu simplicior
Omni, turtur humilium,
Salus hominum tutior,
Mundo tulisti gaudium
Enixa Dei filium,
Omni veneno fortior
Medicina peccantium,
Signo serpentis promptior.
71. Tu es porta, quae clauditur
Apertionis nescia,
De qua propheta loquitur,
Homini nulli pervia,
Qua Dei sapientia
Ingreditur, egreditur,
Semota violentia
Per egressum non frangitur.
72. Virginitas est janua,
Qua coelo fulgens altius
Coeli non linquens ardua
Messias, Dei filius,
Conceptus est, exterius
Carne tectus exigua,
Corpus sumens perfectius
Ex te, virgo praecipua.
73. Sicut sidus perluitur
Infuso solis lumine,
Et ex eo lux mittititur
Sine sideris fragmine,
Sic sine carnis crimine
Christus in te concipitur
Et te manente virgine
Supernaliter oritur.
74. Vidit Johannes mysticum
Signum quoddam mirabile,
Quod in coelo propheticum
Apparuit notabile,
Nunquam fuerat simile
Prophetis aenigmaticum
Signum datum, quid utile
Praetendens et mirificum.
75. Erat parens coelestibus
Amicta solis lumine,
Mulier lunam pedibus
Supponens, cujus culmine
Capitis pro tegumine
Duodecim sideribus
Sertum fulgebat lumine,
Suis plenis visceribus.
76. Nihil te magis proprie
Per istam intelligitur
Mulierem, quae serie
Prophetae nobis panditur,
In te namque concipitur
Et oritur justitiae
Verus sol, unde sequitur
Regnum coelestis curiae.
77. Tuis luna supponitur
Pedibus et militia
Coeli tota protegitur,.
Caput duodenaria
Patriarcharum gloria,
Quae per te benedicitur,
Et bis sena victoria
Apostolorum texitur.
78. Repletis plenitudine
Generis omnis gratiae
Totaque multitudine
Virtutum et potentiac,
Tu decus excellentiae,
Tu lux carens fuligine,
Culpae tu splendor gloriae,
Decorans mundum lumine.
79. In te totum perficitur,
Quidquid verbis propheticis
De te, virgo, praedicitur
Et legis aenigmaticis,
Sive quidquid angelicis
Tibi verbis exprimitur,
Finitis verbis typicis
Res manifesta cernitur.
80. Salve, solamen hominum,
Salve, munda stella maris,
Salve, purgatrix criminum,
Salve, virgo singularis,
Consortio carens maris
Concipis, paris Dominum,
Tu lapis es angularis,
Quae das figuris terminum.
81. Tu supra coeli solium
Ad dextram Dei sedes,
Juxta proprium filium
Coeli regina praesidcs,
Confirmans mentes desides,
Praestans eis auxilium
Et tuis servis provides
Impetrando subsidium.
82. Ubi namque sanctissima
Caro, quam Dei filius
Sumpsit ex te, mundissima,
Inthronizatur celsius,
Creatis gloriosius,
Ratio vult certissima
Esse te non inferius
Vel sede magis infima.
83. Ibi mater cum filio
Gaudes coelesti patria
Trinitatis consortio
Creata super omnia ;
Tua benigna gratia
Felicitatis gaudio
Nos coronet et gloria
Beatorumque pracmio.