2. De divinis Nominibus. (Margarita Exorcistarum.)
4. Oratio de Incarnatione Christi.
6. In laudem Dominicae nativitatis.
13. Oratio devota et compunctiva.
14. De Nativitate et Morte DN.
18. De passione Domini Oratio.
40. Oratio sub Elevatione dicenda.
42. In Elevatione Corporis Christi.
43. Ad Elevationem Corporis Christi.
46. Ad Elevationem Sanguinis. I.
47. In Elevatione s. Sanguinis.
49. De Nominibus et Titulis BMV.
74. De Gaudiis BMV In Nativitate BMV.
86. Missa Sanctae Mariae Virginis.
87. Alphabetum archangelicum in laudem BMV.
90. Jubilus de singulis membris BMV.
94. Acrostichon super Ave Maria.
104. Oratio de V. M. matre Jesu.
129. Litania Omnium Sanctorum.
130. Litania Omnium Sanctorum.
132. Litania Omnium Sanctorum.
133. Litania Omnium Sanctorum.
139. Oratio ad omnes Apostolos.
151. Ad Angelum Custodem oratiuncula.
188. De ss. Johanne Baptista et Johanne Evangelista.
189. De s. Johanne Evangelista.
205. De ss. Martino et Brictio.
209. Item alia oratio ad eundem martyrem sine nomine vel ad s. Victorem.
220. Visio sancti Morandi Allatis.
223. De Praelatis et Subditis.
228. De Conductu in itinere Hierosolymitano.
230. Hymnus confundens Gregorium, alias Errorium, olim papam.
1. Ave, virgo gloriosa,
Sanctitate radiosa,
Clarescens Odilia,
Stirpe prodis generosa,
Sed virtutum plus famosa
Facta per humilia.
2. O praecelsae stirpis ramus,
Ad te miseri clamamus
Prece deyotissima,
Ne noxae nos stringat hamus,
Sed soluti quam praestamus,
Laus sit acceptissima.
3. Dulcis Adalrici nata,
De illustri propagata
Francorum familia,
Verum caeca generata,
De te mens patris turbata
Tractat horribilia.
4. Infrunitus vi ruboris
Vibrat arma mox furoris
Te jubens interfici,
Sed decretum hoc horroris
Mutat mater sanioris
Cordis et deifici.
5, Domo patris occultaris
Et per annum educaris
Abrae ministerio,
Post te rumor popularis
Prodit causa singularis
Late in mysterio.
6. Nam tum nutrix praeparatur,
Quae itura proscribatur
Tecum in exilium,
Sed de fuga dum tractatur,
Palma claustrum inspiratur
Dei per consilium.
7. Illic annis sex ignota
Tamquam pauper et aegrota,
Orba dulci lumine,
Patris aedibus remota,
Lates baptismali Iota
Nec lustrali flumine.
8. Jubet Christus hinc benignus,
Pergens ad te praesul dignus
Erhardus Bavariae,
Det sacrantis undae pignus,
Quo depulsus it malignus
Artis multifariae.
9. Baptizata dum chrismaris,
Vigor venit ocularis
Cum fulgoris acie;
Mira res et salutaris,
Intus, extra collustraris
Simul luce gratiae.
10. Crescit virtus cum aetate,
Grata morum probitate,
Noxae necans scoriam,
Mens repleta caritate
Carnem domat castitate
Mundi calcans gloriam.
11. Unguentorum hoc odore
Avulsisti mundi flore
Tres germani filias,
Trinitatis in honore
Permansuras cum virore
Tres plantasti tilias.
12. Palma claustro dum donaris,
Cui mater delegaris
A Christo Odilia,
Quo sagena voti paris
De procella magni maris
Trahis ad te milia.
13. Dicens: omnes huc venite,
Ferte jugum sponsi mite,
Ipsum vos alleviet
Ad currendam viam rite,
Quae ad portas ducit vitae,
Vestrum nulla deviet.
14. Has exemplo castitatis
Et mirandae sanctitatis
Constanter aedificas
Ad contemptum vanitatis
Amoremque paupertatis
Hortatu aedificas.
15. Patrem sciens in tormentis
Pia prece et lamentis
Exsolvis supplicio,
Vini vas deficientis
Replet mero purae mentis
Sacrata petitio.
16. Post adesse finem pandis,
Tibi detur honor grandis
Quo coeli palatio,
Sed priusquam illuc scandis,
Filiabus verbis blandis
Dulcis fit collatio.
17. In qua fortes adhortando,
Tristes pie sonsolando
Tui das memoriam,
Templum petunt hae orando,
Sponsus adest evocando
Te ad coeli gloriam.
18. Veni, ait, sponsa cara,
De fallaci et amara
Vita, coronaberis.
Martyr voto, virgo clara,
Ad Luciani ire para,
Cum qua praemiaberis.
19. Tandem solvit carnis nexus
Mors, suaves in amplexus
Sponsi volas coelitus;
In nos, quaeso, duc reflexus
Precum, hostis ne perplexus
Nos evertat penitus.
20. Fac nos digne conversari,
Plene mundum aspernari
Suis cum deliciis,
Intus, extra decorari
In palaestra regulari
Sacris exercitiis.
21. Ora sponsum, virgo pia,
Ne privemur in hac via
Visus dono luminis,
Nos in coeli politia
Vera frui det sophia
Luce celsi numinis.