173. De sancta Dorothea.

1. Dei sponsa inclita,

Virgo Dorothea,
Quae in coelis sequeris

Agnum, ad te mea
Heu peccatrix anima

clamat mortis rea:
Cor mundum et spiritum

rectum in me crea.

2. O martyr egregia,

ora Christum regem,

Quod me ovem perditam

reportet ad gregem.

Ut ejus sanctissimum
nomen nunquam negem,

Sed semper custodiam
sacram ejus legem.

3. Regni Cappadociae

impius praefectus
Te in sponsam petiit

specie illectus,
Sed effectu caruit

ipsius affectus;
Per te, beatissima,

sim Deo dilectus.

4. Odio Fabricii

contra te furentis
Missa es in dolium

olei ferventis,
Quod tibi non nocuit

vi omnipotentis ;
Serva me a gladio

in throno sedentis.

5, Tenebroso carcere

innocens locata,
Cibi alimonia

tibi denegata,
Per sanctos es angelos

Dei confortata ;
Mea fiant opera

per te Deo grata.

6. Hinc poenis equulei

sancta cruciaris,
In mammillis faculis

Igneis cremaris,
Ultimo sententia

Capitis damnaris ;
Me a malis omnibus

clemens tuearis.

7. Extra muros duceris

Instar Jesu Christi,
Pro cujus preconio

mortem pertulisti,
Rosasque Theophilo

scribae tu misisti
Et sic in palatia

coeli introisti.

8. Adjuva, misericors,

tuum laudatorem,
Respice, piissima,

tuum oratorem,
Per te Jesum habeam

pium adjutorem
Et contra diabolum

jugem protectorem.