97. De B. Maria V.

1. Quot sunt horae et quot morae,
Quot annorum spatia,

Quot sunt laudes et quot fraudes,
Quot in coelis gaudia,

Quot sunt visus et quot risus,
Quot virorum studia;

2. Quot sunt montes et quot fontes
Et quot ignes aetheris,

Quot sunt apes et quot dapes
Et quot aves aeris,

Quot sunt metus et quot fletus,
Quot labores miseris ;

3. Quot sunt lares et (mot pares,
Quot per mundum fluvia,

Quot sunt boves et quot oves,
Quot in pratis gramina,

Quot sunt stillae et quot villae,
Quot villarum nomina ;

4. Quot sunt leges et quot greges
Et quot frondes arborum,

Quot sunt valles et quot calles
Et quot umbrae nemorum,

Quot sunt manes et quot canes,
Quot momenta temporum ;

5. Quot sunt formae et quotnonnae,
Quot in terris homines,

Quot sunt luctus et quot fluctus,
Quot in mari turbines,

Quot sunt grues et quot sues
Et quot vitae ordines ;

6. Quot sunt stellae et quot velle,
Quot in castris milites,

Quot sunt rura et quot jura,
Quot in orbe divites,

Quot sunt fures et quot mures,
Quot in agris limites;

7. Quot sunt patres et quot matres
Et quot matrum pueri,

Quot sunt rogi et quot logi,
Quot metrorum numeri,

Quot sunt poenae et catenae,
Quot in Orco miseri ;

8. Quot sunt mores, quot colores
Et quot rerum species,

Quot sunt vites et quot lites,
Quot bellorum ades,

Quot sunt mortes et quot sortes,
Quot malorum rabies:

9. Tot honores, tot favores
Et tot laudum titulos

Matri demus et cantemus
Dulces illi modulos,

Quae ut bona nos patrona
Recognoscat famulos.

10. Voce rauca dixi pauca,
Virgo grata, sumito
Meque Deo gratum meo

Tua prece facito,
Ne in necem vel in faecem
Mentis ruam subito.