140. De sanctis Apostolis.

1. Petre, princeps fidei

et apostolorum,
Cui claves traditae

sunt regni coclorum,
Me, pater, a vinculis

solve peccatorum,
Per te ut introeam

gaudia sanctorum.

2. Paulo, doctor gentium,

lux ecclesiarum,
Peccatorum speculum

et jubar praeclarum,
Pater beatissime,

fac me Deo carum,
Quo me non absorbeat

lacus tenebrarum.
3. Andrea mitissime,

qui tormenta crucis
Passus es viriliter,

me consortem lucis
Facias perpetuac,

ut spretis caducis
Rebus, dignus famulus

fiam Christi ducis.

4. Jacobe, a Domino

cum fratre vocatus
Johanne, continuo

fuisti paratus,
Reliquisti omnia

centuplum lucratus,
Ora pro me, obsecro,

Christo sociatus.
5. Johannes castissime

cui commendavit
Christus matrem virginea

tibique donavit,
Subveni misericors

mihi, quem prostravit
Satanas invidia

atque subjugavit.
6. Thomas, dictus Didymus,

Jesu tetigisti
Resurgentis vulnera

factusque fuisti

Fidelis et credulus,

me a nece tristi,
Pater mi, custodias,

mortem qui vicisti.

7. Jacobe justissime,

filius Alphaei,
Dictus frater Domini,

custos esto mei,
Longe fac hypocrisin

a me pharisaei,
Fac, quod nunquam separer

a conspectu Dei.
8. Philippe, qui similem

mortem salvatori
Pertulisti moriens,

mihi peccatori
Obtine a Domino,

quod, cum vado mori,
Ab hinc me suscipiant

angelorum chori.

9. Bartholomaee pie,

qui excoriatus
Hic pro Dei gloria

es et decollatus,
Per te judex omnium

mihi sit placatus,
Ne aeternos incidam

inferni ploratus.
10. Matthaee, dominici

germinis relator,
De theloneario

factus praedicator,
Sanctus per te spiritus,

dulcis consolator,
Meorum sit sensuum

clemens gubernator.
11. Simon, care Domini,

dictus Cananaeus,
Huic mundo genuit

te pater Alphaeus,
Mole pressus scelerum

te exoro reus,
Mihi sit propitius

per te judex meus.

12. Thadaee, Abagaro

regi praedicasti
Et cum suo populo

ad fidem vocasti
Eosque baptismatis

lavacro mundasti,
Aufer a me, pater mi,

culpam protoplasti.
13. Matthia, dignissime

Judae substitutus
In Christi apostolum,

juva me, quod tutus
Semper sim, ne devoret

me Satan versutus,
Tuoque praesidio

semper sim adjutus.

14. Barnaba, a spiritu

sancto es electus,
Verbi Dei nuntius

cum Paulo directus,
Rogo te, qui vitiis

multis sum infectus,
Fac, ut coram Domino

simplex sim et rectus.

15. O patres ecclesiae,

vestram laudatorem
Promovete precibus

apud salvatorem,
Quod per vos effugiat

inferni dolorem
Ac vobiscum sentiat

codicum ardorem.