138. De sanctis Apostolis.

1. O Petre beatissime,
Apostolorum maxime,
Me in fide catholica
Tua prece consolida.

2. O Paule, mundi lilium,
Praesta mihi auxilium,
Spem firmam mihi impetra
Contra mundi discrimina.

3. O Andrea piissima,
Vota precantis suscipe,
Et caritatis geminae
Reple mentem dulcedine.

4. O Jacobe, accelera
Mea piando scelera,
Mundans dono justitiae
A fermento malitiae.

5. O Johannes castissime,
O tu Christo carissime,
Dona mihi prudentiam
Et castam conscientiam.

6. O Philippe, os lampadis,
Erue me a tenebris
Virtutum lustrans lumine
Muni me fortitudine.

7. O Jacobe, Jerusalem
Fac me poli participem
Coronans temperantia
Cum sanctitatis gratia.

8. O princeps apostolice,
Bartholomaee domine,
Mala mea mortifica,
Quae bona sunt, vivifica.

9. O Matthaee, ne differas
Fugare res mortiferas,
Voluptates carnalium,
Dans dona spiritalium.

l0. O Thoma, tu qui vulnera
Palpasti salutifera,
Tu sana plagas pectoris
Coelestis rore nectaris.

11. O Simon beatissime,
Norma obedientiae,
Da per precum potentiam
Veram obedientiam.

12. O Juda Christum confitens,
Cor mihi dona poenitens
Cum fructu poenitentiae,
In bonis permaneutiae.

13. O Matthia, qui meritis
Conjunctus es apostolis,
A cunctis salva pestibus.
Conjunge nos coelcstibus.

14. Vos quemque singulariter
Omnesque precor pariter,
Ut pro meis excessibus
Oretis horis omnibus.

15. Omnes sancti apostoli,
Mei vos miseremini,
Vestra sancta memoria
Me collocet in gloria.

16. O quam beata merita,
Christi frui praesentia.
Cujus audire dulcia
Solebatis colloquia.

17. Vos mundi de tumultibus
Elegit sibi Dominus,
Qui meruistis cernere
Deum veram in corpore.

18. Vos estis mundi lumina
Super solem lucentia,
Per quos fulget ecclesia
Ut sol et luna splendida.

19. Cura filio vos hominis
Hunc mundum judicabitis,
Me per vos salvum expeto
In extremo judicio.