121. Ad B. Mariam V.

1. Ave, virgo Maria,
Ab omni miseria

Me clementer erue
Ac per coeli principem,
Quaeso, fac participem
Salutis perpetuae.

2. Ave, sidus fulgidum,
Me peccato languidum

Per medelam visita
Exorando Dominum,
Ut cunctorum criminum

Mihi laxet debita.

3. Ave, mater luminis,
Fac me sordem criminis

Lacrimis abluere ;
Antequam discutiar,
Per te cuncto merear
Resanari vulnere.

4. Ave, decus virginum,
Per abrupta criminum

Me errantem corrige
Et a sorde scelerum
Tu, sanatrix vulnerum,

Me clementer erige.

5. Ave, spes fidelium,
Quae per tuum filium

Deles mundi crimina,
Fac, ut purus vitio
Tibi nec non filio

Digne promam carmina.

6. Ave, mater gratiae,
Precor, pulchra facie,

Te Christi sacristiam,
Fac me tuo munere
Semper digne sumere

Sanctam eucharistiam.

7. Ave, morum speculum,
Quae perlustras saeculum

Recto nitens tramite,
Fac ut moram gratia
Superna palatia

Te pertingant comite.

8. Ave, dulcis, annue
Et hoc milii tribue,

Ut de carnis cellula
Nulla plaga vulnerum,
Nulla prorsus scelerum
Mecum pergat macula.

9. Ave, fons clementiae,
Mihi nunc in acie

Contra ictus daemonum,
Mater regis gloriae,
Aeternae victoriae,
Tribue subsidium.

10. Ave, virgo florida,
Regi regum placida,

Ne damner judicio,
Fac per tuam gratiam,
Ut me purum sentiam

Mentis, carnis vitio.

11. Ave, florens virgula,
Charitatis regula,

Cara coeli domina ;
Fac perfecte diligam
Natum teque filiam

Nunc et absque termino.

12. Ave, fulgens meritis,
In inferno positis

Nullum est remedium;
Sed me modo corrige
Mihique nunc porrige

Salutis subsidium.

13. Ave, mitis omnibus,
Fac me tuis precibus

Terrena despicere
Ac per te Cbristicolam
Verae vitae regulam

Constanter perficere.

14. Ave, pia, corpori
Et interno vulneri

Medicinam conferas,
Malum, quo interius
Laedor vel exterius,
Virgo mater, auferas.

15. Ave, mundi gloria,
Tua me memoria

Salvet a supplicio,
Ne damner in infimis,
Mentem riga lacrimis,

Quibus laver vitio.

1G. Ave, virgo virginum,
Aufer a me daemonum

Venenosa jacula,
Quae portasti Dominum
Ad salutem omnium

Sine carnis macula.

17. Ave, salus animae,

Ut non hostis contra me

Habeat victoriam,
Da per nati vulnera,
Ut nunquam per saecula

In morte obdormiam.

18. Ave, clara saeculo,
Parva in crepusculo,
Sana conscientiam,
Iram procul auferas
Et perfectam conferas
Mihi patientiam.

ly. Ave, sidus regium,
Mihi nunc per filium,

Qui sustentat miseros,
Rectum confer spiritum,
Quo mortis interitum

Evadam et inferos.

20. Ave, mundi domina,
Oculorum crimina

Tuis lava precibus,
Mala visus dilue
Nec non cunctis tribue

Medelam vulneribus.

21. Ave, templum gloriae,
Fac me tuae gratiae

Interventu perfrui,
Terge, quaeso, vitium,
Vitii supplicium,

Quod auditu merui.

22. Ave, virgo regia,
Tua fac ut gratia

Pravum nihilominus
Ita gustum deleam,
Ut gustare valeam,

Quam dulcis sit Dominus.

23. Ave, sancta femina,
Virtutum ad culmina

Gratia paracliti
Me clementer provehas
Crimenque removeas

Odoris illiciti.

24. Ave, coeli lilium,
Regina coelestium,
Paradisi domina,
Meo nunc in corpore
Digneris abstergere
Pravi tactus crimina.

25. Ave, quae vivificas,
Per natum mollificas

Corda dura saxea,
Fac, ut tergam fletibus,
Incedendo pedibus

Quae commisi noxia.

26. Ave, morum regula,
Nulla regnet nebula

Intra carnis cellulam,
Tuus per te filius
Intus et exterius

Omnem tergat maculam.

27. Ave, lux eximia,
Lucis per obsequia,

Fac, ut Christo placeam,
Ut exutus corpore
Bono plenus opere
Coelo sumi valeam.

28. Ave, tuo munere
Temporali verbere
Mea terge vitia,
Sidus maris inclitum,
Sed nulla post obitum
Me tangant supplicia.

29. Ave, dulcis omnibus,
Tu virtutum floribus

Me frequenter imbue
Mihique per filium,
Qui est spes fidelium,

Finem bonum tribue.

30. Mea sine taedio
Psallat nunc devotio

Patri, nato, flamini,
Virtutem, potentiam
Laudemque perpetuam

Piae matri virgini.