130. Litania Omnium Sanctorum.

1. Istam dicas humili

voto letaniam,
Pro te et pro reliquis

aurem pulsans diam,
Ut nos Christus dirigat

in salutis vitam
Et possitis carpere

summam hierarchiam.

2. Qui plasmasti hominem

mirum per emplastrum.
Et discernis singulum

per discrimen astrum,
Qui evellis frutices

nec per ferri rastrum,
Nos avulsos vitiis

duc ad tuum castrum.

3. Patris unigenite,

bone Jesu Christe,
Patri tuo pontifex

pro nobis adsiste,
Ut det nobis gaudium

auferat et triste,
Ne nos ad interitum

ducat mundus iste.

i. Amor indeficiens

et patris et prolis,
Intus nos illumina
igne summi solis,

Aufer nobis taedium

cujuscunque molis,
Ut simus pervigiles

in sanctorum scholis.
5. In personis trinitas,

qui es Deus unus,
Nobis supplicantibus

hoc largire munus,
Ut, quod datur miseris,

transcendamus funus,
Et nobis petentibus

da coelorum munus.
6. Maria, quam satanae

non infecit fucus,
Nec sollicjtaverant

opes, ager, lucus,
Sed templo servaverat

Deus nec eunuchus,
Fac, ne nos adficiat

infernalis bruchus.

7. Sancta Dei genitrix

fundens orbi lucem,
Quam ad regnum perditum

jam habemus ducem,
Dum surgit a mortuis

Christus, scandit crucem,
Hunc roga, quod deprimat

nostrum hostem trucem.

8. Sancta virgo virginum,

quac mundo tulisti
Gaudia, dum Dominum

nostrum peperisti,
Cujus fortitudini

non potest resisti,
Fac nos ejus, petimus,

ante thronum sisti.

9. Qui draconem visceras

in monte Gargano,
Michael, spiritui

fraenum fac vesano,
Esto nobis obviam

in salutis plano,
Ut migremus ad jesum

cum conductu sano.

10. Per quem plena, Gabriel,

virgo fit inventa
Flatu, per quem peperit

Christum, qui tormenta
Pro nobis pertulerat

praestans levamenta,
Ne tangamus, petimus,

Orci pavimenta.

11. Raphael, qui nuntias

nostra vota caelis
Et Tobiae fueras

in via fidelis
Et per fel pisciculi

caecitatis telis
Tobiam salvaveras,

nos sanare velis.

12. Angeli, archangeli,

potestate, throni,
Cherubim et Seraphim

senesque coloni,
Ad orandum Dominum

prece sitis proni,
Ut simus participes

sempiterni boni.

13. Prophetarum maxime,
Johannes Baptista,
Apud Christum Dominum
orans pro nobis sta,

Ne nos prcndat miseros

priscus agonista,
Sed fruamur gloria

spolia post ista.

14. O dilecti Domini

sancti patriarchac.
Quos salvavit Dominus

per tutelam archae,
Fundite precamina

Domino jerarchae,
Ut coelestis patriae

simus commonarchac.

15. Futurorum scioli,

vos sancti prophetae,
Qui cum Deo famini,

preces jam praebete,
Veteris ut aucupis

transvolemus rete,
Carpentes confugium,

cujus non sunt metac.

1G. Petre, coeli claviger,

qui potes ligare
In terra ac solvere,

pro nobis precare,
Ut nobis peccamina

velit condonare,
Qui tibi condoluit,

cum fleres amare.

17. Vas electum Domini,

o beate Paule,
Cum: quid me persequeris,

dixit, Saule, Saule,
Christus, ejus factus es

agnus sanctae caulae,
Coeli nobis impetra

mansionem aulae.

18. O per crucem redimens

gaudium Andrea,
Plebem firmans triduo

suspensus in ea,
Roga tuum Dominum.

criminis ne rea
Segregemur anima

sanctorum chorea.

19. Johannes apostole,

Christo pracdilectus
Et in coena recubans

ejus supra pectus,
Hunc roges, qui latus est

lancea transjectus
In cruce, ne perimat

nos Satan dejectus.

20. Praetoris officium

gerens theloneo,
Matthaee, apostolus

vocatus a Deo,
Roga, qui vocavit te,

advocemur eo,
Quo nos non afficiat

lupus neque leo.

21. O sancti apostoli,

qui per mundum missi
Praedicastis gaudii

jacturam amissi
Nec per ullam haercsim

exstitistis fissi,
Nos transferri facite

fluvium ahyssi.

22. O Christi discipuli,

qui mundum sprevistis
Et salutis monita

jugiter audistis
Et audita reliquos

digne docuistis,
Facite, ne premat nos

Orci turba tristis.

23. Baptizati sanguine

sancti innocentes,
Quos Herodes necuit

ubera lactentes,
Et, quocunque ierit,

agnum jam sequentes,
Hunc pro nobis petite

ad thronum canentes.

24. Gloriose Stephane
lapidantes passus,
Nec pro lapidantibus
orans eras lassus

Atque Christum cernere
coelo stantem fassus,

Non sit pro petentibus
sermo tuus cassus.

25. Oswalde, rex inclitus

et martyr insignis,
Eja, Christum rogita

precibus benignis,
Ut nos a spiritibus

conservet malignis,
Ne nos ardor opprimat

infernalis ignis.

26. Laurenti, craticulae

coronate lauro,
Dispersis pauperibus

opibus et auro,
Roga Christum, servet nos

a nequam centauro,
Ut fruamur denique

coelesti thesauro.

27. Cui fontem innuit

agnus pede, Clemens,
Cujus festis singulis

maris unda vehemens
Refugit, ut quaerant te

claudus, caecus, demens.
Fac, sit nobis proximus

Agnus Dei clemens.

28. O pastor egregie,

Archipraesul Thoma,
Christo praebens victimam

carneum in coma
Ad altare Domini

et sub ejus doma,
Da pro nobis Domino

precatus aroma.

29. O vos sancti martyres,

effuso cruore
Coronati gloria

laudis et honore,
Satiari facite

nos coeli dulcore,
Angelos qui reficit

consueto more.

30. Praesul par apostolis,

o sancte Martine,
Ad Deum et homines

viae sequax binae,
Cui non nocuerant

infestantes minae,
Roga Deum, salvet nos

a lapsu ruinae.

31. Nicolae pontifex,

qui tres liberasti
De mortis angustia

et tres maritasti
Inconsultas virgines,

preces summo plasti
Funde, quod ab ore nos

servet lacus vasti.

32. Benedicte nobilis,

monachorum lumen,
Qui compescens Satanam

carnis per legumen
Asperum, oraveras

trinitatis numen,
Roga Deum, et nos non

comprimat alumen.

33. O confessor nobilis,

pontifex Edmundc,
Pro Christi ecclesia

perferens abundc
Damnum et exsilium,

preces Deo funde,
Ne morti post obitum

tradamur secundae.

34. Sequax castimoniae.

sancte praesul Hugo,
Quem non inquinaverat

titilans lanugo,
Fac, quod nostra rasa sit

criminis ferrugo,
Ne post mortem animam

corrodat aerugo.

35. Recusantes terrea

sancti confessores,
Contemplantes coelica
carnis contemptores,

Facite, quod conterat
nostros subversores

Christus, qui nos redimens
sustulit dolores.

36. O vos, sancti monachi,

laudibus adstantes,
Pro nobis et ceteris

vota Deo dantes,
Per vestra suffragia

sitis nos salvantes,
Ne hoc mari fluido

simus naufragantes.

37. O fugaces hominum

mites eremitae,
Habitantes eremum,

ut sepulta lite
Toti sitis compotes

contemplantis vitac,
Per vos hostis careat

nostra Sunamite.

38. Contemplatrix coelicac

vitae Magdalena,
Laudanda peccantibus

dulci cum camoena,
Ubi sonant organa,

cantat philomena,
Per te nos suscipiat

Christus ad amoena.

39. Quae vicisti rhetores

quaestione mota,
Katharina, ferrea

quam torquebat rota,
Pro nobis supplicibus

Christo funde vota,
Ut sit a tortoribus

anima semota.

40. Virgo fide stabilis,

Sancta Margareta,
Hostem spernens invidum,

virtute repleta,
Rogita clementiam,

cujus non est meta,
Ut iniqui judicis

salvet nos a theta.

41. Deo carnem offerens,

Agnes dire torta,
Dum spernis conjugium,

duceris ad scorta,
Quo lux necans impios

coelitus est orta,
Fac, sit nobis patula

jam coelestis porta.

42. O sancta Caecilia,

facie venusta,
Sed fide venustior,

Mundo, Deo justa,
Quod uterque petit dans,

pro supplicibus sta
Nobis, ne nos noceat

barathri locusta.

43. Sectatrix munditiae

virginum caterva,
Agno sine macula

preces coacerva
Et virtutem zabuli

precibus enerva,
Ne nos truculentia

deprimat proterva.

44. O matronae nobiles,

coelorum matronam
Exorantes petite

jam per mentem bonam,
Ut per eam Dominus

det nobis annonam,
In coelis restituens

centuplam coronam.

45. O puellae nubiles,

o vos defloratae,
Matrem Dei petite,

Magdalenae date
Preces, ut ad Dominum

plenum pietate
Instantes pro nobis sint

in necessitate.

46. O vos omnes coelibes

Christi speciales,
Vos pulsate, petimus

Aures divinales,
Ut regni participes

simus nos sodales,
Ne nos tandem terreant

larvae stygiales.

47. O Deus omnipotens,

a quo cuncta cerni
Constat et, antequam sunt,

ideas discerni,
Amnis, ignis, aeris,

telluris, falerni,
Serva tuos famulos

ab imbris Arverni.

48. Jam lector amplecteris

finem letaniae,
Dicas sic ad Dominum

voto mentis piae:
Nos et hunc, qui scripsit hoc,

unicus Mariae
Filius custodiat

in suprema die.