195. De sancta Katharina.

1. Katharina regia,
Virgo, martyr egregia,
Speciosa amabilis,
Generosa laudabilis,
5. Virgo Christi castissima,
Sponsa ejus dignissima,
Esto mihi propitia,
Quem multa gravant vitia.
Passo, precor, compatere,

10. Ad te compellor fugere,
Quia non possum pergere
Pro me, tu manum porrige,
Vide meam miseriam
Et peccatorum veniam

15. Milii confer per gratiam
A Deo tibi traditam

Qui tibi sapientiam
Donavit et potentiam,
Qua rhetores convincere

20. Potuisti celerrime

Et ad Deum convertere
In crucifixi nomine,
Hos ad coeli palatium
Praemittens per martyrium.

25. O beatae primitiae
Tuae sanctae militiae,
O virilis constantia,
Vincens blanda et aspera,
Quam non mulcent blanditia,

30. Nec deterrent supplicia.
Imperator Maxentius
Caedens te scorpionibus,

Hinc tenebrosi calceris

In profundo detruderis,
35. Fame, siti et frigore

Maceranda continue.

At te columba candida

Refovebat interea,

Dum dapes defert coelicas.
40. Cum te regina visitat,

Christus eam illuminat,

Quae cum duce Porphyrio

Coronatur martyrio.

Duces quoque mox milites
45. Ducenti fiunt martyres,

Quorum felix victoria

Tua laus est et gloria.

Post haec visus est Dominus

Cum coelorum agminibus,
50. Turba stipatus virginum,

Hoc tibi dans solatium:

Agnosce tuum, filia,
Actorem, pro quo gravia
Suscepisti certamina,
55. Constans esto per omnia,
Tecum sum in auxilio,
Nunquam ego te desero.
Quam magna consolatio
Fuit haec sponsi visio.
60. Vix enim fiunt machinae
Rotarum acutissimae,
Quas nimis horrens tacite,
Et mox solvuntur turbine.
Sed de plebe incredula,
65. Quae stabat ad spectacula,
Quatuor perdidit milia
Manus vindex angelica.
Post hoc factum miraculum
Turba gaudet fidelium,
70. Grex terretur incredulus,
Mente dolet Maxentius,
Cum se vinci a femina
Vidit immitis bellua,
Capitali sententia
75. Te plecti jubet, domina.
Et jam ante martyrium
Preces fundis ad Dominum
Pro cunctis, qui memoriam
Tui agunt mcllifluam.

80. Exauditur oratio
In coelorum palatio,
Vox tibi mandat angelica,
Haec impetrasse per omnia.
Hinc grates agens Domino,
85. Cervicem subdens gladio,
In Jesu Christi nomine
Lac fudisti pro sanguine.
Corpus sumentes angeli
Condunt in monte Sinai,
90. Ex quo destillat oleum
Infirmis saluberrimum,
Ubi Deus innumera
Per te facit miracula,
Sed et per orbis climata
95. Tua laudantur merita.
O viva Christi hostia,
Katharina sanctissima,
Tua mihi sit passio
Peccatorum remissio,
100. Jugis commemoratio
Sit mentis reparatio.
O virgo sole pulchrior
Et omni melle dulcior,
Fac, ut tua memoria
105. Mihi sit perpes gloria,
Exaudi haec precamina
Mea delens peccamina
Virtute potentissima.
Katharina piissima,
110. Quae perpetravi scelera
Et mala innumera,
Ab eorum me sarcina
Tua prece exonera.
Cum mala cogitatio
115. Vel carnalis temptatio
Fit hostis expugnatio,
Tua commiseratio
Sit cordis reparatio.
Audi preces cum jubilo
120. Tuae laudis, quam recolo,
Katharina fortissima,
Post Mariam dulcissima.
O Maria, flos virginum,
Mitem fac mihi Dominum
125. Deum tuum [et filium]
Por Katharinac meritum.

Katharina, archangeli
Pro me orent et angeli,
Apostoli et martyres,

130. Confessores et virgines ;
Cuncta coelorum agmina
Pro me ut orent, depreca
Tu, quae de sponsi gloria
Felix vivis per saecula.

135. O Christe, salus unica,
Qui de carne virginea

Pro me nasci dignatus es
Et mortem crucis passus es,
Sis Katharinae precibus

140. Mihi semper propitius,
Post hujus vitae terminum
Aeternae confer praemium.
Cum patre, sancto flamine
Regnas tu sine tempore,

145. Tibi laus sit et gloria
Per saeculorum saecula.