110. Ad B. Mariam V.

1. Ad supernae gremium
Matris gratiarum
Sonet vox fidelium

Per orbem terrarum
Coeleste praeconium.

2. Verbi patris atrium,
Vas provisum carum,

Pneumatis palatium,
Trium personarum

Simplex hoc triclinium.

3. Rosarum rosarium
Aromaticarum,
Flos est haec convallium,

Fons deliciarum,
Coelibatus Ulium.

4. Coelestis viventium
Puteus aquarum,

Orphanorum bravium,
Tutrix viduarum,

Pauperis refugium.

5. Haec mundi dominium,
Princeps reginarum,

Coeli privilegium,
Quies animarum,

Finis poenitentium.

6. Abrahae sacrarium,
Lux ecclesiarum,

Vatum vaticinium,
Lex patriarcharum,

Foederis coimubium.

7. Jacob sidus praevium,
Virga fecundata,
Jesse numen regium,
Stirpe David nata,
Virtutum collegium.
8. Haec per Dei nuntium
Christo desponsata,
Virgo vitae praemium,

Verbo gravidata

Parturivit gaudium.

9. Haec post puerperium

Mansit illibata,

Post offerens filium

Templo, nunc praelata
Juxta Christi brachium.

10. In coeleste solium

Regnans exaltata,
Muris innocentium

Stans circumvallata
Ordine coelestium.
11. Uoeli, terrae, marium

Victoria lata
Tibi, dux errantium,

Quae tollis peccata
Prece supplicantium.
12. Ad Christi convivium,

Dulcis advocata,
Duc nos commensalium

Ad regna beata
Supernorum civium.

III. Ad B. Mariam V.

1. O polorum dominatrix,
Super sanctos imperatrix,
Sis meritis hic adjutrix
Et in coelis interventrix.

2. Tu es Christi Jesu mater,
Ipse quidem tuus pater,
Natum roga, pia mater,
Nobis fiat clemens pater.

3. O Maria, maris stella,
Pietatis digna sella,
Pro me Christum interpella,
A me pellat mundi bella.

i. Paradisi tu es porta,
Per te salus est exorta,
Calamitas est oppressa,
Quae per Evam est ingressa.

5. O lilium convallium,
Vide meum suspirium,
Inter spinas, virgo, flores,
Quam qui sentit, mutat mores.

6. Tu virginum principalis,
Tu meriti singularis,
O Maria, radix Jesse,
Nobis vales sic prodesse.

7. Quem non capit orbis aula,
Haec pro nobis dones nauia,
Tu moestorum solatium,
Coeli tenens dominium.

8. Per te sumus nos redempti,
Coeli sede reportati,
Unde grates tibi damus,
Hymnizantes exoramus.

9. Ave, virgo florens rosa,
Cunctis pares speciosa,
Salve, virgo praeelecta,
Quae ab ipso es repleta.

10. Christi mater nos solare,
Et quos venit liberare,
Quod non valent impetrare,
Quam dignum est te laudare.

11. Christiani, hanc laudate
Et reginae decantate,
Vos, qui laudes sibi datis,
Sic meritis hic vivatis.

12. Audi preces humilium,
Pium praebe praesidium,
Miros praestas et odores,
Malos perdis et foetores.